|
التهاني لعاشق الليل على نجاح العمليه
السلام عليكم ورحمه الله
ويسعد أوقاتكم بكل خير وعافيه بإسمي وبإسم أعضاء ومشرفي ومراقبي مجالس قحطان نزف التهاني والتبريكات لأخونا الغالي عاشق الليل على نجاح العمليه الحجامة التي أجراها بداية هذا الأسبوع والتي ولله الحمد كللت بالنجاح والتوفيق والحمدلله على سلامته ومايشوف شر وقد أجريت له العمليه في شارع السباله جنوب مدينه الرياض وقد قام بإجراء الحجامة البروفسور السوداني عثمان صالح آدم والذي يعد من الكوادر الطبيه العاليه الكفائة على مستوى الوطن العربي في هذا المجال...تهانينا لأبو رعد. ويعد هذا البروفسور من أوائل من عمل في حراج ابن قاسم جنوب الرياض في الزل وكان يعد نموذجا عالي الكفائة في هذا المجال وخاصة عندما تريد تشتري من عندة ماتلقى سانتي واحد زايد لك وهذا يعطي دليلا على الدقة وبعد مشاكل مع الكفيل زادت بتقدم الأيام نصحوة أصدقائة بالتوجة لعمل الحجامة وخصوصا انه يمتاز بالدقة فبدأ العمل عند أحد حلاقي الحجامة في شارع السباله وهو حاليا يعد الأول في هذا المجال. من نتائج عمليه الحجامة لعاشق الليل وذلك بعد أخذ عدد من الصور: 1- الجزء الخلفي من الراس يوضح وجود مطبات كثيرة تشبه إلى حد ما مطبات حي السويدي في الرياض (وهو موقع الحجامة) 2- الجزء المتوسط الخلفي مرتب قليلا مع تواجد مناطق فاضيه من الشعر نتيجة لعمليه الشد أثناء إجراء الحجامة وهي تشبه كثيرا مخطط وادي لبن أول ماخطط . 3- وجود خط فوق الأذن اليسرى يمتد حد الأذن اليمنى بدون عوائق تذكر وهي نفس فكرة الدائري الغربي والجسر المعلق بين الأذنين. 5- المناطق الأماميه تشبه كثيرا مخطط نمار جهة الشفاء بالرياض ووجود نقطة كبيرة وهي عبارة عن مركز الدفاع المدني القريب منها وكذلك نقط صغيرة تدل على وجود عدد من الإستراحات. 6- يتضح من أخذ صور أماميه قامت بها وكالة ناسا عن وجود بقع ضوئيه إتضح لاحقا أنها أنوار حي الفواز. وبعد عمليات كثيرة لعدد من المراكز الإداريه على مستوى العالم ومن ضمنها مركز الإيروماتش وجلوفكس حول توقعاتهم أوضحوا ان البروفسور السوداني إعتمد في عمليته لأخونا عاشق الليل على مخطط الرياض والذي قد يعطي إنطباع ان هذا الرجل سيتوجة للعقار في المستقبل القريب كما تم التأكد أنه حصل على بعض الخرائط والمشاريع لمدينه الرياض ومدن أخرى قامت هيئه تطوير الرياض بإرسالها له حتى يتمكن من تنفيذها في روس الزباين. تهانينا لأبو رعد وعقبال ابن خرصان إنشاء الله نشوف فيه مخططات جدة وحمدلله على سلامتك يا عاشق الليل |
رد : التهاني لعاشق الليل على نجاح العمليه
بيض الله وجهك يا بو عبد الله وانت السباق بالاخبار الطيبة
والحمد لله على السلامة يابو رعد .. وكويس انك تحجمت عندالبروفسور عصمان ادم والاخ منصور قد جربه من قبل والحق يقال انه من مشاهير سوق الغنم ... http://www.qahtaan.com/works/up/uplo...1178517817.jpg لا وابن خرصان يمدح اخوه اللي بالسودان ... ممدوح http://www.qahtaan.com/works/up/uplo...1178518211.jpg يقول اذا فرك راس الواحد يطلع زي هذا http://www.qahtaan.com/works/up/uplo...1178518346.jpg |
رد : التهاني لعاشق الليل على نجاح العمليه
أبو عصام شفت الصورة الثانيه
