|
اثنين من الشيبان يقيمون الإسلام والبشر .....قصة طريفة جدا
أبو صالح جالس مع أبو راشد بعد صلاة العصر يسولفون ويقطعون الوقت...
تنهد أبو صالح وقال: أفكر في ها الدين العظيم اللي طلع من مكة المكرمة ووصل إلى آخر الدنيا!!! قال أبو راشد: إيه والله إنك صادق يا بو صالح... قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه! رد أبو راشد: والله إنك صادق يا بوصالح وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد فرد أبو راشد: والله إنك صادق يا بو صالح قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر قال أبو راشد: ايه والله يا بو صالح إنك صادق... قال أبو صالح: إن بغيت الإسلام في ها الديره (السعودية) قال أبو راشد: ايه والله إنك صادق يا بو صالح... فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه قال أبو راشد: ايه والله إنك صادق يا بو صالح قال أبو صالح: والا أهل الشرقية رافضة وشيعة والله ما خذوا من الإسلام إلا اسموه، وأهل الحجاز مبتدعة صوفية ماهوب والله اللي إنت تبي يا بو راشد وأضاف أبو صالح: إن بغيت الدين والله في نجد والباقين خلهم على يسراك (شمالك) رد أبو راشد: والله إنك صادق يا أبو صالح... قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري عن دينهم يا أبو راشد!!! لكن لابغيت الإسلام تراه عندنا بالقصيم!!! رد أبو راشد: والله إنك صادق يا أبو صالح... فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبعون التتن ويلبسون كبك والدشوش تملأ السطوح، إن بغيت الدين والله تره بذى عندك ببريده رد أبو راشد: والله إنك صادق يا أبو صالح... وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه إن بغيت الدين إنزل ترى في حارتنا هاذى!!! رد أبو راشد: والله إنك صادق يا أبو صالح... قال أبو صالح: والله بعد ماهوب كل أهل الحارة على اللي أنت تبي، أشوفهم يسحبون رجليهم للمسجد تقل إنهم مغصوبين على الصلاة... والله ما بوه في الحارة إلا أنا وأنت يا بو راشد!!! رد أبو راشد: والله إنك صادق يا أبو صالح... أضاف أبو صالح: ماش، أشوفك منتب تخشع بالصلاة يا بو راشد!!!!! |
رد : اثنين من الشيبان يقيمون الإسلام والبشر .....قصة طريفة جدا
الله يعطيك العافيه ياخوي ماجد على هذي القصه
صار ابو صالح تكفيري |
رد : اثنين من الشيبان يقيمون الإسلام والبشر .....قصة طريفة جدا
هههههههههههههههههههه
لاهنت يابو عصام |
رد : اثنين من الشيبان يقيمون الإسلام والبشر .....قصة طريفة جدا
اقتباس:
وبيدي ( سيجاره ) وعلى غفله مني --الا وهالشايب اللي ضربني على اليد التي بها السيجار --بالعصا واتألمت كثير منها --ونويت اكفخه --تكفيخ منوع -- بكس --ركبه --جودو --ثم بالعقال هو وشايب اخر معه --ولكن اهل المعرض حالوا بيني وبينه --- وعذرهم (( ليه تشرب التتن ) ومن الزعل --اولع سيجارتين --في كل يد واحده --نكاية بهم يعطيك العافيه تحياتي |
رد : اثنين من الشيبان يقيمون الإسلام والبشر .....قصة طريفة جدا
لاهنت يا ماجد
|
رد : اثنين من الشيبان يقيمون الإسلام والبشر .....قصة طريفة جدا
بسم الله الرحمن الرحيم
السلام عليكم ورحمة الله وبركاته لاهنت ياماجد على القصه والله يعطيـــــــــــــــــــــــــــــــــــــــــ ـك الــــــــــــــــــــف عافيــــــــــــــــــــــــــــــه |
رد : اثنين من الشيبان يقيمون الإسلام والبشر .....قصة طريفة جدا
بيض الله وجهك يالذيب...
