|
ليش السعوديين مدمنين رز (صور)
http://www.9q9q.org/index.php?image=3LRnQmjjHvUqca
الوجبه الوحيده اللي قد تخلو من الرز في السعوديه هي وجبة الفطور مع اني اعرف واحد يسوي ساندودش رز في الصباح بس نقول هذا حاله شاذه لكن في باقي الاوقات كل الشعب ياكل رز الغدى رز والعشاء رز و الوجبه الرئيسيه في المطاعم رز في قصور الافراح والزواجات والمناسبات ولاعياد ياكلون رز في طلعات البر يمكن ينسون الخيمه لكن ماينسون الرز اذا نوى احد يسافر برا السعوديه يشحن معه كم قطمة رز حتى لو بيسافر للعلاج من السمنه اذا واحد سعودي عايش برا السعوديه يوصي اهله يشحنون له رز او يوصي اللي جايين يقضون عنده الصيفيه اعرف واحد تنوم في المستشفى مدة اسبوعين ومنعوه من الاكل نهائياً وصار المغذي في يده على طول من لهفته على الرز سأل الممرضه (عندكم مُغذي بنكهة الرز؟!) حتى الاطفال ادمنوا على الرز وحتى اللي يرضعون يسوون لهم سيرلاك بالارز http://www.9q9q.org/index.php?image=7NTMqLIIhPpKUs حسب إحصائيات التجارة الخارجية التي تصدرها مصلحة الإحصاءات العامة بوزارة المالية والاقتصاد الوطني عام 1999 م، بلغ إجمالي الكميات المستوردة خلال هذا العام أكثر من 700.000 طن وباجمالي فاق 1.8 مليار ريال تخيلوا (700,000 طن) ويقولون ليش فشلت عندنا مشاريع الصرف الصحي !!! الأنواع التي يتم استيرادها أرز غير مقشور أرز مصري أرز أمريكي أرز بسمتي عنبر وانواع اخرى http://www.9q9q.org/index.php?image=KZaX1WEfd8c7nL أهم الدول المصدرة للمملكة عام 1999 م : الكمية بالطن ـــ الدولة 531263 ــــ الهند 2240 ـــ مصر 53050ـــ تايلاند 120776ـــ الولايات المتحدة 21971ـــ استراليا 51459 ـــ باكستان 431ـــ بنغلاديش 300 ـــ سنغافورة 500 ـــ اليابان 508ـــ إندونيسيا 201 ـــ الصين الهند في صدر قائمة الموردين للملكة http://www.9q9q.org/index.php?image=ZjpbEaVwuehDNL السعوديه اهم المستوردين من الهند 7 7 7 http://www.9q9q.org/index.php?image=6ntImHVwulLkrQ شلون يتصرفون وقت النكبات http://www.9q9q.org/index.php?image=WgmJnIzZXpPoed او عند ممارسة الرياضه http://www.9q9q.org/index.php?image=1KQgJfQrpQSPMk او وقت التنزه في الهواء الطلق http://www.9q9q.org/index.php?image=DSYBfA9a6BDAWT طيب لو زعلوا علينا الهنود وماصاروا يصدرون لنا رز, وش ناكل؟؟ منقول |
رد : ليش السعوديين مدمنين رز (صور)
ناكل الهنود مايبغالها هههههههههه
الله ليتني حول الصورة الاولى شكلها يشهي ولاهنت يالغالي |
رد : ليش السعوديين مدمنين رز (صور)
دائما متميز ياهيثم باخلاقك ولاهنت على الرد
|
رد : ليش السعوديين مدمنين رز (صور)
يوم يمر ما فيه رز تقول يوم ناقص
|
رد : ليش السعوديين مدمنين رز (صور)
نسئل الله العلي القدير أن لا يحرمنا من هذه الوجبه وأنه على كل شيء قدير :)
|
رد : ليش السعوديين مدمنين رز (صور)
اقتباس:
اجمل دعاء سمعت في حياتي |
رد : ليش السعوديين مدمنين رز (صور)
السلام عليكم ورحمة الله وبركاته
انا مع ولدي (( ابن غفرة )) الله لا يحرمنا الرزيزة ولك تحياتي |
رد : ليش السعوديين مدمنين رز (صور)
بس حلوه سندوتش الرز
يعطيك العافيه |
رد : ليش السعوديين مدمنين رز (صور)
يقولون ان اللي يكثر في الرز ممكن تنفجر أشلاءه في أي وقت
فلذلك سوف يتم منعهم من الدخول في الأماكن العامه |
