|
عطوني رايكم تراني جاد
مالكم في طويل فايدة ....... خذوا العلم طوالي
شخص عزيز علي جدا .... تعرف على رجل من اهل الشام واصبح بينهم علاقة قوية جدا ... طبعا الشامي هذا من سوريا وعنده بنات ما شاء الله تبارك الله وطبعا صاحبنا هذا غرز عند وحده من البنات وخطبها من ابوها ويعزم جادا على الزواج منها وفي القريب العاجل ... طبعا حاولت معه بكل وسيله اني اصعب عليه المسأله واخليه يهون .. والرجال ما طراله ... مغرز لأذنيه وانا متأكد انكم تعرفون سبب محاولتي اقناعه بالعدول عن هذا الزواج ... ولماذا ؟؟ الرجال ولد عرب معروفين وهذا الزواج بيترتب عليه ابناء واخوال .... الخ ..... واخشى ان الرجال ما حسبها مزبوط ... فالله لا يهينكم ابي الرجال منكم يحط نفسه محلي ويعلمني وش بيقول للرجال من كلام عن نفسي تقطعت حبالي معه . ما عاد لي حيله واخاف من شئ مايترقع مستقبلا ( ودي استفيد من ارائكم في مناقشتي له قريبا ) |
بداية حن مسلمين ونؤمن بالكتاب والسنة
ولو جاءنا دليل صحيح صريح يجب أن نتبعه حتى ولو خالف العادات والتقاليد في البداية الناس كلهم سواسية وأبناء آدم وحواء ولو تزوج رجل بامرأة على كتاب الله وسنة رسوله فهذا جائز ولا خالف في ذلك لكن البعض يتشدد في هذه المسألة من باب القبيلة وخوال العيال وغير ذلك قد يكون لأسباب قبلية بحتة أما من الناحية الشرعية فلا بأس في ذلك هناك نقطة مهمة أنا لو خالفت خويك في زواجه من السورية فلعدة أسباب : 1ـ أنها من مجتمع منفتح في الغالب وهذا قد يؤثر حتى في تربية الأولاد ، وقد يتعب في تعويد عادات مجتمعنا المحافظ 2ـ التكاليف في السفر والمشقة التي تحصل له بالسفر دوليا عند زيارتها لأهله على الأقل كل سنة هذه الأسباب قد يكون لها وجه من الصحة أما عن مسألة القبيلة فهي ليست سبب رئيسي لأن تمنعه من الزواج ثم لو لاحظ البعض في من يعرف من أبناء القبائل اللي يعرفون وينكرون ولهم مكانة في المجتمع والقبيلة وكبار في السن نجدهم قد تزوجوا بسوريه ومصريه وبعضهم جاب منها أولاد وحبها وعاش معها عمر طويل فهل معنى ذلك أن الرجال في قبيلته خلل أو عيب ؟؟ غير صحيح نهائيا وبيني وبينك صحيح هناك عقبات في هذا الزواج ولكن أحيانا الرجال ما ينلام مما يشوف من فرق بين بنت الشام وبين العرب اللي حولنا هخهخهخهخههخهه يا خي الكريم وضح لخويك العوائق والسلبيات في هذا الزواج فإن أصر فاتركه وما يريد فلعل في ذلك خير له |
اخي الكريم الذيب
السلام عليكم ورحمة الله وبركاته بما ان صاحبك مغرز لاذنيه .. ما اعتقد راح يغير رايه خصوصا انه قد شافها وعرف الكثير عنها انا ما راح اتكلم احساب وانساب ترى الحب اعمى على كل حال ادخله مدخل اقتصادي بحت اذا الله معطيه خير فلا راح يسمع منك ولكن اذا كان يعيش على الله ثم على الراتب هنا المشكلة تعرف اهل الشام وطرق حياتهم بكرة كل اجازة تبغى تسافر .. هدايا للقبيلة كلها جوز عمي وجوزة خالي وجد امي وخالتي وبنات عمي .. بعدها ابوي بدو