|
البنات وقوة الوجه
مدري قبل 11 سبتمبر او بعد المهم ان بعض البنات صار وجهه صبه ( قوي ) في الاسواق وانا قليل ادخل مجمع تجاري لكن سوالف المجالس وبعض
الذين يتمتعون بتعبير الوصف يصف لي كيف الناس وسط المجمعات في القنوات الفضائية تجد البنت تتكلم بكل جرأة وقوة في المنتديات تجد التواقيع الجرئية والصور اللي تجيب الرجال على خشته ( وجهه ) والعبارات المتلونه من كل لهجه مره تقول آآي ومرة تقول شو بدك ومرة صدز فالصبح سودانيه وبالعصر نجديه وبالليل الله العالم هنديه العرب وش جاهم يامسلمين البنات صارت اوجيهم بالاسواق بعضهم تخزك ( تناظرك ) تقول تطلبك ثار ولا تبي شئ والسالفة لاعارف ولا معروف وش تبي ماتدري !!! وعيالنا بعضهم عقله يالله بالخير ( تريللي ) لاشافها لحقها تقول ولا مابي اقول يلحق له ارنب ولا قطوة يازين العفه زيناه والله لاهو متزوجها ولاهي متزوجته يمشون ورى السيد ابليس الله يقلع بليس وبيسوق طيارة الشر واربطو احزمه القراده ( الحظ الشين ) ومن جوال لافاتورة ومن فاتورة الى ابي اشوفك الجماعه مقلعين بطيارة ابليس ومن كذب في نفاق والجماعه طايرين ولااحد قال للثاني وش آخرتها .. كيف يبي الله يوفقه وهو يلعب بمحارم المسلمين ؟؟ وكيف تبي تتوفق وهي تلعب بعيال المسلمين ؟؟ يازين العفه زيناه القصص كثيرة وكلها تصب في مصبين الاول : العفاف والراحة النفسية مع الله سبحانه وتعالى ومع الاهل والاقارب ويبشر بالخير لاولد ولا بنت من مشى وعف نفسه من طريق الوهم الثاني : غضب الله وتعب النفس وضمير غاطس في بحر الخيال وحياة وهم ونفاق خالية من الصدق وراحة البال وش بعد الصداقة ؟؟ تبيهم يتعلمون امور الفقه والتوحيد بالتلفون ؟؟ تبيهم يصحون بعض لصلاة الفجر ؟؟ تبيهم يذكرون بعض بدعاء آخر ساعه من يوم الجمعه ؟؟ ولا تبيهم يقولون الله الله بوصل الارحام ؟؟ الله يهدينا والجميع لما يحب ويرضا والله يحمانا وياكم والمسلمين من شر مواذي خلقه يازين العفه زيناه بعطيكم قاعده معروفة عند الشباب اهل الاسواق بنت محتشمه محد يتعرضها ولااحد يقرب منها لانه يعرفون ان البنت وراها والي ونفسيا محد يقدر يقرب اما بنت تطامر وجهها كما قلت اول صبه ( قوي ) وابليس راكب فوق راسها وتسمع عند اذنها اصوات غريبة تشبه اللي بالبر امباااااااااااا فلا غرابه في الوضع فالوضع انتقل من الانسانية الى الحيوانية وسلم لي على العفة واهلها تذكرت قصه يقولك في العهد الماضي ايام قبل اكثر من 150 سنه قصه ذيب ابن شالح بن هدلان بره بوالده وشجاعته وقصصهم كثيره نرجع للقصه ذيب كان معه ثنين من جماعته وهم من الخنافر قحطان جاته رميه بالخطا وقامو اصحابه بمساعدته الا انهم مااقدرو يساعدونه مات الله يرحمه وارجعو لديارهم خوفا من الموت وجاءت جماعه ليشاهدو من اللي ميت بسبب الرميه الخطا حصلو في يده خاتم فضه وجاءت احدى البنات وهي من قبيله اخرى لما رأته صااااااااحت قال