قصه فكاهيه رائعه تقبل تحياتي |
رد : اثنين من الشيبان يقيمون الإسلام والبشر .....قصة طريفة جدا
والله إنك صادق يا أبو عصام
مشكور ياغالي |
رد : اثنين من الشيبان يقيمون الإسلام والبشر .....قصة طريفة جدا
ههههههههههههه
الله لايهنك على القصه ونتظر منك كل جديد http://www.qahtaan.com/works/up/uplo...1191023666.gif |
رد : اثنين من الشيبان يقيمون الإسلام والبشر .....قصة طريفة جدا
تصدق اني عشت جو ذا الشيبان كاني اشوفهم وانا اقراء يالله لاتولينا واليا مسرف
لوان احدهم يصلي في مسجدنا ماعادجيته يعطيك العافيه |
رد : اثنين من الشيبان يقيمون الإسلام والبشر .....قصة طريفة جدا
لا هنت يا ماجد
والقصه في قمة الروعه وعلى طاري اهل القصيم عانيت من الدخان يوم رحت ورفضوا والله ما يسكنونا انا واللي معي وحتى ان الفنادق يحطون عليها اعلانات تمتع معنا الآن بقنوات المجد الفضائيه ولا اقول الكلام هذا شماته ولكن ؟؟؟؟ عسى الله يغفر الذنب وكانوا يشوفونا ونحن ندخن انا والشباب كأننا ارهابيين ومحششيين وتقبل المرور |
رد : اثنين من الشيبان يقيمون الإسلام والبشر .....قصة طريفة جدا
هخهخهخهههه
الله يهديك يا أبو صالح أجل شايف نفسك نبي مرسل وإلا ملك منزل بصراحة أشوف أهل القصيم عندهم شوية اعتداد بأنفسهم وهم في حقيقة أمرهم أقل مما يرون أنفسهم شكرا على السالفة يا أبو عصام والله إنك صادق يا أبو عصام خخخخخخخ |
رد : اثنين من الشيبان يقيمون الإسلام والبشر .....قصة طريفة جدا
يعطيك العافية يا بو عصام ..
قصة حلوة .. تحمل معاني .. كبيرة .. تحياتي .. |
رد : اثنين من الشيبان يقيمون الإسلام والبشر .....قصة طريفة جدا
بسم الله الرحمن الرحيم
السلام عليكم ورحمة الله وبركاته هههههههههههههههههههه لاهنت يابو عصام |
رد : اثنين من الشيبان يقيمون الإسلام والبشر .....قصة طريفة جدا
السلام عليكم ورحمة الله وبركاته
هههههههههههههههههههههههههههههههههههههه لاهنت على القصه الرائعه هههههه ولاهنت |
رد : اثنين من الشيبان يقيمون الإسلام والبشر .....قصة طريفة جدا
بسم الله الرحمن الرحيم
السلام عليكم ورحمة الله وبركاته ماجد المبدع ,,, جميل ما طرحته ,,, وكان هذا الموضوع في بالي أطرحه ولكن لا سبق للكسالى ,,, هذا المثال وضعه أحد شيوخ نجد في الفترة الماضية ,,, وكان يدرسني أيام الكلية دكتور ويردد لنا هذا المثال كثيرا ,, وقد أصاب من قال أنه تكفيري ,,, فنعم المثال يناقش موضوع التكفير ,,, ولا هنت يا ذيبان وبيض الله وجهك ,,, اللهم تقبل منا الصلاة والصيام والقيام وصالح الأعمال بن حااااااااااااااااااااااااااااااااااااااااااااااااا اافظ |
رد : اثنين من الشيبان يقيمون الإسلام والبشر .....قصة طريفة جدا
اشكرك
|
رد : اثنين من الشيبان يقيمون الإسلام والبشر .....قصة طريفة جدا
بسم الله الرحمن الرحيم
السلام عليكم ورحمة الله وبركاته لاحول ولا قوة الا بالله العلي العظيم وبالاخر مابقي احد دينة زين الاهو ووجهه 0 قصة رائعة ومعبرة جداً 0 |
رد : اثنين من الشيبان يقيمون الإسلام والبشر .....قصة طريفة جدا
لاهنت
|
| الساعة الآن 03:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com