|
الســعـــــودية
قيلة هذه القصيدة في احتفال اهالي الجلة وتبراك للحملة الوطنية ضد الارهاب اتمنى ان تنال اعجابكم وهذا جزء بسيط لرد الجميل لهذا البلد حماه الله من كل شر [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] قالــــــــوا تغـــــــــزل قلت إيه أتغــــــــــزل = وانضـــــــــــم من القيـفان عقدٍ من الماس قالــــــــوا هــــواوي قلت والله ما اخجــل = دام الهوى منـــــها شــرابي والأنفـــــــــاس قالوا تحـــب وقلت هي الحب الأجمل = منها عرفت إن الغــــــــــــــــلا ماله قياس فيها عرفت إني على النــــــــــــاس الأول = ما دامها داري فأنا خــــــــــــــيرت الناس دار الســــــــــعود اللي بنـــــــــــــوها المعول = من راس أبو تركي عديمين الأجناس عبد العـــــــــــــزيز الصـــــــــــيرمي المهول = اللي على روس العـــــداء يقبس قباس أسس مبانيها على الـــــــــــحق الابجل = دستورها القـــــــــــــــــران نورٍ ونبراس وحد منـــــــــاطقها بجــــــــيش مجلجل = سلاحـــــــــــــه الإيــمان ما شابه دناس وأضحـــــــــت وهي في نعمتٍ ما تبدل = نعمت رخـــــا وآمان من كل عساس ثم احتمــــــــاها عقبه سعود الاخطل = أبو العطا والخـــــير من دون مقياس أسس وزارات الدوايــــــــــــــــر وعجل = يبني هنا وهنـــــاك في كل مجلاس ومن عقبه اقبل حكم شيخٍ مبجل = فيصل حكيم الرأي للعرف فراس من هيبــــــــــته اعتا الدول منه تجفل = ند الخصيم اللي تفرعن على الناس ومن عقب فيصل خالد اللي تحمل = شال الحمول وسيرته ترفـــع الرأس غيث القلوب اللي على الناس يجزل = ربيعه اللي صــــــــــــــــار للديرة لباس واليوم في حكـــــــــم الفهد ما نبدل = حنا لابو فيصــــــــــــــل دروعٍ وحراس عاش المليــك اللي على الشعب يبذل = وفي خدمة البيتين ما هـــــــــزه الياس ويعيش ابو متعب على الخـــــير مندل = سورٍ على الديرة من أطماع الأنجاس ريف الضــــعيف المستعــــــــــــف المهمل = بنــــــــالهم دورٍ وخـــــــــــــلّا لـــــهم ساس ويعـــــــيش قــــــــايد جيشنا للبلد ضل = سلطـــــــان غيثٍ يروي قــــــلوب يباس في مملكـــــــــتنا بالامـــــــــــان نتجول = في جبالها حتى على روس الاطعاس ما همنــــــــــا فعلة طغـــــــــــــــــاة مهبل = يسعـــــــــــون بالفتنة رديين وخساس سود القلـــــــــوب اللّي تملت من الغل = لا إيمان يملاهــا ولا فيــهم إحساس فكر دخيل وصـــــــدقه كل مختل = أعمى بصيرة والبصـر صابه طماس فكرٍ عسى من روجــه جسمه يشل = يبطي وهـــــــو ما بين همه والأتعاس أرهـــــــــــــــــابهم من فضل ربي تعطل = والمكر يلحق كل فاجـــــر ودساس الـجــــــــله يستنكر من بفعلته ضل = وتبراك تشجــب والجماهير جلاس يالله يا منشي السحـــــــــــاب المحمل = تحمي السعـــــودية من الشر والباس وتديم حكـــــــــــــــامٍ من الدين تنهل = اللي حموهـــا من على قب الأفراس آل السعود اللي بالأنصـــــاف تعدل = ومن خانهــــم جعله بالأقدام ينداس [/poem]
[frame="1 80"]
محمد بن مسفر بن مناحي القويفل
[/frame]
|
ارررررررررررررررحب يامحمد
وصح لسانك على هذي القصيده وهذا ماهو بغريب عليك ياكحيلان وافي وافي جعلك تحيا والوطن يستاهل |
محمد القويفل صح لساااااانك مليارات
وانت من الشعار البارزين وكلنا ضد الارهاب ولاعاد تبطي علينا اخوووووووك ابن عااااااااااصم |
