|
بعض البشر
صبحكم / مساكم الله بالخير جميعا قصيده اعجبتني وحبيت انقلها لكم ...1 القصيده : ليت الغلا اللي.. بالحنايا مخفيه؟ يدري به اللي.. من سبايبه! ذايب هذاك لو نادى؟ أجاوبه [لبيه] لبيه لو ظني مع الوقت.. خايب! عنّدي ظروف؟ وعنّده ظروف تعفيه؟ هذا اللي مخليه.. للحين غايب؟ قلبي وحيد؟ وكل هم(ن) يناديه؟ والقلب ضايع؟ بينهن بالطلايب والضيق؟ يا قلبي من العام تشكيه! كل ما يروح الضيق؟ له ضيق نايب. واللي خفوقي؟ ريشة(ن) بين أياديه! يلعب ولا همّه! هبوب الهبايب؟. لو طار يا خلّي؟ ترى منت لاقيه! . لو طرت بالجنحان؟ فوق السحايب! ماهو براجع! يالغلا.. لو تناديه! وانت اللي أهملته.. بليّا سبايب؟ معاهدك بالله! ان طار يا هيه! .. تبطي ولا ردوا.. علومه قرايب!. ولو الغلا؟ شي(ن) من الناس نشريه! كان اشتريته منك! لو كان عايب!. بعض الجروح! أيآت واحد يداويه؟ وبعض الجروح تموت؟ ماهو بطايب!. وبعض البشر! نفسك دقيقة تحاكيه؟ وبعض البشر طاريه! عندك مصايب!. وبعض البشر عندك؟ تعدّه مهو فيه! . وبعض البشر غايب! وماهو بغايب! وبعض البشر؟ لو ما حلفلك تزكيه! وبعض البشر حلّفه! يزيد الشوايب؟ ولو كل شخص(ن) ما أحبه! أعاديه! كان ابتساماتي لغيرك؟ غصايب!. القلب حبك؟ والله اللي.. مشقيه! . وراع الهوى! ماهو عن الحب.. تايب ما يذبحك؟ الا خوي(ن) توصيه! . ويمسي ذرى لاعداك! وقت الهبايب؟. طعنة عدوك؟ ما عليها مشاريه! . وطعنة صديقك؟ من كبار العجايب! لو انصدمت بشخص؟ عادي أخليه! يعني وش اكثر من خيانة حبايب! الراس عالي؟ ما خِلق من يوطيه! . مرحوم يا راس(ن) على العزّ شايب.. للشاعر / عبدالمحسن الشراري |
رد : بعض البشر
اخوي ناصر صح الله لسانك ولسانه بيض الله وجهك جزل ولاتجيب إلا جزل ..............
|
رد : بعض البشر
اخوي ناصر ارحب تراحيب المطر
سلمت ولاندمت وابيض وجه و ذوقك راقي جدا جدا يا ناصر تعجبني اختياراتك ومواضيعك كثيرا لك مني كل الود والتقدير |
رد : بعض البشر
اقتباس:
ارررررررررررررحب يا ناصر والله انك ابداااااااااع والله اني صادق .. تعجبني دائما بختيارك المميز يا الذيب .. جعل عمرك مديد نفداك ولا يخلي منك .. تقبل مروري يا القرم .. |
رد : بعض البشر
الرأس عالي ما خلق من يوطيه مرحوم يا رأس على العز شايب
الله الله الله الله إبدااااااااااااااااااااااااع كلك ذووووووووووووووووووق ياناااااااااااااااااااااااااااصر تسلم لي فديتك تقبل مروري يالغاااااااااااااااااااااااااااااااالي |
رد : بعض البشر
سفر بن مبارك ارحب يالله حيه صح بدنك طال عمرك حنا تلاميذ عندكم فديتكم انتم اهل الجزاله كلها لاهنت بارك الله فيك
|
رد : بعض البشر
ابو معتز الله لايهينك نتعلم منكم انتم اهل الجزاله والشششعر وحنا تلاميذ عندكم واذا كان اختياري يعجبك فهذي شهاده اعتز فيها ووسسسام وفخر لي من شاعر جزل مثلك وششرواك طال عمرك لاهنت بارك الله فيك
|
رد : بعض البشر
اررررررحب يا ناصر في محلك
وصح الله السان الشاعر الشراري وسلمت يمناك وجعلها للشحم على النقل المميز ولا تحرمنا من سمناك يا الذيب ولاهنت اخوكـ البشري |
رد : بعض البشر
فلاااااااااح عاد انت يبي لك ترحيب خاص ياخي والله ويششهد على ربي اني احبك في الله ولايهونون اخواني الباقين عز الله احبهم واقدرهم بسسس انت يافلاااح مدري من الله لاشفت صورتك ياخي والله انه ينشرح صدري ولاشفت كلامك ياخي وربي احسسسس اني بين اخواني واهلي الله يعزك يافلااح عز الله انك عزيز وغالي
وثاني شي الشاعر سعيد بن مانع عز الله متابعه وارشششحه باذن الله ويسستاهل القرم سسعيد بن مانع |
رد : بعض البشر
علي بن شبله ارحب يالله حيه الابداع مرورك طال عمرك الله لا يهينك يالقرم لاهنت فديتك
|
| الساعة الآن 02:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com