|
توقيف الناصرية ،،، مقطع فيديو
توقيف الناصريه
بالإدارة العامه للمرور بالرياض سوء التنظم , صغر المكان , ممرات تستغل للنوم ، سحب من الدخان وهو حجز للأشخاص المخالفين للأنظمة المرورية بطريقة غريبة جداً تجمع عدد كبير من مختلف الجنسيات يصل بعض الإحيان إلا عدد خيالي لاتتوقع أمكانية أسيعاب المكان لهذا العدد ولكن يتم حجز هذا العدد الهائل في هذا المكان الصغير دورات المياه أعزكم الله مقرفه بشكل غريب جداً عدم التقدير للأشخاص كبار السن وعدم مراعاة المرضى أحتكاك أشخاص يغلب على شخصيتهم العشوائية والفساد مع صغار السن الصلاة في نفس المكان اللذي يتم فيه جلوس ونوم المواقيف لعب البلوب وشرب الدخان في نفس المكان المحدد للصلاة روائح كريهة جداً لا تقبلها حتى الحيوانات الأكل عن طريق عامل البوفيه لو أعطاك أياه خارج التوقيف لم تتقبله معدتك ولكن داخل هذا التوقيف كأنه مفطح :) ما يقدرون المظلومين :) إذا معك واسطة أمورك مصلحه :) مقطع يبين حالة المواقيف http://movie.abunawaf.com/2006/08/abo-nasryh.zip عن طريق الإيميل مع أجراء بعض التعديلات آتمنى أن تصل الرساله لمن لديه مقدره في الإصلاح أنتبهو تقطعون الإشارة حتى لو أنها خضراء :) |
رد : توقيف الناصرية ،،، مقطع فيديو
السلام عليكم ورحمة الله وبركاته
الله يعين ،، والله يوم شفت المقطع تذكرت الحج وافتراش الحجاج على الطريق والله تزاحمهم في التوقيف كنه التزاحم في الحج كل واحد منسدح بس خلهم يستاهلون اللي يخالفون الأنظمه :) ويسرعون :) |
رد : توقيف الناصرية ،،، مقطع فيديو
ههههههههههههههه يافارس قحطان
اللي ماعنده واسطه يبي يتفرش الأسياب مثلهم :) |
رد : توقيف الناصرية ،،، مقطع فيديو
السلام عليكم ورحمة الله وبركاته
ماعاد فيها واسطه لامن مسكوك مامنهم فكه ،، الا ان كان تنحاش وتترك معهم اوراقك يصورون جنبها :) |
رد : توقيف الناصرية ،،، مقطع فيديو
أنا ما أعرفهم ولا بعد جيتهم يابو مسفر :)
|
رد : توقيف الناصرية ،،، مقطع فيديو
اقتباس:
خخخخخخخخخخخخخخخخخخخخخخخخ والله الظاهر انك اللي منسدح وجنبه قوطي لبن :rolleyes: لاهنت تقبل تحياتي,, |
رد : توقيف الناصرية ،،، مقطع فيديو
اقتباس:
كنك داري ياسعد :021: وماقال كل هالانتقادات الا من قلب :017: |
رد : توقيف الناصرية ،،، مقطع فيديو
السلام عليكم ورحمة الله وبركاته
الاخ بن غفره كيف يخطي الواحد وتبيهم يفرشوله المخطي يتحمل ما جاه هههههههه لاهنت والله يعين المخطي وتقبل كل الاحترام |
رد : توقيف الناصرية ،،، مقطع فيديو
الله يعين
الحقيقه موضوعك هذا يابو غاده ذكرني واحد صار له موقف لايحسد عليه حيث كان ماسك الصف في حفله في إحدى صالات الافراح بالرياض وعند حوالي الساعه 11 مساءً طراله شغل واستأذن من زملائه وقال ربع ساعه وارجع لكم . مايدري ماذا يخفي له القدر ؟ وعندما خرج بسرعه على باله بيقضي لزومه ويرجع لزملائه ويمسك الصف من جديد إلا والمرور السري يرصده ويبلغ إحدى الدوريات وهم يكفشون ابو الشباب وين ؟ وعسى ماخلاف وش ذالسرعه الله يصلحك ولا امداه يطلع الإثبات إلا وسيارته فوق الونش! يالربع مايصير وراي شغل ضروري تكفون آخر مره طيب أخذو الاثباتات كلها واراجعكم بكره قالو مايمديك الله يعينك خلاص المقبل معنا على الجهاز وسمع البلاغ إغسل إيدك من الفكه. والله خذوه وعلى التوقيف في الناصريه والله يلعنك يا إبليس وراح ربع ساعه ولحقه ارباع وعند الساعه الواحه بعد منتصف الليل احسو زملائه بأن تأخيره غير طبيعي وأكيد فيه شي اتصلو عليه ومن حسن الحظ ان مسؤلي التوقيف تركو جواله معه وعندما كلموه الشباب . ألو عبدالله وينك سلامات؟ قال الحمدلله سلامات بس المرور قدر الله ومسكوني علشان السرعه وانا موقوف وتكفون افزعو لي ب............ إحتمال ما اخرج إلا بكره قالو إلا اكيد ماهو بإحتمال انت بس دخلت الغريفه لاعاد تقول إلا خير والله ويطقطقها المسكين 24ساعه بالدقيقه لا وليتها انتهت على كذا المفاجأه الأدهى انهم عندما قرب الإفراج عنه سوو بحث عن سوابقه ولقو عليه 600 ريال قالو ولا تعدى شبر إلا مسددها الله لايهينك ويكلم فاعل خير ولاقصر فزع له والحين ماشاءالله لو تشوفه مايعديها 100كم حتى لو تقول له ادعس الطريق ذا مافيه ولا نجده يعني تاااب وافلح وهذا بلا شك من إيجابيات هذا الإجراء حيث انه رادع بمعنى الكلمه ونتج عنه قلة الحوادث بمدينة الرياض بمعدل70% بحسب مصدر مسئول بالمرور لاهنت يابن غفره والله يعصم قلوب المسلمين من السرعه ويوفق رجال الأمن ويعينهم على هذه الجهود الفعاله |
رد : توقيف الناصرية ،،، مقطع فيديو
سعد
كنك تدق في واحد من الربع :confused: . |
رد : توقيف الناصرية ،،، مقطع فيديو
بسم الله الرحمن الرحيم
والله ياجماعة الخير المرور وتوقيف الناصرية بالذات يبغى له تنظيم من أول وجديد بالله عليكم ماتطالعون كيف يسوون فيهم تقول انهم مسوين جريمة قتل وبعدين فرحانين بهاالمرور السري للمعلومية المرور السري في الدول اللي برا له أكثر من خمسين سنه وذولي توهم يطبقونه للأسف جهاز المرور مع كامل الاحترام جهاز فاشل أولاً ناس يطبق عليهم القانون وناس لا ثانيا توقيف الناصرية توقيف سئ جداً جداً جداً وكأنهم يتعاملون مع (......) والكثير الكثير مما يحرق القلب ولي رجعه مع مواضيع المرور وقصصهم ولكم الشكر |
رد : توقيف الناصرية ،،، مقطع فيديو
عسى الله يكون في العون
اخي الغالي بن غفره بصراحة فيه تشديد على هذه المخالفات في كل المناطق وهذا شيء طيب وعسى ربك يزينها |
رد : توقيف الناصرية ،،، مقطع فيديو
حتى لو حصل هناك خطأ يجب التعامل مع هذا المخطئ باحترام
وأنا أرى أن تضاعف المخالفة بدون توقيف مثلا تكون قيمة مخالفة السرعة 1000 أو 2000 أو حتى 3000 ريال أهم شي لا يسجنون الواحد |
رد : توقيف الناصرية ،،، مقطع فيديو
السلام عليكم ورحمة الله وبركاته أرررحب يابن العم ويش رايك لو كل مخالف يفرشون له زل وله غرفة نوم كان وأنت سارح لدوام أقرب إشاره قطع وتسلم نفسك لاأقرب فرقه مرور وترقد وترتاح وتستانس وبعدها تاخذ ورقه للعمل (عذر) طريقتهم مظبوطه 100% الواحد يحاسب نفسه لاشاف الدريشه البلاستيك الي طولها 10سم في 10سم الي تفتح على مكتب الافراد والله مايتعودها وأنا داري انك مابعد دخلته ولاجيته معلمك واحد (خربش) |
رد : توقيف الناصرية ،،، مقطع فيديو
اقتباس:
هلا وغلا سعد حياك الله الحمد لله أنا ما أعرف التوقيف إلا بالذكر :) لكن قواطي اللبن لك معها ذكريات خخخخخخخخخخخخخخ تحياتي يالغالي:) |
رد : توقيف الناصرية ،،، مقطع فيديو
اقتباس:
أنا ما قلت يفرشرون له زل قلت يعامل معامله زينه ما هوب حوش غنم الله يعينهم ويزين أحوالهم :) تقبل تحياتي يالغالي |
رد : توقيف الناصرية ،،، مقطع فيديو
اقتباس:
شكراًُ لك أخي الكريم على هذه المشاركة وفي الحقيقه يأبو عبدالله موضوعك هذا فيه تهجم على أحد أعضاء الشبكة :) |
رد : توقيف الناصرية ،،، مقطع فيديو
اقتباس:
هلا وغلا أبو مسفر في الحقيقه أنك الوحيد اللي فهمني وسعد نيته ما هيب زينه تحياتي |
رد : توقيف الناصرية ،،، مقطع فيديو
اقتباس:
أبو سالم حياك الله وهلا وغلا فيك يالغالي ولا هنت على المداخله الجميله والرائعه كروعة حضورك يأبو سالم وجهاز المرور زي ما قلت فاشل بمعنى الكلمة ومتأخر عن الدول الأخرى بعشر سنوات :) ننتظر عودتك وتعليقاتك على الموضوع يالغالي أخوك / بن غفره |
رد : توقيف الناصرية ،،، مقطع فيديو
اقتباس:
