((..سعد من يرقى على رووس الطوال .. ولا بدا اللازم يطول المستحيل .. ))
 

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
السلام عليكم

مبارك عليكم الشهر

قصيده جديده انصح بها ولدي (( علي ))
الله يصلحه ويصلح ذرياتكم .. واتمنى ان تصل
هذه القصيده المتواضعه الى ذائقتكم الكريمه ..
:::::::::::::::::::::::



يا عــلـــي بعطـــيك مــــــن زيــــن الــمثال = وافـــتــهـــم معـــنى كـــلامــي لا تميل

النصيحه قبل تشرا بالريال = وفي زمنا اصبحت مثل السبيل

فـــي حـيــاتك ألـــزم فــــــروض الـوصال = مَــعْ عـــظــيــم الـــشان واسجد كل ليل

واطلـــبـــــه يــشــــرح فـــــؤادك للــحلال = ويـــبــعـــدك مـــن كــل ذنب وكل ميل

وكــــان تــبــغي مــــن عــيالـك طيب فال = بــــرّ أبــــوك وراعــــي أمــك لا تعيل

واحفــظ اخــوانــــك عـــن دروب الظلال = وخــلـــك لبــيـتــك كـــمــا ظل ّ ٍ ظليل

ولا تــصــاحب كــود أخـــيــار الـــرجال = الـــعـــريـــب الــقـرم والحــر الأصيل

واتــــرك الــخــايـب تــــرى قـــربه هبال = مـــا يــشــيـل الــحــمــل والــهــم الثقيل

واللسان احــفــــظـه مــن قـــيـــل ٍ وقال = كـــــم تــضــيّع فــــي الأمــــم قـال ٍ وقيل

ولا تـــجـــاوب كـود يخــصـّك بالسؤال = ولا تـــبـــدّي الــشـــور للــي مـــا يسيل

ولا تخوض ان شفت في المجلس جدال = ولا تــثــرثـــر فـــي المــجـالس كالهبيل

ولا تـــســــب اللـــي يسبـّّــك بالــــمقال = ولا تـــنـــازل عــــن حــقــوقـك لو قليل

ولا تـــبــــوح الــســر فــي أيـّــة مجال = الســــرايـــر بعـــضهـــا مــثــل الفــتـيل

وقــــدّم لضــيــفــك مـــن سمان الجمال = وكــثــــّر الــتـــرحــاب والقول الجميل

والــكــرم خـــلــّه لــزيمـــك كـــل حال = والــحــــذر يــــا بـــوك مـن مد البخيل

والـــتــــواضــــع والحـيا خذها خصال = والكـــبــــر مـــا حــبــّـــه الله الجــلـيل

وعـــز نــفـسك عـــن ســفــيهين العيال= وأحـــســــن الــنــيــه تــرى النيّه سبيل

وكــان صابـــك من غثا الوقت اعتلال =لا تـــشـــور الاّ هــــل الــــشـــور النبــيل

والكــــرامـــه حــــطــّها لك راس مال = الــــرجـــل مـــن دونــهـا مـــا لـه بديل

والــــمــــراجــــل مــــثلها مثل الجبال = ولا يـــنـــوش الــمــــرجله رجـل ٍ ذليل

وسعد مــن يرقى على رووس الطوال = ولا بــــدا الــلازم يـــطــول المــستحيل

ومــــن تعــثـــّر فــــي شـــبابه ما ينال = مـــن عـــلـــوم المرجله شــيء ٍ جزيل

مــا يفــيــدك فــي الــشـدايــد والقـتال =ومـــا يــشـــب الــضــو ولا ينفع دخيل

يا عــــلي مــــن والـــــدك جاك المثال =مـــن جــــزيل القاف ماهــوب الهزيل

يا عــــسى يـــنــفــعـك في اقبال الليال=ويــحــفـــظــك ربي فهو خـيـر الـدليل



اخوكم / حسن بن علي الهاجري [/poem]

صح لسانك يابوعلي
والله يحفظ لك علي وعساه اطلق من ابوه
لاهنت يالجززل ولاتحرمنا جديدك

فارس قحطان

هلا وغلا ومرحبا ومسهلا

ولا هنت على المرور يا الغالي والتشجيع

ولا تحرمني فديت خشمك التوجيه

صح لسانك يابوعلي



والله يصلحة لدينه ووطنه


بيض الله وجهك


اخوك المهداني

مشكووووووووووور



اخوي ابو علي لاهنت على هالقصيدة الرائعة



واسال الله ان يصلحة ويصلح الجميع

صح السانك وبيض الله وجهك
وعسى ربي يحفظ لك ولدك

صح السانك يا ابو علي


وعسى الله يخليه لك ويجعله ولدٍ صالح


تقبل تحياتي وإعجابي




اخوك



محمد القويفل

صح السانك يا بوعلي

وعسا الله يصلحه ويجعله ولد بار بوالديه

وبيض الله وجهك على هذي النصايح

تقبل تحياتي


وسجل اعجابي

اخوك

جابر بن شنان


ابوظبي