|
من فرسان الجزيرة
أرجوا من الجميع من لديه سالفة سعدون العواجي وعياله عقاب و حجاب أن يعطينا اياها ولكم جزيل الشكر |
هلا اخوي مهدي
نرجوا من لديه المعرفة ان يوضح لنا سوالف الفرسان اعلاه |
شف كتاب ابطال من الصحراء
او استخدم احد محركات البحث مثل قوقول |
اقتباس:
ما قلت وين أحصل السالفه يا(النايب له ولد) عندك علم... أكتبه واذا ماعندك سالفه فخل غيرك يكفيك وجزاك الله خيراً |
السلام عليكم ورحمة الله وبركاته .... أخوي مهدي .... اللي أعرفه عن سعدون العواجي انه سبيعي ... و كان شاعر و فارس و شيخ ربعه ... و له ولدان هما عقاب و حجاب و راحوا و عاشوا عند خوالهم و عرفوا بالشجاعة و الفروسية .. و في يوم من الأيام قام واحد من جماعتهم اسمه شامخ و استغل غياب عوال سعدون و أخذ الشيخة من ابوهم بالقوة و تأييد ناس من جماعتهم ... فأرسل سعدون قصيدة لأولاده ينخاهم و يستنجد بهم ... و فعلا فزعوا لابوهم و رجعوا له الشيخة بالقوة كما أخذت منه .... بعدها بفترة قال سعدون لعياله أبغاكم تغزون على شمّر في مكان اسمه (بيضاء نثيل) و قد كانت بيضا نثيل لسبيع و خذوها منهم شمر ... و غزو على شمر و ما قدروا يسترجعونها حيث انتصروا شمر ... و مات عقاب و حجاب على يد شيخ شمر ... و كان لعقاب ولد اسمه جار الله و حجاب عنده ولد اسمه علي ... مرت السنين و كبروا أحفاد سعدون ... وقد رباهم جدهم على الشجاعة و الفروسية ... المهم قال الشايب قصيدة لعيال عياله يزهمهم علشان ياخذون ثار اباءهم حيث انه كبر و ما عاد يقدر يغزي ... فردوا الثنين عليه بقصيدتين يعاهدونه انهم ياخذون ثار أباءهم .. فأعجبت الشايب قصيدة جارالله ولد عقاب فقال له خذ الفرس حقتي و رح لشمّر ... و فعلا راح لشمر و اخذ ثار ابوه و عمه حيث قتل شيخ شمر ... أما علي فقد حزن و زعل لأن جده عطى جار الله الخيل ... و مات بعدها بفتره من الحزن ... هذا اللي أعرفه عن قصة سعدون و عياله .... و الله أعلم أخـــــ ابن شطفان ــــوك |
لاهنت وبيض الله وجهك يابن شطفان
بس هم عنوز ولا سبعان؟ |
عنوز وليسوا عتبان
|
آآآآآآآسف و المعذرة على الخطأ ...
و مثل ما قال أخوي ابن الأروق عنوز و ليسوا سبعان ... أخــــ ابن شطفان ــــوكم |
اقتباس:
لا تغير كلامك يابن شطفان تراه صح هم سبعان(السبعه) ويعودون في عنزة. والسبعة احد فروع عنزه. |
اقتباس:
هههههههههههههههههههههههه كي كي كي كي كي اقسم بالله انك صدقتك لو ان عندي سالفه ما شفتني هنيا. على فكره هل تعرف تستخدم محركات البحث من جد والله لا تحسب كلامي انتقاص من حقك بس استخدام محركات البحث عمليه مفيده ومجديه وسريعه لمعرفة النتائج فقط ادخل اسم سعدون العواجي بين قوسين"......." وشف النتائج وادع لي بالصلاح والمغفرة. ب وبعدين تراك بتلقى مواضيع بالآلآف لا تجي كل يوم وتنزل موضوع منقول ونجلس نردد وراك ما قصرت وبيض الله وجهك. لا تجي الا بشي ما بعد نشر تسلم ياوجه شبكة قحطان. واشكرك على سعة صدرك |
| الساعة الآن 11:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com