ييجي للعمرة طبعا التذاكر عليك وهدايا العودة مطلوبة .. اخويا بدو يفتح ورشة وبدو مساعدة اختي بدها تفتح محل كوافير وبدها مساعدة جوزة عمي مريضة بدنا نعالجها ويالله يا خوي الذيب ادفع والا .. هذا ليس كلامي ولكن من خبرة عزيز مر بنفس المشكلة ها . ولا تنسى سيصبح كانه سواق تريلة على خط الشام كل يوم ماشي ذاك الخط اللي يقطع الظهر ... لا وحسن المعاملة على الحدود ... والله المستعان والله يوفق الجميع لما فيه الخير وجزاك الله خير لاهتمامك بعزيز عليك |
آل معمر اشكر لك ردك وتفصيلك
اما الأسباب الشرعيه فوالله انا خابرين ان حتى اليهوديه والنصرانيه تحل لنا لكن انا اخاف من الناحيه الأخرى .... ومستقبل عوال الرجال فيما بعد والله ما ينادونهم الا ابو شكيم وان كان جاله على السوريه بنات ... والله ما ياصلون 10 سنوات الا قد اعرسوا وان كان جاله عيال عزالله الي راحوا برجلها من ناحية تكاليفه وما تكاليفه اصلا هو رايح رايح لذيك الديار الله لا يعوق بشر ... من قبل السوريه ومن بعدها لكن الي استشفيته منك ( انك لا تمنعه ولا تشجعه ) يالله بالي فيه خير |
سنجاب
اي والله مغرز ومغرز ومغرز ولاني بلايمه ولا انت لا غرز لكن .... بعض التغاريز ما منها مخراج من ناحية وضعه الإجتماعي فيما بعد مع انسابه ما اتوقع انه من النوع الي يعطي درها كل خالي يعني ما عنده في احد ..... اصلا ( ترى فيه شئ نسيت اقوله لكم ..... ابوه واعمامه ما يدرون عن نيته ... واتوقع لو دروا انه تزوج سوريه بيروحون جلطات ولوف ) __________________________________________________ ____________________________ وفيه حاجه ثانيه تطري على بالي لو كان انسابه ما هم سوريين ... يعني خط كهرب ضعيف الفولتيه شوي مثلا ... بس وطني من عندنا هل اقتراحاتكم على ما هي عليه ام ان الركب السود لا محل لها من الأعراب اشكر لكم ردودكم |
الذيب العرج
اشكرك على طرح مثل هذا الموضوع المتكرر دائما مايحصل قي مجتمعنا ولاخاب من استشار ومن استكفى برايه فقد هفى وضل وقالة الاعراب يأتيك الرأي من راعي غنم فأما اتا فاقول ان صاحبك يفكر هذه الحضات بالعاطفه وليس العقل اذا اطلب منه ان يفكر بالعقل ويقرر ولي في الموضوع فلسفه واركز على ان بنت الوطن هي الزوجه القابله لكل زمان ومكان اما من خارج الوطن فانها اشبه بالورده التي تذبل بمجرد الزمن وبدل ماهي في اغلى فازه في البيت ولياها في درام البلديه ولاشك ان ما المح له الاخ سنجاب فيه كثير من العبر والحكم وهو واقع لامحاله عاشق الوطن تحياتي |
عاشق الوطن
اشكر لك ابداء رأيك ..... ولكن ياليت قومي يعلمون يمكن يبون يدرسون عيالهم خصوصي ببلاش |
السلام عليكم ورحمة الله وبركاته
يعطيك العافية على مناصحة اخيك المسلم انا من رأيي انكم تشرحون له الموضوع والمشاكل المترتبه على هذا الزواج والامور فان لم يقتنع فاتركوه فان حصل له مشكله فاتركوووووه ،،،،لان الاحصائيات تدل على ان مثل هذا الزواج نتائجه دائما الطلاق وتشرد الاولاد والنساء يروحون للسفارات السعوديه وهلما جرا تحيات اخيك الزهيري المغترب |
