ابغى اسبح
 

سلام عليكم



مساكم الله بالخير يامطاليق ...



جميعآ تألم لحادثة الرياض .. والحمد لله انها عدت الأزمه ...


ولكنها تركت بعدها علامات استفهام كثيره



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
يامحمد اجلب لي مناظر سباحه=ولاهنت جب معها مسددة الآذان
انا انتظر في جال شاطي البراحه=قدام بيتي تعرفه .. ياكحيلان
وسط الرياض العاصمه ... والصراحه ؟=الله يبارك في ( الأمانه) والأخوان
بدال مانروح الخُبر في سياحه ؟ = حطوا لنا احلى مواني وشطّان
اضحك ... وقلبي نازفاتٍ جراحه=اضحك .. ولا يعني سعاده وسلوان
ومدامني إبدار العدل والسماحه ؟=ما أخاف م الإنسان .. من رب الإنسان
ماهي بلحية آه قلبي وآحه=السالفه ماعاد تحتاج تبيان
موصوف يطعن في صفته برماحه=ومديون .. جابه ربنا عند ديّان
جانا المطر مع برده ورياحه=وكلن فرح .. وإتبدل الفرح بأحزان
كل شيّ بيد الله .. غدوّه مراحه=لكنّ وين اسبابكم .. يا هل الشان ؟
يا أهل الأمانه ؟؟؟؟؟؟؟ نقطتين .. ومساحه=راضي بعدكم ؟؟؟ غيّر إسمه لزعلان[/poem]

رد : ابغى اسبح
 

ارحب ارحب


الله الله


لانستغرب منك الجزاله يالجزل


اي والله غير اسمه لزعلان .. ياسلام ياسلام


نطقت ماكنا نود ان نقول ..


ويشرفني ان اكون اول المستمتعين بهذه الرائعه ..



صح لسانك مدد مهوب عدد لاهنت

.

.


.

رد : ابغى اسبح
 

اررررررررحبووو تراحيب المطر يا سعيد ..

في الصميم يا القرم ..

قصيده وافيه وجزله وجات من جزل ..

صح الله السانك يا كحيلآن مدد بلا عدد ..

وجعلكم ماتروون باس يا اهل الرياض ..

تقبل مروري نفداك ..

رد : ابغى اسبح
 

رد : ابغى اسبح
 

الله . الله

يابومانع

على القصيدة الطيبة والتي فيها شعور

كل غرقى الرياض

والتي اضاع فيها مسؤلي الامانه

كل الامانه

في مشاريع وهمية

وانفاق بلا تصريف

وتصريف بلا خزانات

الله يعين

ويصلح الشأن

=====

سلمت يمينك يابومانع

رد : ابغى اسبح
 

رد : ابغى اسبح
 

رد : ابغى اسبح
 

صح الله لساانك

وبيض الله وجهك


قصيدة كتبت بماء الذهب


تقديري

رد : ابغى اسبح
 

لاهنت وبيض الله وجهك

رد : ابغى اسبح
 

صح الله لسانك
و اعتلا شانك يا بو عبدالله


جزل كما تعودناك

تفاعل مع الحدث بإسلوب جميل جداً


نسأل الله بأسمائه الحسنى و صفاته العلا أن يجعل هذه الأمطار أمطار رحمة
و أن لا يؤاخذنا بسيئات أعمالنا
كما نسأله جل و علا أن يلهم كل مسؤول مقصر بأن يعود إلى جادة الطريق
و أن يتقي الله جل و علا