شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   عرش الكـــرم (https://www.qahtaan.com/vb/showthread.php?t=15704)

سعد المسعودي 18-09-2006 09:41 PM

عرش الكـــرم
 

السلام عليكم ورحمة الله وبركاته


للأخوة الأفاضل:بمجالس النوماس

كل عام وأنتم بخير

ومبروك عليكم هالشهر الفضيل ،،، الله يبلغنا وإياكم صيامه وقيامه،،


ــــــــــــــــــــــــــ

العذرمن الله ثم منكم على التأخير،، وأتمنى إن يرتقي هذاالنص المتواضع ولوللقليل من نيل

رضاكم وأستحسانكم
عرش الكرم

[poem=font="Simplified Arabic,7,white,normal,italic" bkcolor="black" bkimage="" border="double,10,red" type=3 line=0 align=center use=ex num="0,black"]


تجارب والحياه أكبرتجارب والرجال رجال= ومن لاجرب الدنيا حقيقة مايعيش أبها
يميني وثقة حبل المراجل والرجال جبال= وتعقب لحيتة ٍ مايحتميها فعل شاربها
على عرش الكرم ثابت شدادي والرجال أفعال= وكسبت من الفعول اللي تبيض وجه كاسبها
على درب المعزه سقت رجلي والقدم مامال= وأشوم بعزتي وأترك وطاها يامعذربها
ردي الساس مايقوى على العليا ولايحتال = ورجله في طلب كلمة نعم ماهوب متعبها
صحيح أن الحمول تخف من وزن الثقيل ثقال=ومخطي الناس محد (ن) يقتديبه دون صايبها
على عدّ الروى ندلي بدلوٍ ماضرب فالجال=ونشرب صافي الجم ورشانا في مقاضبها
أنا حر(ن) نداوي لاشهر عدّى على ماطال= حشيم (ن) للمراجل يعتلي ويجيك طيبها
وأنا ماأسمع من ضعوف النفوس وهرجت العيّال=وأخاف مطاوله بالهرج والتاره يجيكبها
سلايل رووس قوم فعلهم سباق قبل القال =مقاديم الرجال اللي توفي في مطالبها
جريه خطوتي بأسم (ن) يشرفني عن الأنذال=وأجرّي قلب من يقصر عن العسرات هايبها
أنا شفي من الدنياء سنافي (ن) عريب الخال=وشبحه للمراجل في طريقي مايجنبها
هذا والله رصيدي ياوجيه الخير رأس المال =عريب الساس بحر الجود من كفه يفوزبها
وشفي فالرجال أهل الحقوق وحطت المعدال= أورّد حق وآخذ حق والحجّات مقطبها
أنا وافي بكيلي وأكره اللي هس فالمكيال=ردي الساس من ساس الردى تقصر ركايبها
وأنا شفي من دلال أشقرٍلاسيق في الفنجال=مباهيرٍ تفاهق عن سناء الشعله ولاهبها
تكيّف رأس عمسانٍ من عماسه يضيق البال=ثلاث ولالهن رابع وراع الكيف حاسبها
الأول كيف رأس ومن تكيف به على ماقال =يقند ريحها للرأس لاجتبه هبايبها
ويثني كيفها لعماس باله وأنجلى بالحال=وجاب من القصيد وسند القصه لشايبها
وثالث كيف يكرم بنها والهيل وسط دلال=ويكرم ساس بيت منزله عالي نجايبها
وشفي شف حرٍ(ن) هام نفسه من يد النقال=على جول (ن) بعيد (ن) للنظر شوفه يقربها
تعلاّ وأعتلأ خرب (ن) عليه العين فوقه جال =عليه أهوى بمخلابٍ (ن) يفج نحور صايبها
عطيب (ن) لاتمكن مضربه ياعزتي للحال=حرار (ن) ماتذوق إلاّعشاها من مخالبها
وشفي لاتناشا في مقاديم السحاب خيال=برق في مدلهمه والهوى دار وتعقبها
وزهم رعاد مقدمها وسمى وأمطر الهمال=وسكرعنه الهوى والأرض كن السيل ناهبها
غسل وجه البسيطه فوق نجد وكل واد (ن) سال=مشوا بفراش خيره لين واد الهضب سال أبها
ومشوبه لين ضلع طويق سيله للجذع شيال=وشمال لياالحدود وديرة الأشراف قالبها
ويحده غرب شبك الصيد في محمية الأبطال=وظفى خيره على كل الديار اللي تقربها
ترى هاذي طراة العمر وإن زلت بي الأقوال= أسبّق عذرها قدام قاريها وكاتبها [/poem]
الحرالأشقر

ابن صبر الصفا الطريبي 18-09-2006 09:58 PM

رد : عرش الكـــرم
 
صح الساااانك الف وطاب مجناك وعز الله قصيده واااافيه وتدل على وااافي تقبل تحياتي .