والله شكله يالذيب شايف له شيء ماهوب صاحي يخلي العاقل خبل
وأن طعتو شوري خلوه وحلقه شكل رفيقكم ذا رايح وطي |
خله ياخذها
ولا عاد يرجعبها للسعودية |
الزهيري المغترب ....................... اشكر لك ابداء رأيك ولك تحيه خالصه
بن غفره وجبل بن زيد اظن انكم يا اثنين لو تنصحون الرجال تزوج المانيه اطلعوا منها بس وخلوه عالسورية |
السلام عليكم ورحمة الله وبركاته كان الرسول الله عليه وسلم في جمع من الصحابه رضوان الله عليهم اجمعين و اقبل عليه سعد ابن ابي وقاص رضي الله عنه وارضاه فقال(هذا خالي فل يرني كل منكم خاله ) او كما قال صلي الله عليه وسلم والرجال يتفاخرون بالخال والخال له قسم من الولد واذا ما خنني التعبير ان الفارس والشاعر المشهور شالح بن هدلان تزوج من امراه غير جميله ولكنه اختارها لطيب اخوها اللي هو خال ذيب ابن شالح ذيب الخيل فانا اقول اللي ما يختار خال ولده يستاهل ما جاه |
شكراً لك اخي الكريم على هذا المشاركة
وأقول خلة على راحتة يمكن شاف شي ماشفتة |
بسم الله الرحمن الرحيم
اولاً اريد اشكر جزيل شكر يا الذيب العرج بتقول ليش تشكرني على غيرتك وحميااااك من عووواقب وخيمه بعد زوااج انااا ما اريد ازيد على كلاام خواني بصراحه كفووو وفوووو في رد اناا بعطيك عددة طرق وانشااالله تصيب وحده منهاا او شوف احسنهااا 1- زوااج مهوو عيب او منقوود (يمااا تزوجووو بعض من شيبااان من مصرياااات وااجد منهم ولبنانيااات وسوريااات وردنياات ..... وطلعووو عيالهم من اجيد العيال بفعااايل بعضهم ) 2- مدري هو كبير في سن او صغير ؟؟؟؟؟؟؟؟؟؟؟؟ 3- انصحه وعندي لك شووور خله هو يجرب اهلهااااا في امووور دنياااا ودين أ- في دين اكثر سورين ( علوين ) يساهلهم .........تراء بقلون حناا مسلمين وانشاالله انهم مسلمين خله يقراء عن العلوين بشوف الفرق ب- ياخذ عشروة الف ليرة سوري ( ويضيعهااا في المجلسهم اذا راااحت الفلوووس على زووواج العووض هههههههههههههههههههههههههه اناا اذكر وااحد سوري في درعااا يدلل على بنااته الزوووج اسمه ابو على وعنده ربابه لا يكوون هووو اضنه قال عنده 9 بنات وحده مدعوومه دعمهااا كويتي اسف تذكرت القصه اكمل معك ظاهر خويك مغرز من قلب لعنبوهم سورياات اذا حطوو عينهم على احد ما يفكونه ولوو بكفيل (حلات ثوب رقعته منه وفيه يااا خوي ) نصيحه مهوو له الكل شباب لي يسافررون يحااسبوون على اروحهم (من بنااات الهواى) (وين بنات عمه ولا بناات خوله او بنات الجماعه عنهم ) ظاهر ماكل من يدهاا جعل يدهاا القص _ فتوش _ وكبه _ وكفته _ بابا غنووج_ .............. يمكن تكلامه في تلفووون ياا ويل حاالي اذا كانت تكلامه.. برروح في عينهااا نصيحه له يقووم ويصلي ركعتين ويستهدي باالله وانشاالله بحصل له مخرجااا |
| الساعة الآن 12:24 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com