الرفقه لها مواجيب
 

القصه لثلاثه رياجيل كانوا يمشون معا بعض يطلعون للقناصه سوا يسيرون لمعارفهم سوا وفيه واحد هو اكبرهم
يستشيرونه في امورهم الصغيره والكبيره ولاجاو بيروحون لي مكان دقوا عليه وخذوه معهم لانه كبيرهم وشايبهم
وهذي من الاعادات الطيبه احترام الكبير وتقديره ولاهيب غريبه على الاجواد والبدو العلوم اللي مثل ذي واطيب
المهم انهم تعرفوا على واحد تاجر {عنده دراهم} وصارو يقدرونه اكثر واذا ظهروا برى بتوا له الفرشه وحطوا المركى
وجلسوه وصبوا له القهوه مع العلم ان شايبهم اكبر منه في العمر وفي الخوه واكثر الاحيان يطلعون ما دقوا عليه بعد
ماتعرفوا على التاجر وصاروا يضربون به الرجل ولايحسبون له احساب فجات في خاطره مرتهم فيه وجحدانهم له ولخوته الاوله ومرتهم ذي ماهيب طيبه لاكن الدنيا الله يكفينا شرها تجي باكثر من كذا فتهيض بهاذي القصيده


[frame="1 80"][poem=font="Arial,5,black,normal,normal" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black"]
اشوف بعض اصحابنا مايمرون = وانا الجفاء من صاحبي ماستحقه
وعندي خبر عن غايه اللي يكنون = شافو بحالي من جفى الوقت رقه
وانا من الهجران مانيب ممنون = مجفى رفيقي لو جفاني ماعقه
لو انهم عن غايه القلب يدرون = مرو علي ماعليهم مشقه
لاكن مع الدنيا واهلها يميلون = لا ويعطون راعي المال من فوق حقه
لو تنفع الدنيا نفع مال قارون = جاهه وماله ماعدى الوقت بقه
الدايم اللي بقدرته كون الكون = ادى الجبال ومجرى الانهار حقه
والادمي ماهو عن النقص مضمون = يفنى ويفنى المال جله ودقه
عمر الفتى لو طالب الحق مرهون = لايامن الديان بابه يطقه
اتلى العهد لاقالوا افلان مدفون = ولفوا عليه من ارخص الخام شقه
ويقراء الكتاب اللي به العبد مديون = والكل يحصد ماكدر واستحقه[/poem][/frame]


هذي السالفه والقصيده سامعها من لسان الراوي المعروف
محمد بن علي الشرهان

والآدمي ماهو عن النقص مضمون....يفنى ويفنى المال جله ودقه

فعلا والله انه صادق ...الانساان اذا جمع له قرشين كأنه مخلد ولا يحسب حساب الآخرة وما فيها من أهوال وما فيها من نعيم .


صح لساااان الشاااعر وسلمت يمين النااقل

ولا تخلينا من مثل هالقصائد التي تضم عددا من الحكم والفوائد التي تفيدنا في حياتنا اليومية يا معشي الذيب

تقبل تحياااتي

ابشر بالسعد يالسيف النادر
مثلها وازين منها
ولا لنا فضل في خدمتكم

صح السان الشاعر .... وسلمت يمين الناقل
 

لاهنت يااامعشى ولاتحرمنااااااا من مثل ذى السوالف الزينه

[poem=font="Simplified Arabic,4,black,normal,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
من يتبع الدنيا والله مجنون=ما حد ميت لين يستلم كل حقه
ماينفع لو ملك مليون مليون=الموت حاصل والبشر له محقه
بيتين جاريت بها شخص مغبون=من ربع الجفا والجفا ما يستحقه[/poem]

ابيات خربطت بها محاوله مني لمجارة الشاعر



اخوي معشي الذيب
لاهانت ولا هان قايها وناقلها
وبيض الله وجهك يا ابو ضويحي وما قصدت ولا تحرمنا من علومك الطيب
اخوك ابو ذيب

معشي الذيب

يازينها من قصيده ., تسلم يالاجودي على النقل الطيب.

يعطيك العافيه

لاهنت ياذيبان وتسلم يمينك

والخوه اللي وراها مصالح وطمح ماعليها حسوفه






وابو ذيب ابياتك ذي ما هيب والله خرابيط الا من شاعر متمكن ولا يحتاج شهاده

بيض الله وجهك يا معشي الذيب والله ان لي مده وانا ادور ذالقصيده

لاهنت وسلمت يمينك

الله لايهينكم يالربع

وشاكرين لكم على مروركم الطيب

لانت يابو راكان وشبل قحطان وابو ذيب والامبراطور وناصر المعمري وفارس الفراج

ونعم بكم كلكم وابشروا بالسعد

الله لا يهينك يا معشي الذيب

معشي الذيب

بيض الله وجهك اختيارك موفق

والله مايعرف قيمة الخوي الا من يفقده

الله يرزقنا وياكم بخوة المطاليق هل العليا

لاهنت لاهنت

من قال ما هان انت ياملحف الرفيدي وابن شويه

وشاكرين مروركم العزيز يالاخوان

رد : الرفقه لها مواجيب
 

شكرا لك يامعشئ الذيب وانا توني ادري بك في هذه الساعة حياك وقصيدة رويتها بالتفصيل وبيض الله وجهك

رد : الرفقه لها مواجيب
 

اخي معشي الذيب الله يعافيك على


القصه والقصيده والنقل الرائع وصح لسان قائلها

الصحبه اللي على مصلحه سرعان ما تفشل

اما الصحبه اللي على معزه واحترام ان شا الله تدوم

وصدق من قال الفلوس تغير النفوس . النفوس الضعيفه فقط

تقبل تحياتي

رد : الرفقه لها مواجيب
 

معشي الذيب

قصة وقصيدة في منتهى الروعه والأتقان

فألف شكر لك من الأعماق

على مانقلت لنا

فلا تبخل علينا بكل ماهو بجديد

ودمت سالماً

رد : الرفقه لها مواجيب
 

لاهنت يامعشي الذيب ولاهي غريبة منك العلوم الطيبه ودايما تحريبها

رد : الرفقه لها مواجيب
 

السلام عليكم ورحمة الله وبركاته

ارحبوووووووووو يارجال تراحيب المطر

لاهنتوا على المرور وابشروا بكل مايطربك يالمطانيخ