أرحب يابو مسفر وهلا وغلا فيك يالغالي بصراحة أن مرورك رهيب جداًُ فعلاً طريقة لردع المخالف لكن طريقة مش كويسه :) تحياتي يابو مسفر |
رد : توقيف الناصرية ،،، مقطع فيديو
اقتباس:
آل معمر حياك الله وياهلا وغلا فيك يابو عبدالله أتوقع عند الشباب ما فيه إي إحترام للأنسان والوقت هذاك أتوقع لو يقولون لك أدفع 2000 ولا تدخل لتووقيف بتدفعها بكل بساطه الله يهديك ما هوب سجن هو توقيف :) تحياتي يالغالي ولمروك العطر |
رد : توقيف الناصرية ،،، مقطع فيديو
اقتباس:
تسلم يابو عايض وياهلا وغلا فيك يالغالي والله ما هيب شينه كان كل واحد يغيير جو من البيت ويسمر في التوقيف بلوت وشاهي يعطيك أياه عامل البوفيه مع الدريشة 10سم في 10سم يجيك الشاهي نصه منكب في مكتب الأفراد هههههههههه والحمد لله يابو عايض ما أعرف طريق الناصريه بشكل عام خل أعرف التوقيف بعد :) تحياتي ياكحيلان |
رد : توقيف الناصرية ،،، مقطع فيديو
اقتباس:
بتقوله والا آقوله ؟ :mad: |
رد : توقيف الناصرية ،،، مقطع فيديو
اقتباس:
يابن الحلال فكني منك ولا عاد تدخل على الموضوع الله يرحم شيبانك ههههههههههههه |
رد : توقيف الناصرية ،،، مقطع فيديو
بن غفره مشكور جدا جدا على الموضوع لاكن اسمه توقيف يعني تأديب بعدين ترى كاتبين السلامه المروريه مسؤولية الجميع ياخي لو تمشي في اي شارع في الرياض بتحصل اكثر من مخالفه اللي يلف عليك ماهمه من جنبه واللي يكع فرامل اردى مايشوف اللي وراه واللي يمشي مليون لا وبعد من قلة حياه يقشعك بالنور يعني افتح الطريق ولا رقيتك ........الخ
صدقني انا ما ادافع عن المرور ولا عندي واسطه لاكن التوقيف المطور المكيف والمفروش عند الدول اللي اذا وصلت سرعتك 120 كم ودوك الحجز على طول يعني توقيفنا على قد مخالفاتنا , والناس اللي تبيه يوصلهم المعاناة فاهمين كذا |
رد : توقيف الناصرية ،،، مقطع فيديو
سجن والا توقيف كلها سوا
يحطون المودمي في غرفه اربع جدران مثل الخروف يحبسونه لا يهرب الفرق ان التوقيف مدته قصيره والسجن طويله والا الطريقه واحده |
رد : توقيف الناصرية ،،، مقطع فيديو
السلام عليكم ورحمة الله وبركاته
الله يعطيك العافيه يابن غفره العرجي هدوا اللعب شوي الموضوع مايستاهل اذا جات على 24 ساعه مافيها شي اذا انقرص المخطي شوي والله لوتدرون ان اكثر الوفيات من الحوادث سنة1419و1418 هـ كان عدد الوفيات اكثر من 11 الف شاب بسبب الحوادث والسرعه مصيبه الله المستعان وشاكر على كل حال تقبل فائق احترامي |
رد : توقيف الناصرية ،،، مقطع فيديو
ياجماعة الخير قطع الاشاره ماهو جريمه
|
رد : توقيف الناصرية ،،، مقطع فيديو
الله يعطيك العافيه
|
رد : توقيف الناصرية ،،، مقطع فيديو
هههههههههههههههههه
احسن ليش يسرعون و يقطعون الاشارات والله ان الا حين الشباب كلهم صاروا يخافون يمشون بشويش ولا يقطعون الاشارات يخافون من الحجز يعني صار هناك فائده من الحجز الخايس لو ان الحجز مرتي ونظيف ومهتمين فيه كان ما فرقت مع الشباب عادي ينحجز |
رد : توقيف الناصرية ،،، مقطع فيديو
مشكور
|
رد : توقيف الناصرية ،،، مقطع فيديو
السلام عليكم ورحمة الله وبركاته كل من هو مخطي فخطاه على نفسه
|
رد : توقيف الناصرية ،،، مقطع فيديو
انا اخاف انكم تقولون هذا انسحر من امريكا.... ولكن انا عندما رجعت للسعودية قبل اسبوعين والله اني ماقدرت اسوق خاصة بخميس مشيط واقولك يا ابن غفره لا تحكم على اي شيء حتى تجرب بنفسك القيادة بامريكا ثم بعدها شف هل بتقدر تسوق بخميس مشيط!!!!!! السبب هو قوة تطبيق النظام وليست بالشوارع بل شوارعنا افضل من شوارعهم وامكانياتنا اقوى ولكن الله يستر من الجنان بالقيادة وشر الواسطة
مشكور اخي حدباء قذلة |
| الساعة الآن 09:30 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com