احدهم لماذا تصيحين وش عندك اكيد انك مصاحبته قالت لاوالله ماصاحبته هذا ذيب ابن شالح كنا عندهم سنه ساكنين جيران لهم وكان لما يصيد الصيد من ارانب او غيره كان يقسم الصيد نصفين نصف لبيتهم ونصف لنا لجيرانه وكان لما يجيب الصيد لبيت جيرانه تقصد لهم انه لايرفع النظر في عين بنت او حرمه من جيرانهم كان يجي منزل راسه وينزل الصيد ويرجع الله يرحم ذيب واموات المسلمين والقصد من الموضوع اول بنات وقوة وجه وآخرته عفه وسمعه طيبه ان العفه زينه وان كل شئ له نهاية ولااعتقد ان نهاية الاسواق الى الماذون على قولت المصاريه نهايتها مظلمه والله يستر من النهايات المظلمة ويالله حسن الخاتمه ,, |
ابن شرعا بارك الله فيك فعلا كلامك صحيح وللأسف الحياء والسحى راح واختفى من أغلب بنات الجيل الأخير الا من رحها الله ندعو الله سبحانه وتعالى أن يهدي بناتنا لما يحبه ويرضاه وأن يصلح الحال
ورحم الله ذيب بن شالح وأسكنه فسيح جناته هكذا هو الرجل المسلم الذي يصون جاره ويكرمه ويحفظه في غيابه اخوي ابن شرعا تحياتي لك واشكرك على الموضوع المميز |
السلام عليكم ورحمة الله وبركاته
ابن شرعا بيض الله وجهك راعي كلام اشهد بالله انك صدقت والله ماحد هامهم الله المستعان وعلى قولتك يازين العفه زيناه ونسأل الله الستر والعافيه لنا ولك وللمسلمين شاكر لك على هذا الموضوع المميز وتقبل فائق احترامي |
وتد
هلا فيك ومثمن حروفك ومشاعرك نفداك الله ياقاك |
كلامك صحيح
ابن شرعا كلامك في محله ............ بس الشكوى لله
|
السلام عليكم ورحمة الله وبركاته
يعطيك العافيه اخوي .. كلامك صح .. بس اظن الموضوع منقول .. من احد المنتديات .. لا هنت .. |
اقتباس:
( بس وين اهلهم وين ابوهااا وين اخوانهم وين امهاتهم ياناس ما عاد فيه غيره ما عاد فيه عفه لاحول ولاقوة لاباالله ) |
ذياب هلا فيك
اشكر لك اهتمامك على ملكيه المواضيع الموضوع لي وكتبته بمنتديات قحطان واحد الاقلاع قصيمي نت مضايف شمر منتديات الامير خالد الفيصل مجله نجديه واسمي فالح بن عبدالله الهاجري تبي رقم الجوال والبطاقه حاضرين نفداك هلا هلا فيك |
بن فالح
نورت طال عمرك |
لاهنت يالغالي
|
السلام عليكم ورحمة الله وبركاته
لهنت على هذه المشاااركه والله يسترنا يستر بنات المسلمين ويصلحهم على كل خير صدق والله ان بناات هالزمن انهم تغيرو ما عاد فيه لا سحى ولا شيمه مامعنا نقول الله يصلحهم ان شاءالله وشكرا لك على المشاركه الطيبه يا بن شرعا |
رد : البنات وقوة الوجه
هلا هلا بالجميع
|
رد : البنات وقوة الوجه
ابن شرعـــــــــــــــــــــــــــــــــــــــــــــــ ـــا
تســـــــــــــــــــــــــــــــــــلم |
رد : البنات وقوة الوجه
كلام سليم
يوحي بعقل كاتبه تحياتي |
رد : البنات وقوة الوجه
لا هنت كلام سليم
وعسى الله ينفع به |
| الساعة الآن 03:40 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com