|
اجمل بيت لقحطاني
مرحبا بالجميع ومن باب الفايدة وتعريف بشعرائنا
اتمنى منكم ذكر افضل بيت شعر لأي شاعر من قحطان في نظرك:deal: |
أرحب ثم أرحب
يابن العم بيض الله وجهك على الفكره الطيبه |
مشكور على الموضوع الرائع
واجمل بيت لشاعر قحطاني لمحمدابن هادي على ما اضن اشهد ان الجود فيمن لا يجود***مثل من حجج على غاربه ذباح ابوه |
انا رفيقك في الليالي المعاسير .... و الا الرخى كلن يسد بمكاني
ابن هدلان رحمة الله |
اخي فلاح الحواصله مشكووووووووووور على الفكره الجيده واجمل ا بيات سمعتها لقحطاني للشاعر سلطان بن عباس ابن مجمش [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] دخلت فالحـب تصنيفـه ورد اعتبـار=واجتزت كل المراحل مرحله , مرحله مدري ردى حظ مدري ذنب مدري قمار=مدري حسبت آخر المشوار مثل اولـه واليوم توي عرفت ان المحبـه دمـار=تثٌر على حاضـر العاشـق ومستقبلـه سويت مثل العرب للفغان فـي قندهـار=ان حاربوا مشكله وان هونـوا مشكلـه لاجيت باحاول اقرر شطبـت القـرار=ولا اكتبـه واتراجـع مااقـدر اكملـه صمدت حتى وصلت لمرحلـة لنهيـار=كنت احسب ان آخر المشوار مثل اوله [/poem] |
بيت ابن واسم -رحمه الله-
لابغيت الكيف سير صوب سابر سابر ابن منير ولا بن فلاحِ ( اللهم ارحم شيبانا الي رفعوا روسنا ) |
السلام عليكم ورحمة الله وبركاته ?
الله يحييك يافلاح موضوع طيب من رجال طيب ما كل من ربى شوارب زهاها***********وما كل من سموه رجال رجال بعض الشوارب ما تكرم لحاها***********خداعة بالمظهر على الناس تحتال ابو حكام الربيعي |
حفظت من سنين قصيدة المحيشير في الاذاعة بس نسيت بعضها - المعذرة-:
الوادي الي يدوسون العرب عشبه ماللفتى فيه مجلاس ن ومقعاد ِ اغنم شبابك من الهسات وانحشبه في ماقف ن مال مثلك فيه ميقاف ِ المخلب الي تناولـــب به وتنهشبه لا تكسره حذفة من غــير حذاف ِ اعجبني في الابيات القاف والمعنى نرجو اثراء الموضوع مع ذكر اسم الشاعر اذا امكن |
الرجل عندي جبل لين الليالي تنطقه = وأن نطق عرفت عنه كل شيً في ثواني
لشاعر : عوض بن شفلوت المناديه لاهنت يافلاح وعطني وقت لين اجمع اللي عندي تحياتي |
البدو شدوا وانتحوا للمحادير وحنا بقينا في الاراض الخلية
بيت من قصيدة للشاب مانع الزقيعي الخنافر عندما شدوا جيرانه ونسباه من ال عاطف فحس بالفراق . مااجمل الشعر اذا لامس الواقع . |
هذه القصيده التي أعجبتني
قائلها : الشيخ / محمد بن هادي بن قرمله السحمه رحمة الله شيخ قحطان في زمانه لي لابة لا قلت للخيل رده= ترايعوا للهوش مثل الجمالي وفعولنا بالضد كلن يعده= يعده الاول لنسل التوالي ربعي لي اطوع من محب لوده=وانا بها اروف من مربي العيالي اتبع مصالحم بلين وشده= واكسر بهم عظم الحريب الموالي شكرا على الموضوع القيم ونرجوا من الاعضاء التعليق والمشاركه في الموضوع تقبل تحياتي اخووك / كحيـلان |
يعطيكم العافية
ماقصرتوا |
اقتباس:
مع احترامي لما كتبت الا ان الظاهر ان ابن هادي يقصد قبيلة قحطان جميعاً وليس السحمه . ويمكن الاعضاء لديهم معرفة اكثر |
السلام عليكم ورحمة الله وبركاته
فلاح الحواصله لاهنت على الموضوع المميز اقتباس:
اخوي ابوفارس هذا البيت للشاعر حمد بن هادي المسردي اقتباس:
الأخ ساس العرب كحيلان ماذكر ان البيت للسحمه كان يقصد ان الشيخ محمد بن هادي من السحمه . |
هذا البيت يعجبني واردده دايم وهو للشاعر ذيب بن دخيل الحبابي يقول:
الرفيق اللي توده تبره بالمجي @@@ مثل ما بريت نفسك بجناب معثور |
أفظل أبيات سمعتها
هي لشاعر رسول الله وقائد لواء الشعراء الى الجنه وشاعر قحطان حسان بن ثابت (رضي الله عنه) نحن بنو قحطان هود جدنا\\\\\\\\\\وأجدادنا مثل النجوم الزحلي قحطان وان مست سروج خيولها\\\\أهتز مصر والعراق الاسفلي فوالله لو ظربنا بسيوفنا\\\\\\\\\\فلا يبقى مكبر ولا مهلل |