رد : ليش السعوديين مدمنين رز (صور)
هذه نعمة الله لا يجعل لها زوال
لكن ليه مافيه رز سعودي؟ |
رد : ليش السعوديين مدمنين رز (صور)
فيه رز سعودي
يزرعونه في الاحساء لاكن طينتها تشرب ماها ولا يغطي 1% من الاستهلاك وأذاك ساكن في الرياض رح جربه على مخرج 9 عند الحفريات ألي يسوونها ألحين في مطعم أسمه مشخول أرحب ياذي يزن مشاركه مزبوطه تفاعلو معها الاعضاء حتى ناس من زمان ما شفناهم جو على ريحة موضوعك شف ونا خوك كل شي ألا الرز أحلف بالله أنك ماكليت ذليوم رز يا ذي يزن وبعدين أذا ماكليت رز وش تاكل وتر السعوديين أحسن من غيرهم معنا عمال بنقلادش يفطرون ويتغدون ويتعشون ويتسحرون في رمضان رز مره كلا واحد منهم برتقال وديناه المستشفى سوا غسيل ماعده ووالله على ماقولك شوكرن |
رد : ليش السعوديين مدمنين رز (صور)
ذي يزن
لاهنت على الموضوع المنسق.. وتصدق فيه مطعم مكسيكي...يحضر.سندويشات رز والشباب السعودي مطيحين عنده.... |
رد : ليش السعوديين مدمنين رز (صور)
السلام عليكم اخي ذي يزن
اليابانيين كذلك مدمنين رز ... فطور وغداء وعشاء ... حتى الحلوى من رز وبعض انواع الايس كريم من رز .... حتي الهمبرقر بدل الخبز يستعملون رز http://www.qahtaan.com/works/up/uplo...1178451765.jpg كذلك عندما يذهبون رحله يعملون الرز على شكل كور ليسهل اكله http://www.qahtaan.com/works/up/uplo...1178451870.jpg اللي جالس على الكرسي يشبه منصور العبد الله |
رد : ليش السعوديين مدمنين رز (صور)
ابو جابر والله العظيم ان عندي 3 انواع من الرز في البيت ابو بنت ومزه وبسمتي وافكر في نوع رابع تايلندي الكيلو ب30 ريال مسقي من موية المطر طبيعي مو صناعي علما ان وزني والله 70 والطول 170 عادي جدا والله يديمها نعمة مثل ماقال الاخ بن غفره وشكرا بن خرصان وماجد الخليفي دايما متميزون
|
رد : ليش السعوديين مدمنين رز (صور)
الله يازين الرز
قبيل مريت المطعم ونا جاي المقهى خذيت لي شاورما ملتني زيت وعاد طعمها في حلقي بعدين ماااااااااااااااااش ماتخارج ماينفع ألا الرز دق التربيعه وضرب بالخمس والشيطان ملعون ذي يزن شوكرن |
رد : ليش السعوديين مدمنين رز (صور)
كيف تتهموننا بعدم التنويع في الاكل00
وحنا يوم ناكل رز بخاري ويوم رز برياني ويوم رز كابلي00000الخ الخ ترا هذي يعني طبخة رز مستحدثة وايام ماناكل رز ابد ونستبدلة بالكوزي او الكبسة او المقلوبة الاردنية |
رد : ليش السعوديين مدمنين رز (صور)
ماقصرت يابو احمد الرشيدي كلها رز في رز بعض الناس يقول رز بالضم وبعضهم رز بالكسرررر
|
رد : ليش السعوديين مدمنين رز (صور)
يالله ياربي لك الحمد
والله بيني وبينكم الرز نعمه الحمدلله ولا لنا عنه غناة لكن الشي اذا زاد عن حده انقلب ضده .. موضوع متميز وطرح اكثر من رائع .. يعطيك العافيه ياذي يزن .. |
رد : ليش السعوديين مدمنين رز (صور)
خخخخخخخخخخخخخخخخخ
موضوع رائع وجميل بصراحة الرز ما مثله والله يديم علينا نعمه والتي منها نعمة الأمن والأمان ونعمة الرز في مثل يقول الرز في شبرا يا قحطان |
رد : ليش السعوديين مدمنين رز (صور)
عز الله الرز ماله بديل
تحس اوقات اذا ما اكلته ان مالك داعي وراك يالرز وراك مشكور اخوي ذي يزن والله يعطيك العافيه |
| الساعة الآن 05:39 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com