انا اشهد ان فقده على قحطان قبل يكون فقده في عبيده وآل شفلوت الفهر
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

والله ان العزا على ال شفلوت المنادية مثل ماهو عليكم يآل شفلوت الفهر=فالفقيد الشيخ ابن شفلوت مترك ياعسا مثواه فاعلى درجات جنات النعيم
والله ان الفقد واحد يابني عمّنا الغالين والعين ماترقد والاخرى في سهر=موتة المنعور مقدم عبيده شيخها زيزومها مفراصها اميرها شيٍّ عظيم
والله ان موته قهر واستغفر الله وآتوبله من قولتي والله ان موته قهر=كيف مآ قوله وهو راعي الطيب والجود والشور والعرف والراي الحكيم
هوعقيد القوم ليصاح صياح الضحاهومحزم الضيق هواللي به يشدّ الظهر=سطر التاريخ فعله من ايام الجهل وفعول جده وبوه ايام دحر الخصيم من الخصيم

وبالوفا والحنكه وفك الانشاب واعتاق الرقاب واصلاح ذات البين اشتهر=واشتهر بكرام ضيفه وذبح الحيل في وقتنا الحاضر اللي حنّا فيه وايضاً فالوقت القديم
مرحوم ياحرًّ على روس الجبال الطويلات النوايف شهر ايه من فوق نايفها شهر=فارس مشهور عارف فنون المعركة وقت اللقا ويعدّ من قايمة فرّيس بنو مضيم
لو دموع العين يوم ادمعت بتحدّ وتردّ وتفيد سيّلت من دمعها الذارف نهر=ليه مابكي ليه مازعل ليه مآحزن واعضب وآتضجر وابوذيب مثله ماجابنّ الحريم
والله ان فقده ماهي ساعه ولايوم ولا اسبوع ولا عام ولا شهر=ولاسنين ولا دهور ولا قرون والله ان فقده على طول من يومنا هذا الى يوم الجحيم
الزمن حتى الزمن وهو الزمن هل تعلمون انه من فعوله تغارب وانبهر=من حقه انه ينبهر لنّه يقيّم كل شخص عانده واعطاه ضربه قاضية فوق الصميم
فانشهد ان فقده على قحطان قبل يكون فقده في عبيده وال شفلوت الفهر=وانشهد انه خلّف رجال كفو وانا اشهد انه مايخيب الظن فيهم واشهد ان الله كريم
[/poem]
سعد بن شفلوت

بيض الله وجهك يا ابو عبدالله

وانت تعتبر من شعار الملاحم

والله يرحم المتوفي

ويبقي الحيين

وجهك الابيض يابدر

ولا عليك زود


والله يسمع منك

ولاهنت ولا شنت

اخوك // سعد بن شفلوت

صح لسانك ..
وبيض الله وجهك ..
وعزالله كفيت ووفيت يالغالي : سعد بن شفلوت المنادية ..

عسى الله يرحمه برحمته ويتقبله بقبول حسن

الفقيد في حاجة الدعاااء نسأل الله ان تكون مستجابه

أخوك فارس الشواطي

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله ان العزا على ال شفلوت المنادية مثل ماهو عليكم يآل شفلوت الفهر=فالفقيد الشيخ ابن شفلوت مترك ياعسا مثواه فاعلى درجات جنات النعيم
الاخ سعد
قصيده وافيه من شخص وفي لقحطان عامه
قصدت فابدعت وسطرت ملحمه من ملاحم الوفى
اللهم اكتب لك فيها اجر اما العلم الغانم فانت كاسبه
جزل اجزل الله لك الحياه[/poem]

بيض الله وجهك يابو عبد الله

مرثيه معبره

والله يرحم ابو ذيب

عبيدي الدمام


صح بدنك يالغالي

وجهك الابيض والله لايحرمني منك.. واشكرك على الرد

اخوك سعد بن شفلوت

الله يرحمه يافارس ويثبته عند السؤال

كلام ثمر يافارس الله يجزاك بالخير ووالديك

واشكرك..
اخوك سعد بن شفلوت

ماسوينا الا اقل من الواجب

ياعاشق الوطن ولا عليك زود يالغالي والعلم الغانم انت من هله كذلك

واسأل الله ان يتغمد الفقيد بواسع رحمته انه على ذلك قدير


اخوك سعد بن شفلوت

عشت ..ياابوعبدالله ....عشت ..
 

