|
فيديو انقاذ العائله السعوديه من الغرق ,, أنا اشهد انه بـ100 رجال !!
انقاذ عائله بطريقه تدل على الرجوله والشهامه
بصراحه كسرت خاطري الطفله وهي تبكي داخل السياره ومنظر الاب وهو خايف على عائلته ولكن الحمد لله ربي ارسل لهم رجال اشوفه ب 100 رجال صوره من الشهامه والمروئه اثبتها الرجال وهو ينقذ العائله شخصياً والله لا اعرفه ولا اعرف من صور ولا اعرف العائله ولا اعرف بأي منطقه من المملكه هذا التصوير والمقطع وصلني على الايميل و من شده الموقف مالقيت غير الدعاء لرجل وهو ينقذ العائله شاهد الموقف وحط نفسك في مكان الاب وحط نفسك في مكان الشخص الذي انقذهم هل تتصرف مثله او تكتفي بالمشاهده اسئل الله ان يكتب الاجر والثواب لهذا الرجل وان يرزقه كل خير إضغط هنــــــــــا تحياااتي وتقديري للجميع منقوووول |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
جاري التحميل ...........
والرجال وانا اخوك ماهم سوى فيهم الردي وفيهم أهل الشجاعة والنخوة والشهامة واتوقع أن المنقذ قحطاني |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
أشهد إنك صادق
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
الله يقطع أبليسك يابو حسين
توني أشوف المقطع بعد التحميل والله انه ذيب ......... شاف الموتر قد هو بيغرق يالله انك تجعلها في ميزان حسناته وراعي العايلة والله ان ماعاد يكررها |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
أشهد لله أنه ذيب
بيض الله وجهه وأشهد لله أنه يستاهل الموتر ألي تحت رجله والمتشمت ذا ألي يصور الله يكفاه شر الشماته لايعود يهبها الله في وجهه أرحب بك يابو حسين أشتقنا والله المواضيعك |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
عزالله انك صادق والله يكثر من اشكاله الرجال الوافيه وووووو
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهه هذا الذيب
أما الوصخ اللي يصور لا شيمة ولا نخوة رجال وما ألومة لأنه .................... |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
انشهد انه اجودي
ومثله هذه الايام نادر الله يجعلها في موازين حسناته |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
السلام عليكم ورحمة الله وبركاته
انا اشهد انه رجال وعرف كيف يتصرف وينقذهم حتى انه غامر بنفسه لاهنت يابوحسين . |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بسم الله علية والله انة ولد شيخ وان امة جت بولد
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
انا اشهد انه مثل ما قلتوا
والله يكثر الي مثله السلام عليكم ورحمة الله وبركاته |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
والله كل ماشفت ذالمقطع أقول الله ستر عليه
أعتقد أن الشخص اللي أنقذهم سيحصل على ميدالية أستحقاق من الدرجة الأولى |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهك وجهه يابوحسين عادتك الجمايل
علي بلازيم انه قحطاني خيل الشرفاء ابو رعد |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهه عز الله انه رجال فيه خير
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
علي الطلاق لو ان عندي بنت في حق الزوااااج لزوجه 00000 الذيب ذيب لين يموت
فتى خضار الزهيري |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
السلام عليكم ورحمة الله وبركاته
بيض الله وجهه وكثر الله من امثاله قولوا امين وهذا الوقت الي يبين به الرجال والله يكتب اجره |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهه جعله يسلم والحادث وقع في منطقة جيزان والرجال قحطاني صاحب الشاص ووالله ان شعر راسي وقف والله يوفقه 0
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
ابصراحه ان راعي الشاص أسد وصليب راس وبيض الله وجهه وعساه يلقى فزعته في الدنيا والأخره هذا تفريج كربة مسلم
من يزور تهامه وأوديتها ايام الامطار والله بيشوف اكثر من هذا المنظر وانا شخصيا وقفت على مثل هذا اكثر من مره واللي استغرب ان فيه مثل هذا يضحي بعائلته ويطمر السيل بدون حساب للعواقب والله اني لاحظت ان عند كل وادي شباب من المنطقه نفسها كأنهم فرق انقاذ حيث عادة يجتمعون على طرفي الوادي للفرجه او ينتظرون السيل يخف وكل يكمل طريقه ولكن اذا حدث غرق ولا نشبت سياره يتفازعون على مثل هذه الحالات بشجاعه ومهاره سواء بالسيارات او بالحبال او فقط بترابط الأيدي . مره أخوي يذكر لي ان فيه شايب لوح به السيل في شاص قديم وانقلب الشاص في مطمر السيل بعد المزلقاني وطلع الشايب فوق الشاص بس في نصف السيل وماهنا حبال يقول ترابط الشباب بالايدي واحد جنب الثاني والاول يتقدم جهة الشاص حتى وصلوا الشايب وانقذوه ويذكر لي ان اكثر الناس اللي تقع في هذه المخاطر اناس عابري سبيل لايعرفون خطورة الاوديه اللي يقطعونها رغم وجود ناس من اهل المنطقه تحذرهم حيث لهم على اطراف الاوديه علامات يعرفونها ويستدلون بها على قوة السيل وكبره ويقررون متى يقطعون ومتى ينتظرون دمتم بخير |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهه وما قصر وهذي شيم المطاليق
وبيض الله وجهك يا بو حسين |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
تحياتي لك ابو حسين
الف شكر يالغالي |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
صاحب العائلة يشاهد السيل و الناس واقفين ويعرض نفسة وعائلته للخطر
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
عز الله انه زي ما قلت
والله انه ذيب ذيب ذيب والله يوفقه ولا هنت يا بن عمي |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
بيض الله وجهه وعزالله انه ماقصر
اشهد ان الشاص موتر تقبل تحياتي ساج الوقت المشعلي |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
اشهد انه ذيب ..
عز الله انه تجمل .. وذا الشايب الله يهداه يخاطر بروحه وارواح اهله .. ويلومووووني في حب الشاااااص . . مشكور يا بو حسين . . |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
في ميزان حسناته إن شاء الله
وبيض الله وجهه |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
ان جاد والا جوده عزم راعيه
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
انا اشهد انه شنب
|
رد : فيديو انقاذ العائله السعوديه من الغرق ,, أنا اشهد انه بـ100 رجال !!
انا اشهد لله انه كفو
بيض الله وجه ولاهنت يالغالي علماً بان المشاركة مكررة لكن بموضوع آخر لكن ذلك لايخفي الجمال الرائع للتفاعل |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
ارحبواااااااااااااااااااااااااااا جميع
والله لا يهينكم على تفاعلكم وردودكم ... ولا هنتوووووووو تحياااتي للجميع |
رد : فيديو انقاذ العائله السعوديه من الغرق ,, أنا اشهد انه بـ100 رجال !!
اقتباس:
أرررررررررررررحب يا محمد ,, وش حالك نفداك بس يا الغالي يا ليت تشوف تاريخ موضوعي وتاريخ الموضوع المكرر ,, هذا للتوضيح ,, ولا هنت على مرورك تحياااتي يالغالي |
| الساعة الآن 01:41 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com