شايف الخط المنقط اللي بالوجه هو نفسه في أبو رعد بس بدون نقط |
رد : التهاني لعاشق الليل على نجاح العمليه
الله يرجكم رجاً والله المستعان
فضحتوا الرجال ما صارت حجامة بس على فكرة نسيت تورينا كمة المخ اللي ظهرة من راس ابو رعد أثناء العملية لا يكون لحسه عصمان ترى بيطلع غبي لآن مخ الاذكياء لا يحلس وبعدين هذا اليدلوجيات تسببت في اغواء بعض الشباب مما حا بنا نذهب المنطقة الشرقيه هذا الاسبوع لحضور زواج خالي وبعد ذلك قال يحي الفخراني لزوجته قوم اعمليلي شاهي ولما طلقها حست انها كانت ظالمت جدتها فقام هو واخوانه في زواج ابوه بعمل ترتيبات لهذا الشي فهو غريب الاطوار ومتين يصلح لأي شي سواء الاكل وغير ذلك من تنصير المسلمين في افريقيا و كانت عمليات الجراحة الليلية تبدا كل يوم من السنة الهجرية وبعد ان طلقها ثلاث سأل الشيخ فقال له مدرسه احفظ الواجب الله يهديك لابد ان كل واحد منا يسافر ليرفه عن نفسه شوي حتى يتمكن من احقاق الحق وترتيب الاوراق في هذا الشأن مدام أن اخو يري الزواج غير ضروري ها الحس مخك والا باقي وان كان باقي الله يهديك لابد ان كل واحد منا يسمم افكار خويه حتى (( اه تعبت ابروح ارتاح وكمل بكرة)) |
رد : التهاني لعاشق الليل على نجاح العمليه
الله برج أبليسك يامنصور رجاُ مبرحاُ من أوهايو الين يوصل الرياض
. . الحمد لله خذينا من الحجامة نصيــــــب باقي نشوف مخطط مدينة الملك عبدالله الصناعية...في رأسك |
رد : التهاني لعاشق الليل على نجاح العمليه
نسيت أبن عياف
تكفي ياعاشق الليل...لبغيت تودي منصور المطوع ...مر على بيت بن عياف تلقاه في الحوطة اللي وراى بيتهم..يصد قطاوه...(في مس من الجن ) بسم الله علينا خخخخ |
رد : التهاني لعاشق الليل على نجاح العمليه
بسم الله الرحمن الرحيم
السلام عليكم ورحمة الله وبركاته يا الربع لا تشرهون على منصور لانه انشالله في طريق الشفاء الله يعقل علينا وعليكم فيه انا مريته البارح انشقه علاج لي شهر وانا اجمع فيه وكله عشان ابن خرصان اعتزا في وانا حبيت اخدمه وانقلب اصبيح جني اشوفه اليوم يكتب وبحاله نفسيه جيده والله يشفيه انا متاكد ان كلكم مرعين ظروفه الصحيه لكن انشالله فتره وتنتهي ياربع جواله ضايع قبل سته شهور حصلته يدورله في وادي حنيفه يقول انه حلم ان الي خذاه من يده وهو يكلم انه مدسوس في وادي حنيفه والرجال ظني اوجعته الدوره والشموس ادمغت راسه وسار ياخذ ويجيب في الكلام لكن انشالله انه من احسن في احسن ترى انا احبه ولا رح اتخلى عنه ان شفنا العلاج المحلي نفع فيه ولا وديته للخوبه اعمل معروف فيه حط راسي شوارع وكباري ومخططات ومقبــــــــــــــــــــــــــــولــــــــــــــه من ابو عبدالله اقسم لكم اني ضحكة الله يعطيني من خيره ويكفاني من شره هذا الضحك |
رد : التهاني لعاشق الليل على نجاح العمليه
ههههههههههههه يابو رعد انت والجوال اللي اسرق
تصدق قمت أوسوس ما استبعد يكون لأبن خرصان دور في الموضوع والله اني مت من الضحك على أنقلب صبيح جني عاد فيه موضوع ثاني بينزل قريب يخص عاشق الليل وراك وراك لين اخليك عاشق النهار علشان تهجد في الليل وتنام |
رد : التهاني لعاشق الليل على نجاح العمليه
والله لم اكن اعلم بخفة دم القحاطين الين دخلت استراحة المجلس وانتم في المجالس الصدقية منتهى الجدية
