|
والنفس في رد المطاليق طامعه
[poem=font="Traditional Arabic,7,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بعد المغيب و حمرة الشمس مايعه = والشعر هاجوسه بصدري يدافعه عاد الشفق ما دمدم الليل شعلته = قبل العشا تذن لوقته جوامعه اخذت من وقتي دقايق من الزمن = افل في صفحة كتابي واراجعه و يلوح بارق مزنةٍ تجذب النظر = والهيض في صدري تدافق منابعه الامسه واصافحه وارتجل معه = ويلامس القلب الرهيّف باصابعه اعطيه مطلوبه و يعطيني احسنه = مما حباه الله يرهي روايعه روايعٍ تسري بفكري و تاسره = حتى اتلذذ في مزايا منافعه واللي ما يتعب للنوادر هواجسه = ما ني بشاري لو عرض لي بضايعه واللي يجيب اللول من غبة البحر = هذاك نفسي ضاميه له و جايعه والله ما اكلف للرديه مطيتي = واني لاصون اللي عطاني ودايعه واللي يباريني على سبّق النضا = عند اللزز تنشاف قوة طلايعه واللي ما يبني ساس بيته على حجر = ما يصمد بوجه العواصف قرايعه من نحبة افكاري تهادت قصيدتي = في رغبتي ورضاي تنساق طايعه واقول للنقاد دور مطامعك = ولابد ما يرجع بليا مطامعه وما كل من دور لحاجه يفيدها = و كلن على جهده يحقق روابعه حققت مقصودي و بينت مطلبي = والنفس في رد المطاليق طامعه[/poem] وسلامتكم علي بن ضاوي وسلامتكم |
رد : والنفس في رد المطاليق طامعه
سلمت ولاندمت يا علي وصح لسانك على ذا الهلاليه الرائعه واعجبني شعرك وثقتك في نفسك وتلميحك ان من
يبحث عن نقص اوعيب في هذه القصيده لن يجده واقول انت كفو وقصيدتك كفو واعدت قرأتها واعجتني تقبل مروري يا شاعرنا واطلب من الاخوان في الادارة تفعيل عضويتك ( شاعر ) |
رد : والنفس في رد المطاليق طامعه
اقتباس:
وانت سالم تقول وتطول صح الله لسانك يابو ضاوي واعتلى شانك |
رد : والنفس في رد المطاليق طامعه
الله الله ..
اررررررررررررحب يا علي تراحييب المطر والله اني صادق .. وااااااااافي يا علي وقصيدتك واااااااافيه .. جاز لي قصيدتك نفدآك وطرقك .. جزل ولا جبت الا جزل وفي انتظار المزيد والمزيد منك فلا تبخل علينا في مثل ذا القصايد .. ماقول الا صح الله السانك مدد بلا عدد .. تقبل مروري نفدآك .. وسجـــــــــــــــــــــــــــــــــــــــل متــــــــــــــــــــــــــــــــــــــــــــــــ ــــــــــــااااااااااااااااااااااااااااابع ..:) |
رد : والنفس في رد المطاليق طامعه
الاخ علي السعدي
السلام عليكم ورحمة الله وبركاته أبيات في قمة الجزاله واللي يجيب اللول من غبة البحر== هذاك نفسي ضاميه له و جايعـه والله ما اكلف للرديـه مطيتـي ==واني لاصون اللي عطاني ودايعـه نعم الشعر موهبه وقليل من يصون هذه الموهبه ويوضفها في العلوم الجزله مشكور على هذه القصيده الرائعه |
رد : والنفس في رد المطاليق طامعه
اقتباس:
من قال سالم و صح بدنك و يكفيني والله شرف مرورك و اعجابك طال عمرك |
رد : والنفس في رد المطاليق طامعه
اقتباس:
صح بدنك يابو حسن والله لا يهينك |
رد : والنفس في رد المطاليق طامعه
اقتباس:
البقا طال عمرك ولا والله عليك زود والله يصح بدنك و لا يهينك |
رد : والنفس في رد المطاليق طامعه
اقتباس:
و عليكم السلام و رحمة الله و بركاته يكفيني شوف اسمك و حضورك الله لا يهينك |
رد : والنفس في رد المطاليق طامعه
صح الله لسآآنك واعتلآآآ شآآآنك
بيّض الله وجهك على القصيده الجزله ولآآآهنت |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com