دكتور الشعر
 

................................ بسم الله الرحمن الرحيم .................................


اسعد الله اوقاتكم بالخير والمسرات يسرني ويشرفني ان اقدم لكم هذه القصيده ولها مناسبه .

ومناسبتها لقب الشيخ / حناش بن جار الله القحطاني ( بدكتور الشعر فهد المكودر ) وهذا اللقب افتخر واعتز به

خصوصا انه من الشيخ حناش واتمنى ان اكون عند حسن ظنه وحسن ظن الجميع وبعد هذا اللقب القيت هذه القصيده

في عدّه مناسبات واتمنى ان تحوز على رضائكم ولكم مني جزيل الشكر .




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من مشاعر شاعر ٍيازن كلامه= ويحتميه من الهزيله والرديه

شاعرٍ يكشف عن المعنى ظلامه= ويبتدي نسج الحروف الابجديه

ابتدى له طاري يحقق مرامه= وهاضت هجوسه وقلبه له نحيه

اللقب تاجٍ علي واحمل وسامه= يرفع الراس ويزيد المعنويه


خص من حناش من شيخ الزعامه = اللقب منّه يصير اغلى هديه

فكّاني دكتور للشعر ونظامه =أنت دكتور الشهامه والحميه

وانت كسّاب المعزّه والشهامه = وانت راع الطيب واليمنى الصخيه

لو يقولون ان على الطيب علامه = قلت يا حناش تكفيك الهويه

انت من قومٍ عوايدها الزعامه = من رجالٍ تنعرف في كل هيه

من عبيده مقدم الطيب وسنامه = عزوةٍ تشهد لها كل البريه

سعد منهم في اللقاء صاروا حزامه = محزم لّه لو على حوض المنيه

الصديق يعيش قدره واحترامه = والعدو يكوى له بتسعين كيه

وضيفهم يجلس على فراش الكرامه = والشحم له والوفاء والمقدريه

وجارهم معهم ومرفوعٍ مقامه = وما تمالوا دونه برايٍ ونيه

والخوي مالحقهم منّه ملامه = طبعهم كيف الخوي ينسى خويه

قالها اللي مايخوجل في كلامه = عاطفيٍ يعتزي بالعاطفيه[/poem]]

السلام عليكم

اخي فهد المكودر

لقب تستحقه بكل جداره

ويستحق ابو احمد كل المدح والثناء

++++++++++++++++++++++++
انت من قومٍ عوايدهـا الزعامـه من رجالٍ تنعرف في كـل هيـه

من عبيده مقدم الطيـب وسنامـه عزوةٍ تشهـد لهـا كـل البريـه


ما عليكم زود

تقبل اجمل التحايا واعطرها

اخوك
حسين بن علي بن رفعة آل حمدان

تستاهل كل خير يادكتور

بالتوفيق ولاتحرمنا من جزلك

لاهنت

يامرحبا يادكتور الشعر وهذا اللقب تستاهله وبيض الله وجهك على هذه القصيده يابروفسور الشعر

ماعليك زود يابو علي




وابو احمد شيخ من شيوخ قحطان اللي نعتز فيهم ويرفعون رووسنا دائم

تقبل تحياتي

الله لايهينك يابن شويه

ومتابعتك شرف لنا

ومن يقول يابو حناش

وراع العلم الطيب يستاهل رد الثناء

ولا نقول الا عسى ابو احمد دائم في الوجود

صح لسانك يالمكودر وابو أحمد يستاهل كل خير وذكره الطيب يذعذع في كل ديره لاعند قحطان ولا عند القبايل الثانيه وعسى الله يطول عمره ويخليه ذخر

صح الله بدنك يا مطلق

وابو احمد يستاهل كل العلوم الطيبه

وعسى الله يطول بايامه ويكثر من امثاله

تستاهل ياأبو مبارك العلم الطيب وأنت دكتور اب وجدوأنت شبل الرجال المطاليق......

صح الله بدنك يابن سعيدان

وماعليكم زود يا هل العلوم الطيبه

و

اخوي
فهد المكودر
فعلا
دكتور الشعر
وتستاهل اكثر
وقصيدة جميلة جداا
اخوك
مبارك

اخوي / مبارك

اشكرك على متابعتك وهذا شرف لي

والله لا يهينك ويعطيك الف عافيه

تقبل خالص تحياتي

اخوك / فهد المكودر

الله يعطيك الف عافيه


يافارس قحطان

ومتابعتك وسام على صدري واعتز بها

وابو احمد يستاهل اكثر من ذلك

تستاهل يالمكودر اللقب

ومليون نعم فيك وفي ربعك

صح الله لسانك يا فهد المكودر



تستاهل العلم الغانم



وابو احمد ما قالها من فراغ



لاهنت ولاهان ابداعك



تحياتي لك

صح السانك يادكتو ر

الشعر وتستاهل

والشيخ حناش يستاهل المدح

وبيض الله وجهك انت وحناش

الله يصح لساانك يافهد


وتستاهل العلم الغانم وقع يمناك


ابيض وجه

فهد

فهد

صح لسانك يافهد


وانا اشهد ان ابواحمد ما كذب في كلامة

تحيات متابعك

اررررحب يا فهد ..

وعزّ الله انك شاعر مبدع ..

الله يزيدك من فضله ..

صح لسااانك ..

ولك التحية

اخوك
س
ع
د

قحطان نت كوم




ماعليك زود ولاهنت على المرور

عوض بن شفلوت


صح والله بدنك ولا عليك زوووووووود





اسعدني مرورك اخوي عوض





جعلك سالم وغانم




اخلص التحايا لك

أخوي فهد ماحصل لك اللقب الا وانت تستاهله


خص لاجاء اللقب من مثل الشيخ حناش




ولانلومه يوم لقبك بهذا اللقب



تقبل تحياتي




أخوك:فارس بن كريسيع

يستاهل الطيب والعلوم الطيبه

حيث انه كفو

وصح السانك يافهد

لاهنت

ارررحب يافهد

صح لسانك يادكتور الشعر
اشهد لله ان ماكذب من اطلق عليك

هذا اللقب انت تستاهل وقدها وقدود

دكتور الشعر دمت مبدعا متالقا

أرحب يا الكتور

صح لسانك وجاد بنانك

وتستاهل اللقب أكثر

تقبل تحياتي

بالفعل دكتور الشعر






صح الله لسانك وتستاهل كل خير






تقبل تحياتي,,