الله يرجكم رجاً يخرج زبدتكم 0 واسمحولي على الميانة واللقافة كلنا بني عم 0000نمون |
رد : التهاني لعاشق الليل على نجاح العمليه
الحمد الله على السلامه يابو رعد
انا اقول اشوفك رايق ليش علشان عملية الحجامه بس منصور العبدالله سواها قبلك ماتلاحظ انه غاب فتره السوداني لعب في راس منصور وعلى فكره يشباب ترى منصور هو الي دل ابو رعد على السوداني ابو رعد ماجد الخليفي جاب صورة السوداني الي سوى الحجامه تحياتي |
رد : التهاني لعاشق الليل على نجاح العمليه
خخخخخخخخخخخخخخخخهه
منصور وش طرا لك على الرجال؟ أبو رعد بسم الله عليه مثال للعضو المتميز ولا فيه شي ونشيط تقول يشتغل على 8 سلندر ولا عاد بحسن من أفكاره البايرة أبن عياف والله أني يوم قريت رده ماعاد عرفت أفكر علشان أرد من قوة مصابه الله يهون عليه ونا أشوف واجبنا كأخوه متعاونين أننا ماننسى أبن عياف هذا أخونا ومنا وفينا لازم نوديه لسودان عند أخو ألي حجم أبو رعد يشوف له حل أما رديناه صاحي ولا خبل بت ______________ الضاهر ماعادني برد ألا أخر واحد ونستمتع بالافكار والتعليقات ألي يطرحونها الشباب شوكرن |
رد : التهاني لعاشق الليل على نجاح العمليه
أبو أحمد الرشيدي
هلا وغلا وتمون وانا اخوك والله يحييك بين ربعك واخوانك ابو ريان ياخوي ما أحد درى الا انت وتجي وتفضحني وانت تدري الملاقيف كثار مشكور اخوي ابو ريان على مرورك اللي اقل شي اقول انه راقي ومميز أبو جابر تكفى ابن عياف عزيز وغالي وبالنسبه للحاله اللي هو فيها لا تخاف تجيه يوم الاحد والاثنين فقط وباقي الاسبوع يكون تمام مشكورين لمروركم وتعليقاتكم وعلى فكرة اليومين هذي اشوف عاشق الليل من مكتب العمل إلى الجوازات يبي ينقل السوداني على كفالته تحيااااااااااااااااااااااااااااااااااااااااااااااا اااااااااااااااااااااااتي |
رد : التهاني لعاشق الليل على نجاح العمليه
تفاحه
من انا لام اررررررررررررررررررم بق وي وي وي وي اليوم وشهو وانا من انا |
رد : التهاني لعاشق الليل على نجاح العمليه
هههههههههههه يابن عياف الله يرج عدوك
ياخوي وش فيك هاليومين قسم بالله مت من الضحك على هالزحف تحياتي يا عسسسسسسسسسسسسسسسسسل |
رد : التهاني لعاشق الليل على نجاح العمليه
أبن عياف
والله منت طبيعي عليك أحياناً طلعات غريبه بس زي القشطه |
رد : التهاني لعاشق الليل على نجاح العمليه
منصور
ابوجابر ابن خرصان وبقية الاخوان اشكركم جزيل الشكر على التعاطف مع حالتي ( يوم الاحد والاثنين ) والحقيقة انا ما علمتكم بذلك ولكن انتبهوا تري يوم الخميس أزحف من كذا ولذلك لو تلاحضون لا أكون متواجد ذلك اليوم وانا اعاني من تنسيم في الرأس حاط عليه علك أو بعض المرات تمره والرد السابق كان العلك طايح لأنه نشف وانا مادريت ولذلك تلاحقت نفسي وحطيت تمره ولكن أعاني بعض المرات من بعض الشباب الملاقيف مثل بن خرصان اذا شافني جر الغترة بسرعة عشان يطيح العلك والموضوع خطير لو ان هناك مجال للسياسة لاكان ....... شكلي بديت أشطح يمكن طاح العلك |
رد : التهاني لعاشق الليل على نجاح العمليه
والله انك فله يابن عياف
ياخوي حط رقعة حقت الباشر والله تنفع ترى ابن خرصان في راسه 6 رقاع مساويها عند البنشري وكل رقعة بخمسه ريال |
رد : التهاني لعاشق الليل على نجاح العمليه
خخخخخخخخخخهه
أبن عياف ياخي وش تقول أنت تمره علك خلبه خرقه هاذي كلها أشياء غير عمليه ياخي فيه أختراع أسمه غرى ولا سده تحصلها في أقرب محل سباكه وعد شيك كل ثلاث ايام بصابون تشوف فيه تنسيم ولا لا |
رد : التهاني لعاشق الليل على نجاح العمليه
هههههههههههه يابو جابر
الله لا يوفق عدوك الغراء عاد ينشف راسه ويجيك الهبال صح تكفى خله يقعد على العلك |
رد : التهاني لعاشق الليل على نجاح العمليه
هههههههههههه
الله يرج أبليسك بابو جابر........على هالنصيحة المهوية وش سويت في الرجال.......سمع كلامك... وشف وش صار له . . http://qahtanrm.jeeran.com/473.GIF ليته خلاها على العلك....كان أصرف.... وووه ...وش الايوم....؟؟ |
رد : التهاني لعاشق الليل على نجاح العمليه
والله انكم مهوويين جميع
|
رد : التهاني لعاشق الليل على نجاح العمليه
وووووووووووووووووووووووووووووووووووووووووههه
يتكم بقع وتخبال حلوه الصورة لبن عياف والله مت من الضحك |
رد : التهاني لعاشق الليل على نجاح العمليه
ابن عياف وش هالحركات
والله صورك خطيرة لاهنت يابن خرصان انك حطيت صورة ابن عياف علشان يصير عبرة لغيرة لاهنتوا ا ا ا ا ا ا ا جميعااااااااااااااااااااا |
رد : التهاني لعاشق الليل على نجاح العمليه
الله يقطع نصيحة منصور
خرب علي نصايح الشباب حطيت رقعة بنشري وراح التنسيم وارتحت مرة وقررت أني اروح للشرقية من الربوع الى السبوت وفعلاًَ رحت والله فله بس حصل ما لم أتوقعه واحد من خوالي كان معي ولا يعرف عن الرقعه شي نزلت الغتره وشاف الرقعة وقال لحضه وجرها على طول بدون ما يسألني كنه جار راسي بسلسلة وحدثت المصيبة الكبري صار التنسيم أكبر عشر مرات ما عاد ينفع رقعه ولا غراء يا عيال صار راسي مثل الزيتونه يعني نسم مرة يعني ما عاد فيه حل يعني بالعربي اخذو زحفان يال يال يال بم بم والله مواصلين الشباب يالله ادعسو معي على فكرة من انا ياهوه لحضه وين بن خرصان انتبه لنفسك مني يعني لا تطلع الشارع تراني شاري جمس احمر رفارف ومغير كفراته حاط كفرات تريله وملبسها سلاسل بالمسامير يعني تخيل شكلك وش تصير |
رد : التهاني لعاشق الليل على نجاح العمليه
ابن عياف
ياكثر ماصلحت في هالراس ياخوي مالك حل كل يوم تغير في قطعة وكل ماصلحت هنا نسم من هنا غيرة وارتاح شف لك راس فاضي وركبه وارتاح وريحنا |
رد : التهاني لعاشق الليل على نجاح العمليه
خخخخخخخخخخخخخخهه
والله حالتك مزريه يابن عياف وبيني وبينك خالك ذا ماله داعي يوم يسحب الرقعه يعني المفروض يسألك قبل لاكن تستاهل يوم خليت كلامي وسمعت كلام منصور عندي لك حل ثاني حل معقول ومنطقي ومفيد وناجع في نفس الوقت مدام راسك كذا وش يلزمك فيه ياخوي بلا راس أوفر وحسن لا تروح حلاق ولا يحتاج تلبس غتره وذا أنزكمت ترتاح من المناديل ولا عاد تشوف أخبار فلسطين ويكفيك بس لو سلمت من وجع الراس ألي يقولونه وذاك مصر مصر مصر <<<<<< مصر بصر الصاء وتعني ملزم ولا أنت مستغني عن ذا الراس <<< معا أني أشوف أن ماعاد له لزوم رح عند حدا ذولا الصناع ألي في الخميس وخله يفصل لك على راسك صاجه واحد ملي ولا ملي ونص جبها على طريقك من صناعية الخميس وأبن أمه ألي يفكها وذا ماناسبك الحل ذا فعندي حل ثاني وتراه الاخير