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الـجــــــــله يستنكر من بفعلته ضل = وتبراك تشجــب والجماهير جلاس يالله يا منشي السحـــــــــــاب المحمل = تحمي السعـــــودية من الشر والباس وتديم حكـــــــــــــــامٍ من الدين تنهل = اللي حموهـــا من على قب الأفراس آل السعود اللي بالأنصـــــاف تعدل = ومن خانهــــم جعله بالأقدام ينداس [/poem] صح لساااانك يا بو مسفر ملايين قصيدة جزلة من شاعر جزل ، والوطن يستااهل تقبل تحياات اخوك السيف النادر |
صح لسانك يا ابو سفر
صح لسانك يا القرم عدد ما هبت هبوب النود وعدد ما نشا من المزنة همايل يروي البلاد والعباد كلامك جزل مثل العلاج للمريض ومثل الغيث للأرض المقحلة ومثل السلاح لصفوف الجيـش الله لا يهينك ويبيض وجهك قصيدة جزلة من جزل ووافي الله يوفقك لما يحبه ويرضاه °ˆ~*¤®§(*§*)§®¤*~ˆ°كلنا ضد الإرهاب كلنا فداءً للوطن °ˆ~*¤®§(*§*)§®¤*~ˆ° لا تحرمنا من الجديد تقبل تحيات اخوك المعجب بقصيدك الجزل عبدالله المهداني |
[grade="00008B FF6347 B22222 4B0082"]الاستاذ محمد
السلام عليكم ورحمة الله وبركاته قصيده جزله والوطن يستحق اكثر ولاهي غريبه على قحطان الوقوف مع الوطن وقت الشدات وان التفاعل مع الاحداث الاخيره له مبرراته ولاينكر ذلك الا منكر للحق فالوطن مستهدف يجب ان نعي مايحيك لنا اعداء هذا الاستقرار انهم يرغبون جرنا الى المهالك كفانا الله شرهم لك التحيه لك التحيه على هذه المشاركه الوطنيه[/grade] |
بيض الله
يامحمد القويفل وجهك وهاذا أقل مايقدمه المواطن لوطنه لاهمت وجمل الله حالك تقبل تحياتي |
صح اللسانك ابو مسفر
ولاهنت |
صح لسانك يا ابو مسفر والوطن يساهل
وهذا مهوب غريب عليك يا كحيلان |
صح لسااانك يابو مسفر وبيض الله وجهك
|
فارس قحطان صح بدنك ولا هنت على مرورك ************** ارحب يا بن عاصم واعذرني على القصور مالك الا اللي يرضيك ************** |
السيف النادر
صح بدنك اسعدني تواجدك والله يحمي الدير من اطماع الطامعين ******************* عبدالله المهداني لاهنت يالذيب على اطرائك وتواجدك اسعدتني حروفك كما اسعدني تواجدك ****************** استاذي عاشق الوطن تواجدك وسام وكلامك الهام اشكرك على نثر حروفك في هذه المتواضعه في حق الوطن اخوكم محمد بن مسفر القويفل |
محمد القويفل
بيض الله وجهك وصح الله لسانك مثلك وشرواك مانستغرب منهم القصايد اللي مثل هذي بالذات إذا كانت وطنيه تقبل تحياتي أخوك .. |
محمد القويفل
صح لسانك .. والله يعطيك العافية ... ولااتحرمنا من جديدك ... تقبل تحياتي مشعل إبن مسعد |
الشاعر علي البورعي صح بدنك وجهك ابيض تواجدك اسعدني ****************** شبل قحطان قحطان هنا الرياض لاهنتو على تواجدكم وصحت ابدانكم اخوكم محمد القويفل |
صح بدنك ولسانك والله لا يهينك على القصيدة الرااااااااااااااااااااااااااااااااااااائعة
|
ارحب يا بن مريع
شرواك الطيب وتواجدك اسعدني ******************* مشعل بن مسعد صح بدنك والبسك الله لباس العافيه **************** ملحف الرفيدي صح بدنك والله لا يهينك والرائع تواجدك اخوكم محمد بن مسفر القويفل |
صح لسانك يابو مسفر وأبيض وجه على ذي القصيدة
والحقيقة أقل شئ يقدم للوطن هو أن يتغنى الشاعر بوطنه. والوطن يستحق أكثر من ذلك بكثير. وتقبل تحيات أخوك/ أبوياسر |
ارحب يا ابو ياسر
وجهك ابيض ولا هنت على مرورك اخوك محمد بن مسفر القويفل |
محمد ابن قويفل
هذا الاسم الذي يجربني على التوقف عنده صحححححححححح لسانك مبدع دئماً ونجم براق . والوطن حقه كبير , لاهنت . |
أرررررحب يا ابو شايع
صح بدنك يا القرم ولا هنت على تواجدك اخوك محمد القويفل |
محمد القويفل
لاهنت وصح السانك وافي وجزل ولاعدمتك تحياتي وتقديري |
ابو مبارك
صح بدنك والشهر مبارك عليك مبطين عنك والله يا ابو مبارك تحياتي وتقديري لشخصك الكريم اخوك محمد القويفل |
| الساعة الآن 02:15 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com