|
من يعرف باقي هذه القصيدة الله يبيض وجهه
أبا أنذر اللي من ربوعي يبا الطيب لا يأخذ ألا من بيـوت الشجاعـه يجي ولدها مـذربٍ كنّـه الذيـب عزٍ لأبوه وكل مـا قـال طاعـه وبنت الردي يأتي ولدها كما الهيب غبـنٍ لأبـوه وفاشلـه بالجماعـه يا كبر زوله عند بيت المعازيـب متحـريٍ متـى يقـدم متـاعـه القصيدة للشيخ شالح بن هدلان اللي يعرف باقي القصيدة يذكره الله لايهينه |
حبابي الخرج أرحب
هذه تكملة القصيدة ولك مني جزيل الشكر ياربعنا ياللي على الفطر الشيب *************** عزالله إنه ضاع منكم وداعه رحتوا على الطوعات مثل العياسيب ************* وجيتوا وخليتوا لقلبي بضاعه خليتوا النادر بدار الأجانيب **************** وضاقت بي الأفاق عقب اتساعه كني عقب فقده بحامي اللواهيب ************** وكني غريب الدار مالي جماعه من عقب ذيب الخيل عرج مهاليب ************** يا أهل الرمك ما عاد فيكم طماعه قالوا تطيب وقلت وشلون باطيب *************** وطلبت من عند الكريم الشفاعه أخوك أبا الذموم |
اقتباس:
الله يبيض وجهك أبا الذموم يوم تبيض وجوه وتسود وجوه |
الله يرحم الشيخ شالح بن هدلان ويسكنــه الجنــة ،،،،،، نفاخر به حتى يوم القيامة . والحمدلله اني قحطاني |
شكراً لك اخي الكريم على هذا المشاركة
|
رد : من يعرف باقي هذه القصيدة الله يبيض وجهه
أرحب ياحبابي الخرج ولاهنت أنت ولا أبا المذموم
والقصيدة اللي ذكرها ابا المذموم هي اول ما قال شالح ثم اكمله بثانية منها الابيات اللي ذكرت وهي كما يلي: ذيب عوى وأنا على صوته أجيب === ومن ونتي جضت ضواري سباعه عز الله اني جاهل ما اعلم الغيب === والغيب يعلم به حفيظ الوداعه تفرج لمن صابه جروح معاطيب === وقلبه من اللوعات غاد ولاعه إن ضاق صدري لذت فوق المصاليب ===مانيب من يشمت فعايل ذراعه صار السبب مني على منقع الطيب === ونجمي طمن بالقاع عقب ارتفاعه ياطول ما هجيتهن مع لواهيب ===ولاني برادي كسرها من ضلاعه وياطول مانوختها تصرخ النيب === وزن البيوت اللي كبار رباعه واضوي عليهم كنهم لي معازيب === اليا رمى زين الوسايد قناعه اضوي عليهم واتخطى الاطاتيب === واخذ مهاويه الجمل باندفاعه ابا انذر اللي من.........الخ. أخوكم. |
رد : من يعرف باقي هذه القصيدة الله يبيض وجهه
عفوا ابا الذموم.
اخوكم. |
رد : من يعرف باقي هذه القصيدة الله يبيض وجهه
السلام عليكم ورحمة الله وبركاته وبعد
الله يرحم شالح ابن هدلان ويسكنه الجنه وجميع اموات المسلمين يا اخواني ابشر بل قصيده كلها كامله وا ابي اكتبها لكم ونتم على ما ظن عارفين قصتها يقول شالح ذيب عوى ونا على صوته اجيب.....ومن ونتي جضت ضواري سباعه عز الله اني جاهلن معلم الغيب......والغيب يعلم به حفيط الـــــــوداعه يا الله يارازق عكف المخـاليب.......يامحصي خلقه ببــــحره وقـــاعه تفرج لمن صابه جروح معاطيب.....وقلبه من الـلوعات غـــــادن ولاعه ان ضاق صدري لذت فوق المصاليب...مانيب من يشمت فعايل ذراعه صار السبب مني على منقع الطيب....ونجمي طمن بل قاع عقب ارتفاعه ياطول ماهيجتهن مع الواهيــهيب...ولاني بداري كسرها من ضـــــلاعه وياطول مانخوتها تصرخ النيب.....وزن البيوت الي كبار ربــــاعـــــــه واضوي عليهم كنهم لي معازيب..اليا رمى زين الوســـايد قـنــاعـــــه اضوي عليهم وتخطى الاطانيب...واخذ مهاويه الجمل باندفــــاعــــــــه ابا انذر الي من ربوعي يبا الطيب..لاياخذ الا من بيوت الشجاعــــــــــه يجي ولدها مذرب سنه الذيب......عز لبوه وكل ماقال طــــــــــاعــــــه وبنت الردي ياتي ولدها كما الهيب...غمن لبوه وفاشله بل جماعــــــه ياكبر زوله عند بيت المعازيب.....متحريٍ متى مايقــــدم مـتــــاعـــــــه وهاكذا بقي شالح حزينآ كظيمآ يسهر ايام وليالي تقبلو تحيات اخوكم فتى الخنافر ورجاء اذا كان فيه نقص في البيوت لا شي ارجوكم افيدو ني وشكرآ |
رد : من يعرف باقي هذه القصيدة الله يبيض وجهه
يا جماعه انا كتبت القصيده كامله ودري وين راحت ؟؟؟؟؟؟؟؟؟؟؟؟؟؟؟؟؟؟؟
|
رد : من يعرف باقي هذه القصيدة الله يبيض وجهه
لاهنت وبيض الله وجهك على الموضوع الرائع
تقبل مرووووري |
رد : من يعرف باقي هذه القصيدة الله يبيض وجهه
الله يرحمك ياشالح بن هدلان ويسكن فسيح جناته وأن يتجاوز عنه أللهم آمين.
