[poem=font="Simplified Arabic,5,indigo,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياحظ كثر العنـا وشهـو علـى شانـه=ووش هو مصيري معك في وقتي التالي
من ضيقة الصدر كني وسـط زنزانـه=لي عام واكثر وانـا متغيـرٍ ن حالـي
نفسي على الخايـع الممطـور ولهانـه=وعن زحمة الناس ودي بالخلا الخالـي
تغيب عنـي همـوم القلـب واحزانـه=لاغاب عن تغطيـة لرسـال جوالـي
وتوانـك الجيـب للمطـراش مليانـه=لكن وين الخـوي اللـي علـى بالـي
اللي آصول الصداقـه معـه منصانـه=ماهوب مره رخيـص ومـرةٍ غالـي
بينـي وبينـه صداقـة ود وميـانـه=وان ماتهيـا قطعـة الفرجـه اِلحالـي
مادام نفسي علـى المنهـاج نشطانـه=بهدي لها جُل وقتي وارخـص ريالـي
واقطع فجوج الخـلا واشـوف حيانـه=واسج في كـل خبـتٍ مابـه ازوالـي
الخبت عنـدي ولا السـوده وشيبانـه=خص ٍ لياجيـت روض نبتـه اشكالـي
وسمعت طير الحمام ايكوسـر الحانـه=وشمس العشي مالت وخالفني اضلالـي
وارتاح لارخى ظـلام الليـل جنحانـه=وجريت جمر المناره تحـت معمالـي
اسج واسري بفكـري واطلـق اعنانـه=يحلالـي الليـل والتفكيـر يحـلالـي
افكـر بصنـع رب الكـون سبحانـه=ويمضي بي الوقت وانـا دالـه سالـي
يومٍ ن بعـض الاوادم صخـر السانـه=لمجالس اهل الخنـا والقيـل والقالـي
زين له ابليس عرض افـلان وافلانـه=يبهت ويهتـك عسـى مافالـه ابفالـي
صحيح بعض المجالـس مالهـا خانـه=والبعد عنهـا بجـو الوحـده اشوالـي
تغيب عنـي همـوم القلـب واحزانـه=لاغاب عن تغطيـة لرسـال جوالـي[/poem]

المشاركة الأصلية كتبت بواسطة عبدالله بن غفره قصيده رائعه وصح لسان شاعرها وبيض الله وجهك ياخالد على النقل المميز وأنت سباق بالعلوم الغانمه أخووووووك