[poem=font="arial,6,black,bold,normal" bkcolor="transparent" bkimage="" border="solid,3,black" type=1 line=0 align=center use=ex num="0,black""]
ياعلي عطني علومك وأخذ مني علوم=الحكيم اللي ليافاد علم ٍعلمه

جعل رأسك ياسنادي على الطاعه يدوم=لاتنشّد خل بعض العلوم مدمدمه

دمت لي محزم ظهرجعل تفداك الرخوم=مأنشد من اللي تراخت يديه ومحزمه

المواقف والتجاريب يـومٍ بعـد يـوم = علمتني شئ فالناس ماكنـت أعلمـه

صرت آميز وأعرف اللي يسدّون اللزوم=وأعرف اللي لا زهمته تـدلاّ برطمـه

وأعرف أن مال الردي لوغدا كبر الرجـوم=لا بدا اللازم تساوا وجـوده واعدمـه

جعـل مـالٍ مايسـد اللـوازم لثّلـوم=وجعل رأسٍ مايروم المراجـل نعَدمـه

فلايغرك لابس البشت وجداد الهدوم=والكبك والمسبحه ماركة نفس اقلمه

الرجال أصناف لكن مافيهم وسوم=ليت رديان النواهي تجيك موسّّمه

لاترجا فزعة اللي برك وازرايقوم=الضعيف اليابرك يصعب انك تقومه

الفرص للرجل فالمرجله سرع الغيوم =أحتزم واليا بدا مقدم الغيم اغنمه

المراجل ياعلي مثل توزيع القسوم=حطها الله في يدين الرجال مقسّمه

فيهم اللي يشوفها ابعد عليه من النجوم=أسهل دروب المراجل تكوده سلمه

يطلب لهذا مبرر وذا ماله لزوم=فالبسيطة يجعل موخره ومقدّمه

وفيهم اللي دائماً فالمواجيب مخدوم=دونه كحيلان يستر عليه ويخدمه

وفيهم اللي لا نهض كنه حصان ٍ عــزوم=ماوقف في دربه من الحواجز حطّمه

[/poem]

المشاركة الأصلية كتبت بواسطة السارق المزاح (المشاركة 782890) وأنا اشكرك من صادق مشاعري وبيض الله وجهك على القصيدة الجزلة وبارك الله فيك وفي علي ورزقك بره وفي ذمتي أن ماودي أنها خلصت من روعتها ماشاء الله--- تشبيه اغتنام المرجلة بسرعة الغيوم -- تشبيه شاعر متمكن لا تحرمنا من جديدك والله يوفقك

المشاركة الأصلية كتبت بواسطة ناصر آل جمان (المشاركة 783649) صح الله لسانك يابو علي قصيده جميله وتشبيهات حديثه والذي اعتبرها لولدك نصيحه كالوصيه تحياتي على الإبداع