دور لك أحد معارفك في تموين الجيش وخله يدبر لك خوذه من ألي ضد الصواريخ ودق لك بكيس أسمنت اليمامه الكيس ألحين ب22 ريال أذاك في الرياض وذاك في غير الرياض يمكن يوصل 25 والله يديم الرخص أذاك بتشتري كيس واحد ما يضر صب في الخوذه نص الكيس قبل ماترقد وشويه رمل أبيض ورش عليه ماء وخلطها بملعقه ثم ألبسها وتلثم بغتره ورقد تصحى الصبح تكتشف أن المشكله أنتهت للأبد ولا تنسى تدعي لي معك أخوك أبو جابر وأتمنى لك بقضاء أوقات سعيده في مجالسنا شوكرن |
رد : التهاني لعاشق الليل على نجاح العمليه
سلامات امسكينها على الحجامه وعمليه وزحمه وراس مالها شفطتين من اخر الراس وانتهت
|
رد : التهاني لعاشق الليل على نجاح العمليه
http://pcs.fares.net/2002/fl001.jpg الف سلامة يابو رعد وماتشوف شر واخرتها معك وش خليت يابو رعد حطيت راسك تجارب لهل السودان !! ماصار راس ( ماطور كورلاء) ( 82 ) الله لايبلانا على فكرة يا ابو رعد الوردة الي فوق مسروقة لاتفشلنا من عند ابو مذي منك لله يا منصور وش خليت :017: بجد صار الواحد يتحاشك تحياتي |
رد : التهاني لعاشق الليل على نجاح العمليه
انا
محتار اسمع كلام منصور أو ابوجابر بس التنسيم مع كل جهه حلوه يامنصور ههههههههههههههههه ولكن الحقيقة ذا المرة سمعت كلام ابوجابر حبيب الكل وليتني ما سمعته امحق نصيحة الخميس بعيد على ومادمني في الرياض طبقت الحل الثاني ولأنه الاخير قلت مالي الا هو وياليتني ما سويته كلمت واحد في الجيش وجاب الخوذة ونفذت كلام ابوجابر كامل وتوهقت ذلحين في مصيبة كبيرة وعويصه صح ما عاد فيه تنسيم ولا عني مشكله اشيل الغترة ولا تهمني الموية اللي تطيح العلك ويازين ايام العلك والتمرة ياشباب المصيبة الان مالها حل ما أقدر امشي واذا وقفت طحت راسي صار ثقيل مرة صرت امشي معي خمسة من الربع يشلونه ويدعون على ابوجابر اللي وهقني يقول ( وهق ولدنا امنول راس ماله علك والا تميرة ) ياجماعة اناشد اهل القلوب الرحيمة في هذا المنتدي طبعاً غير ( ابوجابر ومنصور وابن خرصان )) بان يحاكمون المذكورين اعلاه في محكمة تشكل هنا في هذا المنتدى برئاسة الاخ / فارس قحطان والشكوى التطبب في راسي والتغرير بي لعمل تجاربهم وطبابتهم دون ترخيص منكم الان وش اسوي دايم منسدح غصب اما قدام والا ورى وبهذلت ربعي معي راسي الان وزنه خمسين كيلو والمشكلة الجماعة ما قصرو ودوني الحداد قال ماله حل صبه وحديد ودوني يمين يسار سيده قدام ورى ما فيه حل والا حتى ربعي اتركون من التعب والحين انا طايح ازحف زحف ان جلست طاح راسي ورى وان قمت طاح راسي قدام اطالب بتعويض مالي كبير اعشان استقدم عشرة عمال من باكستان يشلون الرأس حدني حي لحظة لحظة استنو اشوي( 00هذا الكلام للي يشلون راسي يقولون خلص علينا من صبح وانت تكتب تعبو 000 يقولون ترى بنفكك اي اي لا لالا افا |
رد : التهاني لعاشق الليل على نجاح العمليه
أنا لله
