قصيدة الفيلم
 

[poem=font="simplified arabic,6,darkred,bold,italic" bkcolor="transparent" bkimage="" border="double,10,darkred" type=0 line=0 align=center use=ex num="1,black""]
الفلم جاهز عندنا ماعرضناه=موجود والتاخير ماهوب منا
مير البعير شعيل ماعاد يبغاه=بعد الهدير امست عظامه تثنا
نشدت زبن شعيل يازبن وش جاه=قال احمد الله جت على ماانتمنا
العام شيخٍ يطرب النفس ملفاه=نلفي ضيوف وكننا عند اهلنا
واليوم ياوجيه الوفا دج ملخاه=تكالبت دنياه منا ومنا
من يبخل بجاهه متى صار له جاه=لو كان عالم واكبر الناس سنا
حاطت بنا بعض الظروف ونخيناه= لامن ظلال ولاحفظنا رهنا
ماجيته اشكي الهم من سعر مقضاه=ادري عزومه دونها يقصرنا
لاشك انا جيته على شي يقواه=ارجي بروقٍ سيلها ماشملنا
يازبن لو انه تعذر عذرناه=ولو جات بسلوم العرب مازعلنا
مير البلا من طق صدره بيمناه=واطلق سهامه فالخلا وكذبنا
شاور ضعيف الراي واخلف نواياه=وارخا يدينه كن في يديه حنا
خايف يقدم شي فينا وننساه=لامن عسرات الليالي ضونا
حنا ليا قلنا كلامٍ حميناه=وليا مشينا كل دربٍ وصلنا
وليا نخانا مشتكي جور دنياه=يلقى المروه والوفا لازبنا
الشعر انا ذروة سنامه ومغناه=الجن اظنه في حروفي تغنا
قاضي ولبا دعوتي نخبة اقضاه = ارداهم اللي مثل سيف المثنى
ورتدهم عدٍ على شف مضماه=منه السبال الغانمه يسلمنا
عدٍ شحيح من البطا شاحبٍ ماه=وطيور بقعا في حيوده هونا
تشاورو دونه وكفو من ادناه=قالو حشا مايلحق مطير ظنا
الكل منهم ضمّد الجرح واخفاه=تقدير لن الوضع فينا ومنا
وش موقفك لو عّدّو اللي فعلناه=تقدر بعدها في منامك تهنا
موقف زرا صعبٍ على الرجل ينساه=وبلوىٍ بها رب العباد امتحنا
يلي تهوز الظلع منته بوياه=قدمك سباعٍ جارحه كد رقّنا
وان كنت تقدر ياابيض الوجه ترقاه=الحر لاجت فرصته ماتونا
الحق قبل لاتلحق امقاط وارشاه=اشوف من حولك قصورٍ تبنا
بايدي رجالٍ توصل العلم منهاه= عاندتهم يوم ان حظك تدّنا
من يعتمد مثلك على شور مرضاه=ماله صحيب ولارفيقٍ يثنا
يقضي حياته كلبوها بعمياه=يمسي ويصبح بين قالو وقلنا
وان شاف جمعٍ مايبى غير فرقاه=حنا ترانا الجمع والجمع حنا[/poem]

رد: قصيدة الفيلم
 

http://www.alshrarat.com/vb/images/bsmlh.gif

ماشاء الله تبارك الله

صح لسانك يالعقيلي وأعتلى شانك

قصيدة رائعة كروعة قائلها

تسلم يمينك وبيض الله وجهك



أخوك
أبو فهد

رد: قصيدة الفيلم
 

رد: قصيدة الفيلم
 

رد: قصيدة الفيلم
 

رد: قصيدة الفيلم
 

عبدالرحمن العقيلي

ياسلام عليك

صح الله لساااااااانك

تقبل مروري

رد: قصيدة الفيلم
 

الله يسلم عمرك ياسعيد

مرورك اسعدني

جل التقيدير

رد: قصيدة الفيلم
 

رد: قصيدة الفيلم
 

رد: قصيدة الفيلم
 

ارحب اخوي عبدالرحمن
شاعر قدير ومعروف
اشكرك على هذا النص الرائع
صح لسانك وشكرا لهذا البوح الجميل
وعلى المحبه نلتقي