شبكة قحطان - مجالس قحطان - منتديات قحطان - والله انها من احزن القصائد التي سمعتها

- المجلس الصوتي (https://www.qahtaan.com/vb/forumdisplay.php?f=32)

- - والله انها من احزن القصائد التي سمعتها (https://www.qahtaan.com/vb/showthread.php?t=23519)

والله انها من احزن القصائد التي سمعتها

السلام عليكم

والله رووووعه لا تفوتكم اسمعوها الجلد يقشعر لها والله انها حزينه

هذي قصيده لشخص مسجون في امريكا له ست سنوات واسمه ناايف

وكتب قصيده في امه ومنشده موجوده في الرابط هذا

http://www.qahtaan.com/works/up/down...1174775753.ram

وردة امه ولم تنشد بعد

أصـــيح باعلى الصوت نايف فقدناك ***** عساك تسمع صرختي يوم أناديك
أنا أمك اللي عيـــــدها يوم لــــقياك***** يا سعد نفسي لو عيوني تــــلاقيك
والقلب نـــــــاره تشتعل عقب فرقاك *****ما تطفي النيران يا كــــود أياديك
لبست ثوب الحــزن بعدك ولا انساك ***** والنـوم ودّع يوم غابت لـياليك
تاهـت بي الخطوات وادروبي أشواك ***** والدمع من عيني على الخد يبكيك
أراجع الماضي واعــيد ذكــــراك ***** تشدني الذكرى وابـــكي لماضيك
سجــين بالغــربة وياكـبر بلــواك*****الله يعينك دايم في بــــلاويـــك
هذا القدر مكتوب ... مكتوب ما جاك***** اصبر عسى الله بالنهايه ينجــــيك
بديار ( بوشٍ ) سجنك الموحش هناك ***** ياليت لي قدره على الدرب واجيك
يا ســجن ارفق مسندي وسط مبناك***** ما شاف شمس ومظلمات مبانيك
مدري يا عمري كيف الأحوال ويّـاك ***** طمــني عنك طمن امك تحـاتيك
من يغسل اهدومك ومن قـام يرعاك ***** ومن يطبخ الوجبات منهو يواسيك
ومــنهو الذي بالليل لا نمت غطاك***** خوفي عليك البرد بالـحيل يوذيك
ودي قبل مـــــوتي مشاهد محياك***** ودي أضمك في يديني وحــــاكيك
يا حافر قبري دخيــلك رجيــناك ***** تحط فوق النصب نيشان بوصـيك
يمكن يحين الوقت ترجع لمــرباك***** وتزور قبري مسـرع في خطاويك
يا سيــدي سلطان تكفى طلبناك ***** يا راعي الفزعات تشكر مساعيك
شلال طيــب منبعه دوم يمــناك ***** خيرك مغطــي كل بيت باراضيك
وقت الشدايد ما لها غير شرواك ***** يبشر بعزه كل من جاك ناصيك
يا ســــــيدي سلطان حنا فداياك***** بارواحنا نفديك نفديك نفــــديك
الجود وانت الجود يمشـي ببمشاك ***** يمشي وراك ويتبـعك ما يجاريك
يتــعبني مدحك لو أعدد سجــــاياك***** والشعر يرفع رايتـــــه ما يوفيك
يالله عسى المولى يصـونك ويرعاك ***** ويعود نايــف يا عسى الله يخليك
أبختصرها يا ذرى كل من جــــاك ***** شكوى تجيلك تنتهي ما تعــــديك

شعر

أم نايف اليوسف

الله يكون بعونهم
ويرجعه لأمه ياااااااااارب