الله ينعى خشمي منك يابن عياف مافكرت في الشي ذا ولا جا على بالي ألا يوم قدني في المحاضره والدكتور يشرح خابر كيف الواحد يسرح وتذكرت عامل الجاذبيه الارضيه والثقل النوعي لكل من مادتي الفولاذ والخرسانه لاكن وش عليه أخترع لك حل أحسن من الاول وتراه ألي بعد الاخير لاكن على الله الشكوى والمستعان وفي الحقيقه ما تهون علي يابن عياف مضطرين نغير كلامنا علشانك وتر ماهو بعلشان المحاكمه ألي تقول عليها أقترح عليك ونا خوك تستاجر لك كمبريشن أثنين أفغان بالمعده ألي معهم يوميتهم 600 ريال <<< علشان ماحد يضحك عليك وياخذ أكثر وذا بيتك في جنوب الرياض بتعين يوميتهم من ألي عند الحراج ب400 ريال ألي عليك أن تسلمهم راسك ولك أن يخلصونك من الخوذه والسمنت وترجع زي أول أيوااااااااااااااااااااااااااااااااااااااااااااااا ااه ألحين تبدا الفكره الجديده وترها فكره معتبره جلست أفكر فيها ردهة من الزمن وهو أنك تقول للوالده تسوي لك نحت رضيفه وتكثر الرضيفه المهم أضرب بالخمس أنت لحالك فلما شبعت ولي عليك بالخير حط النحت جنب الجدر وأدخل راسك فيه وحاول أنك توقف بالمقلوب يعني راسك في النحت ورجولك في السما وأذا أخوياك بيتكافون عندك لمدة شهر يستلمون ورديات علشان ما تطيح بتجبس الرضيفه والعريكه بعد مرور الزمن في راسك بعدين تقوم وحولني على المحكمه العامه أذا عاد فيه تنسيم ولا بتبقى عندك ألا مشكله بسيطه وهي النحت وهاذا مشكلته سهله بيتجمع السمن عليه وبيملص سريع سريع وفي النهايه تنتهي المشكله لا وزن لاتنسيم لا أية مشاكل وترجع أبن عياف بتاع أيام زمان وتراني ما أبي منك ألا أن تدعي لي أخوك أبو جابر وشوكرن |
رد : التهاني لعاشق الليل على نجاح العمليه
مساكم الله بلخير العذر لله ثم منكم
كان لدي ظروف خارج مدينة الرياض ورجعة ولقية هل زحف القوي ونحاول نزحف ونلحق والسبب بداية الموضوع موضوع منصور المتطور اشوف ابن عياف سار راسه قضيه لابو جابر وباقي الاعضاء اشوف علك وتمر وسفلت وانا اشوف الرجال مافيه انشالله الا العافيه ولكن بعد ما قراة طلب الحل لراسه تاكدلي بانه بحاجة لاصلاح ولذلك اقترح ان ينزل مناقصه على حساب مجلس قحطان وتكون الشروط موضحه لتسكير لتنسيم بحيث انه لم ياثر عليه مستقبل في الوزن او في المشي وتكون الشركه عالميه اما خرابيط ابو جابر ماهي حلول بحيث ان ابن عياف عضو نشط ومحبوب للجميع وذلك نرجو من منصور وابن خرصان وسعيد بن مذي وال معمر ان يبحثون في الوضوع ولا اعلان عن المناقصة والتكلفه وذلك اصلاح العضو النشط ابن عياف وانا اسف ان كان تسببت حجامتي لتنسيم راسك ولكن الاخ منصور يخطط ويرسم ويكتب وهو المنسم الاول المنتهي ونسال الله العفو والعافيه وتقبلو تحياتي ونقديري ولاتشوفون شر جميع وموضوع شيق وجميل اخوكم ابو رعـد |
رد : التهاني لعاشق الليل على نجاح العمليه
السلام عليكم
ابو رعد كيفك اليوم بعد الحجامه يخوف ان اغلب الاعضاء يبون الحجامه وليت من شاف ابن عياف وهو مسوي حجامه والي يسويها ابو جابر ومنصور جالس يتفرج على ابن عياف ويخوفي لو يعمل ابن عياف الحجامه بدلا من ان يروح للعمل يروح ينام في الاستراحه لانه مانام له اسبوعين تحياتي لكم جميعا http://www.qahtaan.com/works/up/uplo...1179267633.jpg |
رد : التهاني لعاشق الليل على نجاح العمليه
ابو رعد