بيضا الله وجهك يا بن شفلوت
 

اخووووك

هــــاوي نجد

صح لسانك 00
ذيبان ياسعيدان كفو والله والقصيدة كفو00
الله يرحم بوذيب ويسكنه فسيح جناته00

بسم الله

السلام عليكم

الله يرحم الميت

وأنا ماأستغرب يا سعد أن تكتب مثل هذي القصيدة لأن فية موقف مؤثر وشخص يستاهل أن يذكر بالخير, في كلام عادي او قصيدة.
على كل حال أنت أبيض وجه وماقصرت وهذا إلي تعودناه منك........................................

فارس قحطان


وجهك الابيض واحسن الله عزاك والبقا براسك...

والفقد واحد وانا اخوك والقصور حاصل لكن المعذره..

اخوك سعد بن شفلوت

بيض الله وجهك يا سعد

قصيدتك وافية ولا حصل فيها قصور

والله يرحم الشيخ مترك ، ومهما كتب فيه من القصائد فلن توفيه حقه

اكرر شكري لك ياسعد على هالقصيدة الرائعة

اخـــ السيف النادر ـــــوك
.

صح بدنك ياخالد

ومرورك اثلج صدري الله يرحم والديك ووالدينا ووالدي من يقرا..

الحقيقة موتة ابوذيب فرجة كبيرة ولكن اللي يهونها على الخاطر انه مذكور بالخير حي وميت وهذي تكفيه انشاء الله وقال انتوا شهود الله في ارضه ..

اشكرك بعنف ياخالد

اخوك سعد بن شفلوت

وجهك الابيض ياهاوي نجد

الحقيقة مرورك غالي يالغالي والله لايخلي منك وانت لك باعٍ طويل في منتدى قحطان وعلمك مشرف

اشكرك من كل قلبي..

اخوك سعد بن شفلوت

صح بدنك يابن عادي

ولا عليك زود

والله يسكنه الجنة..............

اخوك سعد بن شفلوت

يابن همله ارحب

لاغريب الا الشيطان وكلامك على الراس ومرورك ماهو بسهل ولاهو بعادي

اشكرك جزيل الشكر والله يرحم ميتنا ويتجاوز عنه وعنا انه على كل شيء قدير

اخوك سعد بن شفلوت

وجهك الابيض يالسيف النادر

وتعلقك على القصيدة زادني شرف ومثلك نفتخر في اشادته وفي تعليقه

ولا قلت الا الصحيح رحم الله ابا ذيب

اخوك سعد بن شفلوت

صح لسانك يا الشاعر سعد بن شفلوت والله يرحم الشيخ ابن شفلوت

صح بدنك يالعلي

والله يسمع منك......
اخوك / سعد بن شفلوت

ا

ماحصل تاخير يابن عاصم

وصلت الله لا يهينك

ومرورك شي كبير....

والله يرحم الميّت .....

اخوك سعد بن شفلوت

وافي يابو عبدالله وقصيده جزلة وفي امير يستاهل الله يرحمة ويوسع علية وبيض الله وجهك

وجهك الابيض ياولد حناش

والله يسمع منك

اخوك سعد بن شفلوت

الله يبيض وجهك ياسعد يابن عبدالله قصيدة مؤثرة وقوية وجزلة اخترت البحر الطويل الله يطول عمرك ويرحم الميت ويجزاك الف خير قصيدة لفتت انتباهي واعجبتني الله لايهينك ولا تبخل علينا من الجديد

وجهك الابض وقايل مايهون يالذيب


ولا سوينا الا الواجب


والحقيقة انك اسعدتني بمرورك الكريم


والله يسمع منك ويرحم جميع اموات المسلمين

اخوك سعد بن شفلوت

الله يرحمه ويسكنه فسيح جناته ...
صح لسانك وبيض الله وجهك
ياسعد بن شفلوت ....

وجهك


الابيض


يالحمالي




والله لا يهينك على


المرور والحقيقة


ان مرورك انت واللي مثلك شرف


لاعدمتك لا عدمتك




اخوك


سعد بن شفلوت

رد : انا اشهد ان فقده على قحطان قبل يكون فقده في عبيده وآل شفلوت الفهر
 

بيض الله وجهك وعسى الله يرحمه بصراحه انها مرثيه معبره





الشواطـــــــــــــــــي

رد : انا اشهد ان فقده على قحطان قبل يكون فقده في عبيده وآل شفلوت الفهر
 

رد : انا اشهد ان فقده على قحطان قبل يكون فقده في عبيده وآل شفلوت الفهر
 

بيض الله وجهك

رد : انا اشهد ان فقده على قحطان قبل يكون فقده في عبيده وآل شفلوت الفهر
 

بيض الله وجهك والله يرحمه ان شاالله اخوكم السنحاني