|
نطلب الاعضاء والمشرفين مشاهدة المحاورة على الهواء مباشرة بين أبوعبيد وصبي باللحمر
أنا دوبني دخلت وسوف نكمل المحاورة مباشرة بناءعلى طلب الشاعر صبي باللحمر
وقد بدأت بقول: سلام مني يالرجال الوفيين ............. اهل الوفا والطيب واهل الكرامه الأحمري وينه مغيب ولا يبين ............... اشتقت له واشتقت انا اسمع كلامه @@@@@@@@@ وردصبي باللحمر بقول: قحطاني وسلمت عند القحاطين ............. ربعك هل الطالات قوم الشهامه هذي ظروف الوقت والجيم والسين ............... وألا إنْ خويّك ما كب إلتزامه |
ابو عبيد حياك الله وصبي بالاحمر وبامكانكم المواصله في نفس الموضوع السابق
تفادياً للازدواجيه ونحن متاااابعين وياهلا بكم |
صح لسانك يا ابو عبيد
وصح لسان صبي بن لحمر وودنا تكملون وتمتعونا بالجديد |
أنا أقترح يا سعد والشور لكم
تكون على هذه الصفحه بحكم إن ابو عبيد نزل العنوان الجديد وأنا تحت أمركم لكن أهم شئ نبغى الجمهور تكفون يا عوال الشايب نبغى حضور يليق بكم بإنتظراكم وإنتظار ابو عبيد |
@@@@@@@@@@@@@@@@@@@
سلمت مارحب بناسن مقفين &&& في واجب إلي حاضرن في مقامه يامرحبن وعداد غرس البساتين&&& و عداد ماهلت مزون الغمامه @@@ |
متـــــــــــــــــــــــــابع
واصلو لاهنتو |
إسمعوا نفداكم :
ترحيبة الشايب قصوها المنّصين ............... وإللي تركها ما يقرّ إحترامه لك البقاء وعداد من يسكن الصين ............... وعداد حلم إللي غرق في منامه |
متابع
|
ذليل أنا ودي نقر الموازين&&&
............................ونبين اللي خافين في ظلامه وللحد يالصاحب محنا معدين&&& ............................يلي يدس السم داخل طعامه |
شد الحيل ياباللحمر ومرحبن مليون بالمشرفين والحاضرين@
|
طيب طيب يابو عبيّد /
إستلم لا عدمناك كنت احسبك صندوق سرّ المضامين ................ وأثارني شلت الحنش في العمامه أشرح ولا تقرح وحنّا موامين ................. بعض الهروج توّردك للملامه |
واصلو واصلو
متابع لكم وانا ماسك صف صبي بللحمر من غير قصور في اخوي ابو عبيد |
الغالين:
سعد القحطاني فتى الجوه ابن غفره أرحبوا يا رجال يا حي من ذا علمه حضوركم اكبر شرف عسى عيني ما تبكيكم يالقروم |
الغالي
القويفل حضورك اكبر شرف يالغالي ووجودك في صفي مفخره وصفي وصف أبو عبيد واحد |
صاحبك سيفن يقسم الواحد اثنين&&&
.............................وشعيل نعرف غاربه من سنامه فقدامك اللي يعرف الزين والشين&&& ...........................فلاعاد تخطي كان تبغى السلامه |
الليل تو مازان الليل
وحمي السوق وخلوكم معنا |
خلها خلها يابو عبيد /
السيف أنا إللي جاعلن حده سنين .............. وشعيل جرّك في علايق خطامه مدحور شرك دام حنّا مسمين ............. والأمر ما أنت موكّلٍّ في زمامه |
معروف أنا قبلك من أيام وسنين&&&
.................................وآخذ حلال القول واترك حرامه .وحديت سيفي في عظامك بتبيين&&& ...............................أقولها صادق وتشهد عظامه |
أرحبووووووووووووووووووو يارجااااااااااااااااااال .. يالله لاتهينهم ... مرحبااا بعودتك ياصبي بللحمـر ... ومرحبا بعودتك ياأبوعبيد ... وصحت السنتكم .. واصلوو واصلووو .. <<متابع |
أبقاك الله يابن مانع وحياك ربي
|
إسمع إسمع /
أعرفك يوم إنّا نسوي دواوين .............. تقرأ وكإنك مأنت عارف نظامه مالي بسيفن ينشهر حزّة اللين ............... أبغاك سيفن ما يشُطّ إنقسامه |
أرحب يابن مانع حضورك مهم
|
أصل الشعر حنا من عصور وألحين&&&
............................................... حنا له أنوارٍ تبدّد عسامه سيفي صليبن ينعرف فالميادين&&& .............................................والمو ت كلن وارد في حيامه |
إسمع إسمع /
صحيح لكن فيه ناسن مجانين ............... يحسّبون الشعر ضحك وهيامه ما تنفع الأموال لو هي ملايين ................ العبد يدعي الله يحسِن ختامه |
الله الله ..
واصلوو .. واصلوو ... متابـع .. >>>>>>>> |
ما قصرت يابو عبيد الوقت تاخر وورانا دوام
لاهنت والله لا يهين كل من حضر وعلق وشكرا لك يابو عبيد على ان أتحت لي الفرصه أجدد حضوري في منتدى المطاليق منتدى صبيان قحطان |
ودنا انا واصلنا لكن مادام انهاها صبي باللحمر فخلاص
والله لايهينك ويعطيك العافية ونتمنى لك التوفيق ونشكر جميع من حظر ونتتقابل فيما بعد اخوكم ابوعبيد$$$ |
الله لا يهينكم وصح لسان كل من الشاعرين أبو عبيد الجحالي صبي بالحمر كم كنت اتمنى المتابعه لكن تسلمون وتعوضونا تحياتي للجميع |
السلام عليكم ورحمة الله وبركاته شكراً للاخوين ابوعبيد وصبى بللحمر .
واقول تابعوا لاهنتوا . |
والله انكم يا الثنين كفو
|
ماعليك زود ياسعود الهباشي ويشرفنا مرورك ولك شكري وتقديري.
|
رد : نطلب الاعضاء والمشرفين مشاهدة المحاورة على الهواء مباشرة بين أبوعبيد وصبي باللحم
[frame="2 50"]أبو عبيد الجحالي
صبي بالحمر صح الله السنتكم واعتلا شانكم تقبلوا إطلاعي[/frame] |
رد : نطلب الاعضاء والمشرفين مشاهدة المحاورة على الهواء مباشرة بين أبوعبيد وصبي باللحم
واصلو واصلو
متابع لكم |
رد : نطلب الاعضاء والمشرفين مشاهدة المحاورة على الهواء مباشرة بين أبوعبيد وصبي باللحم
اقتباس:
يسسسسسسسسسستر عليك ياسمي الرجاجيل مبلشين خيوه من 2006 اخخخخخخخخخخ منك ياسمي |
رد : نطلب الاعضاء والمشرفين مشاهدة المحاورة على الهواء مباشرة بين أبوعبيد وصبي باللحم
لاهنتوا ع الموضوع وننتظر المـــــــــزيد المفيد
|
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com