وجد حالي طر جيبي
 

يسعد الله جميع أوقاتكم

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أشتكي منّك وأقول إنك قطـوع ومـا تكلـم =لكن أبغا أعرف سبب هذي السوايا ياحبيبي
ودي أعرف يمكن إني كنت مخطي وآتعلـم = وإعلم إن اللي سبق وأخطا فلابده يصيبـي
حتى لوني واثق إنه ماحصـل شـيٍ يعلّـم = لكن إشرح موقفك ياجرح جرحـي ياطبيبـي
أذكر إنك من زمان أول قبـل هـذي تظلـم = والنتيجه فاشله والوضع في عينك عجيبـي
بس أبا ذكّرك حاجه نور وجهك ليش ظلـم = لإن مالك حق تخفي عيبك وتختـار عيبـي
كل واحد له عيوب وشكلـك الظاهـر تحلـم = ودام عيبي هو التغلي ماحصل شيٍ غريبـي
لو جلست أشرح عيوبك يمكن إنـك بتّتألـم = أحسن أسكت مالها داعي نزودهـا لهيبـي
ماخبرت إن الكفو يرضـى يعلمـه المعلـم = لو يعلم له شبكشي أو بعد غازي القصيبـي
من مشا درب المخاطر والله إنه قـد تولـم = والقمر في الليل واضح وأشهد إنه مايغيبـي
أنت حاول لاتنـزل قـدرك وينـزل بسلـم = وإن نزل قدرك تخيل فـي خيالـك تلتقيبـي
أعتقد بإني عرفتـك قبلهـا ماكنـت أعلـم = وأعتقد بإن العلاقه بيننـا حـظ ونصيبـي
ياجماعه قولوا إنـي مافقدتـه ليـت يعلـم = دامني ما أختف لجله ياجماعه وش يبيبـي
واشهدوا ما أبيه حتى باليد اليمنـى يسلـم = بس هو ديان يبقى في الزمن هـذا طليبـي
ودي أسمع من كلامه جملـةٍ لامـن تكلـم = باختصار أبيه ينطق ( وجد حالي طر جيبي ) [/poem]

وسلامتكم

سعد بن صالح الحبابي


صح لسانك صح لسانك


مبدع والى الامام


تحيتي لك

جلحاب الرفيدي



لاهنت على المرور طال عمرك



لك مني التحيه


أخوك

الحبابي

الأخ العزيز سعد الحبابي سلمه الله

صح لسانك وبيض الله وجهك

وأن شاء الله تسمع كلامه وهو مقابلك وجه لوجه

تقبل وافر تحياتي وتقديري

سعد القحطاني




لاهنت طال عمرك على المرور



لك تحياتي

كاااسر



لاهنت على المرور يالغالي



والله يسمع منك


لك تحياتي

بن مانع الرفيدي




الله يبقيك طال عمرك يالوفي




وأبشر بالسعد



لك مني التحيه

ذيب العبيدي



لاهنت لاهنت على المرور




لك تحياتي