أشكرك ياصالح بن هادي على هذا ألطرح ألجيد ولمن شارك في هذا ألموضوع ألطيب لما فيه من ألحكمه وألنصح وألأرشاد. |
رد : من يعرف باقي هذه القصيدة الله يبيض وجهه
لاهنت اخوي صالح ماقصرو ا عيال الشايب
والله يرحم الشيخ الفارس شالح بن هدلان |
رد : من يعرف باقي هذه القصيدة الله يبيض وجهه
اقتباس:
اقتباس:
بسم الله الرحمن الرحيم هذا تعقيبا على الابيات التي طلبها صالح بن هادي الحبابي كامله لشيخ شالح بن هدلان التي يقول فيها : ابا انذر اللي من ربوعي يبا الطيب = لا ياخذ الا من بيوت الشجاعه ياتي ولدها مهذب كنه الذيب = عز لبوه وكل ما قال طاعه ليست في القصيده التي ذكرها ابا الذموم بل هي في القصيده الثانيه وسوف اذكرها لكم التي يقول فيها الشيخ شالح بن هدلان في رثاء ابنه الفارس ذيب وهي ذيبٍ عوى وأنا على صوتـه أجيب*** ومن ونتي جضت ضواري سباعـه عز الله إني جاهل ٍ ما أعلـم الغيـب*** والغيب يعلـم بـه حفيـظ الوداعـه يالله يـا رزّاق عِكـف المخاليب*** يا محصـي خلقـه ببحـره وقاعـه تفرج لمن صابه جـروح ٍ معاطيب*** وقلبه مـن اللوعـات غـادٍ ولاعـه إن ضاق صدري لذت فوق المصاليب*** مانيب مـن يشمـت فعايـل ذراعـه صار السبب مني على منقع الطيب*** ونجمي طِمَن بالقاع عقـب إرتفاعـه يا طول ما هجيتهـن مـعْ لواهيـب*** ولاني برادي كسرها مـن ضلاعـه ويا طول ما نوختها تصـرخ النيـب*** وزن البيوت إللـي كبـار ٍ رباعـه وأضوي عليهم كنهم لـي معازيـب*** إليـا رمـى زيـن الوسايـد قناعـه أضوي عليهم واتخطـى الأطانيـب*** وآخـذ مهاويـه الجمـل باندفاعـه أبا أنذر إللي من ربوعي يبا الطيـب*** لا ياخذ إلاّ مـن بيـوت الشجاعـه يجي ولدهـا مـذرب كنّـه الذيـب*** عِز لِبُـوه وكـل مـا قـال طاعـه وبنت الردي ياتي ولدها كما الهيـب*** غبـنٍ لبُـوه وفاشـلـه بالجمـاعـه يا كبر زوله عنـد بيـت المعازيـب*** متحـرّي ٍ متـى يـقـدّم متـاعـه اما القصيده التي ذكرها ابا الذموم فهي اول قصيده رثاء في ذيب بعد وفاته فهذه هي القصيده كامله يقول الشيخ شالح بن هدلان ياربعنا ياللي على الفطر الشيب ***عز الله انه ضاع منكم وداعه رحتوا على الطوعات مثل العياسيب ***وجيتوا وخليتوا لقلبي بضاعه خليتوا النادر بدار الاجانيب ***وضاقت بي الافاق عقب اتساعه تكدرن لي صافيات المشاريب ***وبالله شفت الذل عقب الشجاعه ياذيب انا بوصيك لا تاكل الذيب ***كم ليلة عشاك عقب المجاعه كم ليلة عشاك حرش العراقيب***وكم شيخ قوم كزته لك ذراعه كفه بعدوانه شنيع المضاريب ***ويسقي عدوه بالوغى سم ساعه ويضحك ليا صكت عليه المغاليب ***ويلكد على جمع العدو باندفاعه وبيته لجيرانه يشيد على الطيب ***وللضيف يبني في طويل الرفاعه جرحي عطيب ولا بقى لي مقاضيب ***وافخت حبل الوصل عقب انقطاعه كني بعد فقده بحامي اللواهيب ***وكني غريب الدار مالي جماعه من عقب ذيب الرمك عرج مهاليب ***ياهل الرمك ما عاد فيهن طماعه قالو تطيب وقلت : وش لون ابا طيب ***وطلبت من عند الكريم الشفاعه والسلام عليكم |
| الساعة الآن 09:45 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com