سلطان الهاجري وقصيده وطنيه
 

قصيده للشاعر الكبير شاعر المحاوره والنظم سلطان الهاجري في مقدم صاحب السمو المكي الامير سلطان بن عبدالعزيز ولي العهد حفظه الله من خارج البلاد

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


يامرحبا ياسيدي سلطاني=ترحيبة ينبض بها شرياني

مربوعة مثلوثة مثنيه=بالمسك واليشموم والريحاني

بسمي وبسم الشعب واحد واحد=بالصوت الأعلى والفم الملياني

حيا اللة اللي غيبته محسوبه=واليا حضر حيت به الأوطاني

ما هو بمن يأتي ولا يدرى به=هذا ابوخالد مغني الفقراني

غيث اليا قامت تلوح بروقه=يسقي الفياض الممحله من داني

ما له شبيه الا بكور الوسمي=تعده السلفان للسلفاني

هذا ولي عهد الملك عبداللة=الشامخ النايف من الضلعاني

عبداللة اللي طول اللة عمره=محارب اهل الظلم والطغياني

ملجّم افواه العداء بالحربه=ومنزّل خشم العدو الثاني

عينه على شعب العروبه كله=ومتفرد بالموقف الأنساني

أول زعيم أمر بجسر جوي=بين السعوديه وباكستاني

حكامنا منا وحنا منهم=ما فينا ذا صاحب وذا قوماني

أئمة تفرق على ألأئمه=بالهيبه العظمى وبالايماني

مثل الجمال الصايكه لا صاكت=ومثل الحصن لا طبت الميداني

عيال من يخلي سروج الضمر=عبدالعزيز مجندل الفرساني

يوم انها ميدان سيف وحربه=والظفر منجى والكربم معاني

يبطش بها عبدالعزيز الفيصل=ويهابها الرعديد والجباني

وسيف العداله لا ورد ما صدر=الا بعزل الروس عن الامتاني

وسيطر على عصر الجهل واجتثه=ما عاد له في هالبلد مكاني

ورسى قواعدها على شرع اللة=كيان ما مثله ولا كياني

عساه في خضر الجنان مخلد=يامفضل المسلم على النصراني

وسلامتك ياسيدي واسمح لي=عفوا على التقصير يا كحيلاني

تاحت لي الفرصه وجيت اسلم=ما عاد غير اليوم يوم ثاني

وانا ليا قلت القصيدة فيكم=أعدها وقول صح الساني [/poem]

السلام عليكم ورحمة الله وبركاته


لاهنت يابوفيصل


وصح لسان بن وسااام

صح لسااانه فعلاً أبو وسام شاعر وافي وجزل


أبو فيصل لاهنت على الأختيار الأكثر من رائع


أخوك
بن غفره

لا هنت

ابوفيصل مرحب ومسهلا والله يحييك يامشرفنا العزيز مشرف

وراوي مميز وكلك خير وبركه مواضيعك لها عندي قبول منقطع


النظير خاصه قصايد سلطان بن وسام

بيض الله وجهك علي نقل هذا الرائعه للهاجري

قصيده وافيه شامله كامله ومثل ماقال صح الله لسانه

لاهنت يالحبابي وكثر من امثالك في شبكتنا الغاليه

اخوك خالد العبيدي

مثل ماقال صح الله لسانه

سلمت ياعلي الحبابي ودمت

الله لايهينك يالحبابي ويبيض وجهك

وصح الله لسان شاعرنا أبو وسام .....


القصيده ماطلعت صوت في المجلس أو لديك تسجيل لها ...

صح السانه

كفاء ووفاء

لاهنت على النقل وبيض الله وجهك

السلام عليكم ورحمة الله وبركاته

صح الله لسان سلطان

وصح يمينك على النقل

اررحب ياطلال القحطاني

لاهنت يالغالي علي المرور العذب

رد : سلطان الهاجري وقصيده وطنيه
 

صح لســـان الشـــاعر ...

ولاهنــــت يابـــو مســـفر على القصيــــدة

تحياتي

أخوكـ

طــارق بـن ســالم

رد : سلطان الهاجري وقصيده وطنيه
 

لاهنت يا ابو فيصل لاهنت يالغالي


مشكووووووووووووووور على الاختيار الجميل

وصح لسااااااااااااااان الهاجري بن الاجواد

رد : سلطان الهاجري وقصيده وطنيه
 

رد : سلطان الهاجري وقصيده وطنيه
 

صح السان الشاعر سلطان بن وسام
ودايم متميز يابو فيصل فديتك ياالغالي

رد : سلطان الهاجري وقصيده وطنيه
 

ارررحب يافارس قحطان والله يحييك مرورك اكبر شرف لي طال عمرك

رد : سلطان الهاجري وقصيده وطنيه
 

رد : سلطان الهاجري وقصيده وطنيه
 

الأستاذ القدير والرائع دوماً / ( علي بن مسفر الحبابي )




هكذا تعودنا منك دائماً :


ذائقة شعرية عذبة


مشاركات رائعه


نقل متميّز


الأخ الغالي / علي بن مسفر الحبابي


لك خالص الشكر ولشاعرنا الكبير دوام الصحه والعافيه


تقبل فائق التحيه والتقدير،،

رد : سلطان الهاجري وقصيده وطنيه
 

الاخ العزيز علي بن مسفر

الكبير كبيردائما

ابن وسام شاعر كبير وابدع في النظم

لاهنت يابو فيصل


اخوك

رد : سلطان الهاجري وقصيده وطنيه
 

وعليكم السلام ورحمه الله وبركاته


وحياك الله مرورك تاج علي راسي

رد : سلطان الهاجري وقصيده وطنيه
 

لاهنت يا بو مسفر وبيض الله وجهك
مايجي منك الا الزين
صح لسان الوزن الثقيل

رد : سلطان الهاجري وقصيده وطنيه
 

حياك الله اخي الغالي

انا سعيد بمرورك علي مشاركتي

دمت بكل الود