عبدالله المهداني 18-09-2006 10:03 PM

رد : عرش الكـــرم
 
ارررررررررحب يا الحر الاشقر


من طول الغيبات جاب الغنااااااايم


الله يصح لساااااااانك


ولا عاد تبطي علينا نفدا وجهك


تحياتي

سعد القحطاني 18-09-2006 11:23 PM

رد : عرش الكـــرم
 
اررررررررررررحب ارحب ملايين يابو يزيد

من طول الغيبات جاب الغنايم

صح لسانك يالقرم وبيض الله وجهك

مبدع وجزل كما عهدتك

شرفني تصفح هذه الرائعه التي لاتستغرب من رجل بحجم
سعد المسعودي

ومرور واحد لايكفي لابد من معاودتها للفائده

لاعدمناك يالذيب وننتظر المزيد منك لاهنت

تحيات أخوك

.

علي بن مسفرالحبابي 18-09-2006 11:51 PM

رد : عرش الكـــرم
 
الحرالاشقر

ارررررررررررررررحب تراحيب المطر

بيض الله وجهك وصح الله لسانك قصيده اقف احتراما لها ولشاعرها

وكفو هذا القصيد الجزل من جزاله صاحبه سجل اعجابي الحار ودمت وسلمت

عبدالله بن غفره 19-09-2006 12:06 AM

رد : عرش الكـــرم
 
الحر الأشقر


أررررررررررحب تراحيب الحيا

وصح لسانك مليون ولا يكفون


رائعه كروعة حضورك ياسعد



تقبل تحياتي وأعجابي بما كتبت

رائد نملان الحبابي 19-09-2006 12:24 AM

رد : عرش الكـــرم
 
الاخ : الحر الأشقر

رحبوبك المطاليق وحنا نرحب بك وقصيده

وافيه من وافي معرفت شرواك شرف

سجل اعجابي واحترامي لك .

جبل بن زيد 19-09-2006 12:30 AM

رد : عرش الكـــرم
 
السلام عليكم ورحمة الله وبركاته

ارحب يالحر الاشقر

وصح الله لسانك مدد ولاهوبعدد

قصيده وافية وجزله من شاعر وافي وجزل


تقبل وافر التحية والاحترام

سالم الحركان 19-09-2006 11:50 PM

رد : عرش الكـــرم
 
[poem=font="Simplified Arabic,7,white,normal,italic" bkcolor="black" bkimage="" border="double,10,red" type=3 line=0 align=center use=ex num="0,black"]



أنا حر(ن) نداوي لاشهر عدّى على ماطال= حشيم (ن) للمراجل يعتلي ويجيك طيبها
وأنا ماأسمع من ضعوف النفوس وهرجت العيّال=وأخاف مطاوله بالهرج والتاره يجيكبها
[/poem]




صح لساااااااانك يالحر الأشــقــررر


وبيض الله وجهك على ذي القصيده

وااااافي يبو يزيد


اخووووك
سالم الحركان

مهدي بن مسفر الحبابي 20-09-2006 06:26 AM

رد : عرش الكـــرم
 
أخوي الصديق الغالي سعد المسعودي

ارحب تراحيب المطر والله يحييك من طول الغيبات جاء بالغنايم

صح لسانك وسلم فكرك وبيض الله وجهك

قصيده جزله من شاعر جزل ومتمكن

رايعه بروعة حضورك الغير مستغرب

وافيه من راس وافي

رايي وشهادتي فيك وفي شعرك انت تعرفه من زمان وشهادتي فيك قد تكون مجروحه

ننتظر مشاركاتك القادمه وتواجدك معنا بالستمرار فوجودك له مكانته الخاصه عندنا جميعاََ

لك فائق احترام وتقدير أخوك
ابو نـــــواف

سعد بن عدال 20-09-2006 06:54 PM

رد : عرش الكـــرم
 
صح لسانك



تحياتي

معيض بن صميع 22-09-2006 03:44 AM

رد : عرش الكـــرم
 
السلام عليكم ورحمة الله وبركاته


صح لسانك ...................



والكفو هذا طبعه وهذي علومه..............




لاهنت ياسعد........

تقبل تحياتي ................


ودمت بخير.

فراج القرقاح 22-09-2006 04:28 PM

رد : عرش الكـــرم
 
....

وعليكم السلام ورحمة الله وبركاته



الله يحيك ويبارك فيك



صح لسااااااااااااااانك يالغالي وقصيده وافيه ومن وافي



لاهنت عزالله ابدعت ولا قصرت

سعد المسعودي 28-09-2006 09:00 PM

رد : عرش الكـــرم
 
اقتباس:

المشاركة الأصلية كتبت بواسطة ابن صبر الصفا الطريبي
صح الساااانك الف وطاب مجناك وعز الله قصيده واااافيه وتدل على وااافي تقبل تحياتي .


يلمرحبا يأبن صبرالصفاء الطريبي


وصح بدنك


ولاهان رأسك


أخوكـــــــــــ


الساعة الآن 04:41 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود