صفحة 1 من 2

شبكة قحطان - مجالس قحطان - منتديات قحطان (https://www.qahtaan.com/vb/index.php)

- مجلس فرسان قحطان (https://www.qahtaan.com/vb/forumdisplay.php?f=5)

- - من افعال المساردة في نجد (اضافة جديدة ) (https://www.qahtaan.com/vb/showthread.php?t=1595)

الضويري

26-01-2005 04:24 PM

من افعال المساردة في نجد (اضافة جديدة )

غزى شيخ ذوي خيوط من الدعاجين من عتيبةالفارس ناصر بن عقيل عام 1330هجري على قحطان في عالية الرين في

قلب نجد وبالتحديد في وادي العمق حيث يوجد قبر زعيم قحطان محمد ابن هادي ابن قرملة طيب الله ثراة

وقد قتلة احد فرسان المساردة الفارس حزام ابن غنيم عندما غار عليهم ناصر بن عقيل معة غزو من عتيبة

وقال الفارس عايض الغربي الفهري العبيدي هذة القصيدة بعد ان جاءة الخبر يمتدح فعل ربعة المساردة

[poem=font="Simplified Arabic,5,black,normal,normal" bkcolor="white" bkimage="" border="double,4,gray" type=1 line=0 align=center use=ex num="0,black"]
حي الطروش وحي علم(ن) لفوا بة=لوكان يزورون الدعاجين وش عاد
ان كان اخو شيخة عليهم جلوبة=عادات ربعي قصرت الشيخ لا زاد
ابن عقيل ناصر (ن) عيد وبة =حطو حصاة العمق للمشرك وساد[/poem]اخو شيخة هو الفارس ناصر ابن عقيل وقد رثت

اخوها الشيخ بمرثية مبكية وهي اطول من ذلك

[frame="7 80"]ياونتي ونة خلوج المغاتير=اللي لجا حب الضنا في حشاها
ان اطلقت قامت تلوب الدواوير=وان عقلت قام يتزايد عواها
على خواني كل ابوهم مناعير=واركابهم ماقط يبرد حفاها
واخوي ناصر مامشى بالبواكير=باكور ناصر بندق من خباها
وان جات مثل مخزمات المظاهير=يرمي لسحمات الضواري عشاها
واخوي وان اخطا الدليله فم البير=مورد الركب الهجاهيج ماها[/frame]

ارجو ان تحوز هذة المشاركة على اعجابكم

إبن الأروق

27-01-2005 12:24 PM

ونعم بعوال مسرد

ولاهنت يالضويري على هالسالفة الطيبة

حسين آل حمدان الفهري

27-01-2005 08:37 PM

اخي الضويري
السلام عليكم

لا هنت على هذه القصه والقصيدة
والمساردة افعالهم دائما عاليه

والقصيده لها بقيه لعل احد الاخوه يتحفنا بها ان تيسرت كامله
وان لم تتيسر فاعتقد ان لدي بيتين اخرى فقط سوف اذكرها حال رجوعي لمذكراتي
احب فقط ان افسر كلام الشاعر( شخصياً لا اعتقد انه الغربي) عندما قال " للمشرك وساد"
" يقول الرواة ان ابن عقيل تدين مع الاخوان ولبس المعم ولسبب ما حذف المعم ورجع الى الحيافه(الحنشل)
وحصل له ماحصل"
وقد ذكر المؤلف خير الدين الزركلي وفاة ابن عقيل عام 1333هـ . ان لم تخني الذاكره.

شكراً للجميع

ابن عاصم

27-01-2005 09:02 PM

الضووويري اول شي حج مبرور وسعي مشكور ان شاء الله

وثاني شي ووونعم مليارات والله بربعنا المسارده

والله لا يهينك

اخوووووووك

ابن عااااصم

فارس قحطان

02-02-2005 01:32 AM

ونعم والله بالمسارده

كحيلان

02-02-2005 02:22 PM

ونعم والله بعوال المسارده

ولاهنت يالضويري هذي المواضيع لازم المنتدى تفتخر بها ..

ومشكور وماقصرت الله لايهينك اخوووي الضويري.......

اخوووووووووووووكم

كحيلااااااااان..

محمدالمسردي

11-02-2005 12:40 PM

اخوي وعزيزي الضويري ماعليكم زرود والله لايهينك والقرم مثلك وشروك مايجي منه لا كل العلوم الطيبه عسى عمرك طويل

ووجودك في المجلس راس مال لنا

المهلهل

19-02-2005 11:50 PM

مشاركة جيدة
والله لايهينك عليها
اخوك المهلهل

الرقاشي

21-02-2005 01:00 AM

مرحبا ومسهلا بالضويري ........ والمساردة علمهم طيب من أولا وذلحين وبكرة ان شالله ....... وموضوع متميز جدا

هاوي نجد

19-04-2005 04:26 PM

الضويري لاهنت على ايرادك هذه القصيده 0

وتشكر على اطروحاتك المتميزه والحقيقه القصيده هاذي الدورها انامن زمان ولاهنت على ايرادك الطيب

تقبل تحيات اخوك 0000

جعفر بن شري

25-04-2005 09:40 AM

اخوي الضويري الله يعطيك العافيه وما عليكم زود جميعأ وانتم مثل ماعودتونا على كل شي طيب يرفع روسنا وروس كل قحطاني ونتمنى منك المشاركه بمواضيع طيبة مثل هذي واحسن
ولكـــــــــــــــــــــــــــــــــــــــــــــــ ــــــــــــــــــــــــــم جزيـــــــــــــــــــــــــــــــــــــــــــــــ ل الشكـــــــــــــــــــــــــــــــــــــــــــر

محمد سالم الشهري

26-05-2005 08:36 PM

مشششششششكور

اخوي الغالي على المشاركة الممتعة

جبل بن زيد

12-08-2006 01:05 PM