ارحب وينك ياعاشق الليل ذبحوني الشباب عقبك نسمو براسي وبهذلوني بعلاجاتهم ومغير جالسين يتطببون فيني وابن خرصان كل شوي منزلي صورة اشين من الثانية وانت دخلت وشفت الموضوع كامل وشفت حركات ابوجابر والحقيقة كلامك في محله وانا أويد ذلك طرح مناقصة أفضل مع أنني اطالب أول شي بمحاكمة المذكورين واما من ناحية نشاطي فهذا من التنسيم تصدق بعض المرات أحس اني ملك ( مهوب ملك دولة ملك شطرنج ) ومرات دكتور يولد صار راسي يشطح بعيد وقريب واحس في مثل التريلات تفحط وفعلاً منصور بعد اختفائه احس ان مع تنسيم .... بس بالله اسمع ابوريان وش قاعد يقول يبغاني احجم بعد على باله مقترح شي انا اصلاً بقى فيني راس وش احجم يابوريان ياليت اقدر انت ماقريت وش سوى ابوجابر في راسي وتبغاه بعد يحجمني لا وبحضور المهندس منصور شكلي ابضمك معهم في المحاكمة ولكن لحظه ابو ريان ليش تطلع صورة ابن خرصان مع سوبر مان |
رد : التهاني لعاشق الليل على نجاح العمليه
خخخخخخخهه
يهنيك الفضل يابو رعد وحن بعدك هنا في سهود ومهود أبن عياف وش جابك المفروض ألحين أنك منتكس على نحت الرضيفه ماتسمع الكلام وتبغى تسلم يا والله ماضني |
رد : التهاني لعاشق الليل على نجاح العمليه
لاهنت يابو جابر كفيت ووفيت
وانت يابن عياف إعط ابو جابر فرصة صدقني يقلب راسك عمائر سكنيه ويحط مزاد للتمليك بعدين أي محاكمه تبي تحاكمنا من جدك شكلك ماعاد تبي راسك بالمرة بعدين فارس قحطان موصينا في مجلس المشرفيين يقول ابي كل الأعضاء منسمين زي ابن عياف وانتبهوا تعالجون أحد خلوهم كذا على طول مصرقعيين المهم عندي لك حل وقبل الحل اسف يابن عياف كنت ودي اكتب المقلوب بحكم وجودك منتكس على راسك في نحت الرضيفه بس والله ما أعرف بس عاد شقلب الشاشه علشان تشوف المهم الحل هو خذ لك راس ياباني من عند ماجد تراها غاليه بس يجي معاه لاب توب عطني اللاب توب وخذ الراس أظن ماعاد لك حجة يابن عياف |
رد : التهاني لعاشق الليل على نجاح العمليه
ابوجابر الله يشفيه
واذا جاء يبشر ابعطيه راسي يلعب على كيفه أهم شي يقوم متعافي وراسي معلوب فيه معلوب وش اسوي اهم شي عندي ما يحطه استراحات شباب واما المحاكمة انسى امرها لصار موصيكم فارس قحطان ضاعت الطاسه وصار راسي سحله وانا اصلاً تأكدت انه موصيكم من يوم شفتكم تمارسون الطب الشعبي ولحسة المخ وجلسات الاعتراف والهلوسة والازعاج اثره علشان يكثرون المنسمين يعني قصدكم تجاري بحت يعني تطبقون عمل المصتوصفات (حلوه ) ام فلوس ( احلى ) وبعدين وش دراك اني قالب الجهاز ياذكي واما حلك الجديد خله لك انت قصدك بس الاب ثوب الهدية بس تبيه على حسابي انا يا بخيل وبعدين وش يظمن لي يجي راس مهوب منسم ماجد انت تعرفه ما يسمع زين وشوفه ضعيف يعني ما يعرف يختار يعني حتى لو حط الرأس في ماء ماهوب سامع التنسيم ولا هوب شايفه ويمكن يكون الرأس مظروب أو مغفوض أو فيه سدد في الاذاني أو مستعمل مره أو بعين وحده أو ممصوع منه اذن هذا اذا ما كان موضب عشر مرات أقول شكلي بديت اطمع في راسك وش رايك |
رد : التهاني لعاشق الليل على نجاح العمليه
والله يابن عياف... ومنصور
ودي أرد واشاركم ..... بس ضايقاً صدري من خبر أبو جابر,,,,,,,,,الله يقومه باسلامة....ويرجع لنا بعدها نشوف سالفتكم مع المحاكم والعلاج بالاعشاب الشعبية الله يديم الصحة والعافية....لكل الاخوان |
رد : التهاني لعاشق الليل على نجاح العمليه
انشاء الله ابو جابر بخير وانا اتصلت عليه وانشاء الله انه طيب
شكرا يابن خرصان |
| الساعة الآن 04:54 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com