رشيد الزلامي & السناني..محاورة ساخنه!!
 

اخواني تحية طيبه,,


هذي محاورة لعملاقين من عمالقة الشعر..



بين ايديكم,,



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
السناني

هل الطايف عرب منهم تسلسل يوسف الحجاج=نشرله في بلاد الرافدين ابيات مشهوره
رشيد الله يبارك فيه ماحصلها مخراج=وصاحبنا دخيل مافرق بالاصل والصوره

الزلامي
طردنا يوسف الحجاج وانته تبغي المنهاج=بعد ساعه يبي يضحك عليك مشجع الكوره
تعبنا يالسناني ما لقينا للمريض علاج=اثر بعض المرض يتعب دمرجيه ودكتوره

السناني
ترى التاريخ فيه اثبات ماهو هرجة الهراج=وأضنك ما دخلته غير بعد عيال اخو نوره
منول يالزلامي في يداك الوضع ما يحتاج=وهالحينه وراك تدور مستشفى وشرشوره

الزلامي
ترى التاريخ واضح في زمان الفتح والمعراج=أخذنا حقنا وانتم بعد يبغالكم دوره
تهاوشتوا على مغراف فول وخبزتن في صاج=عجز يقنعكم الشيخ الكبير ومجلس الشوره

السناني
كفو ياصحابنا قدام ذاك الخط ما ينعاج=وهالحينه من البحر الحمر ينبل حنجوره
حضرت الهوشه الكبرى وقمت تراقب الابراج=لكن شوري عليك تخلي الاوضاع مستوره

الزلامي
عسى ربي يعز الشمعه اللي نورها وهاج=ويعين اللي من البحر الحمر مدلك ماصوره
مدام البر جاك من اليمن والتمر بالافلاج=لا تطمع في هذيك الصره اللي عنك مصروره

السناني
نقول الله يديم اللي وجوده فالليال سراج=يسدد عنك فاتوره ويلغي عنك فاتوره
تجمعتوا ثلاث ايام فالطياره الميراج=وكبتنها غشيم ورحلته ماهي بميسوره

الزلامي
على كلمتك هاذي مستحقن نجمتين وتاج=لكن تقص روس الناس لواعطوك دبوره
انا والله مبيلك بين خلق الله غثا واحراج=لكن انته حدى الركاب والاحوال مستوره[/poem]




تقبلو تحياتي..

بيض الله وجهك ياسعد



إختيار رائع ومحاورة قوية



تحياتي

أرحب ياسعد

وبيض الله وجهك على نقل

هذه المحاوره تقبل وافر الأحترام

محاوره بين العمالقه رشيد الزلامي و محمد السناني

ليش ماتجي ساخنه ؟

الا ساخنه ومفيده وممتعه.............. الخ

لاهنت ياسعد الزهيري على النقل الرائع

نتطلع للمزيد منك لاعدمناك

ت ح ي ا ت ي

شعراء اقويا ومحاوره قويه والزلامي مدرسه

ووجهك ابيض يالقرم








لاهنت على مرورك الكريم




تقبل تحياتي,,

تبقى ياجبل




ووجهك ابيض ولاهنت على مرورك ..





تقبل تحياتي,,

محاورة رائعة لشاعرين عملاقين

بارك الله فيك

اررحب يالسمي





والقايل مايهون ولاهنت على مرورك الكريم..






تقبل تحياتي,,

لاهنت على مرورك






تقبل تحياتي,,

رد : رشيد الزلامي & السناني..محاورة ساخنه!!
 

الله لايهينك محاوره رائعة وبيض الله وجهك

رد : رشيد الزلامي & السناني..محاورة ساخنه!!
 

ارررررررررررحبو






لاهنتو على مروركم والابداع هو تواجدكم...







تقبلو تحياتي,,