بيض الله وجهك على الموضوع الذي اخرج من الأعضاء ما يعجبنا من الشعر أحيي فيك الأسلوب الرائع والطريقة المثلى وأنا متأكد لو عرض موضوعك على منهج طرق التدريس لأعتمد في مناهجنا قد يعجبني ما أخترته انت ولايعجبك ما أخترته انا ولكن في النهايه يظل جميع الاختيارات من الروائع الشعريه المختاره |
اقتباس:
نعم هذه القصيده اعتبرها (( العصماء القحطانيه )) او (( الملحمه القحطانيه )) خالده بخلود النســـل القحطاني |
إلى جميع الأخوان أررررررررررررررررررررررررررررحبوا يارجال حيّا الله كل ٍ باسمه والسلامة للجميع
بالنسبة أجمل بيت شعر لشاعر قحطاني الشعّار المميزين واجد والواحد يحتار وش يختار لكن أنا أقول : يقول الشيخ محمد بن هادي بن قرملة : لي لابة ٍ تروي حدود الرهايف ********************************** لاجاء نهار ٍ فيه حاوي ومطرود. وأيضاً قول الشيخ محمد بن هادي : لابد من يوم ٍ يثوّر عسامه ************************************* أمّا على المطران والاّ على يام . أخوكم أبا الذموم |
مشكووووور على الموضوع الرائع
بصراحه في أبيات كثيره معجبتني لشعراء قحطان منها: ما دريت ان للجمايل على الدنيا جحود000لين سويت معروفن في ناسن وجحدوه أشهد ان من يفعل الجود في من لا يجود000مثل من حجج على غاربه ذباح أبوه للشاعر المرحوم/حمد هادي المسردي |
السلام عليكم ورحمة الله وبركاته
فكرة رااااااااااااااااااائعة وجميلة سأتعرف من خلالها على شعراء قحطان تحياتي لك وأنا متابع |
انا ليا كثرت لشاوير ماشير........وحلفت ماجي بارز مادعاني
انا خويه في الليالي المعاسير....ولا الرخا كل يسد بمكاني وشوري ليا هجت توالي المظاهير...شلفا عليها رايب الدم قاني .................................................. ............................................... ياذيب انا بوصيك لاتاكل الذيب....كم ليلة عشاك عقب المجاعه كم ليلة عشاك حرش العراقيب...وكم شيخ قوم كزته لك ذراعه .................................................. ............................................... ابانذر اللي من ربوعي يبا الطيب............لاياخذ الا من بيوت الشجاعه يجي ولدها مذرب كنه الذيب.............عز لبوه وكل ماقال طاعه وبنت الردي ياتي ولدها كما الهيب.....غبن لبوه وفاشل بالجماعه ياكبر زوله عند بيت المعازيب.........متحري متى يقدم متاعه .................................................. .............................................. والباقي اجمل ولي عوده |
انا ليا كثرت الاشاوير ما شير وحلفت ما تي بارز ن ما دعاني
الله لا يهينكم ----- يشرفني مروركم جميعا وننتظر المزيد |
حنا عيال العود روس القبايل = حنا هل الطاله كعام المعادين
حنا هل النخوه نهار الملاقى = نقبل على الهيجاء سواة الشياهين حنا الحسب حنا النسب في الجزيره =وان جات للسلطه ترانا السلاطين حنا العرب ساس العرب يا مغفل = تاريخنا يعطيك عنا براهين عوض بن شفلوت المناديه |
مشكور على الموضوع الرائع
بصراحه اجمل بيت اعجبني وهو طبعا تعتبر حكمه وهو نرى النعم مايلحق على العود في الشيب ### ليا صار ماهو ماخذة في شبابه للشاعر الكبير عبدالله بن شايق |
ابيات للشاعر الكبير حمد هادي
, المال كم ساس طمان وعلاه =والفقر كم حطم روابع سنافي من كثر ماله سارت الناس برضاه=ولو كان ناقص قالت الناس وافي |
لا هنتوا يالذيابة
ويشرفني مروركم ويشرفني مرورك يابو هذال وننتظر منكم المزيد طول الله عماركم في طاعته |
| الساعة الآن 11:10 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com