|
سؤال جديد ....
السلام عليكم
اليوم السؤال لغوي ... اقرأ القطعة التالية ... اشرحها مع ذكر معاني الكلمات ... ثم اعرب الكلمة التي بين قوسين بريدة تلثق وغاديتن لقسه وكلشن رابص عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحوقله أصوي صوي وشاقصتن بمكاني ماغير أقحن زنجبيل وأكل (( كريريث )) |
رد : سؤال جديد ....
.
ياهلا وانعم يابو عصام هذي عجوز نجدية او قصيميه حل بها برد ولا زكام :021: :021: :1107953627: :021: :021: ويش جاب طاريها حد طراء عليك كريريث تصغير كراث وهي مفعول به وصفه مضافه تقبل تقديري وحكاي والسلام . |
رد : سؤال جديد ....
هلا والله بابو محمد ... ما اسرع ما شاء الله عليك
يقولون غيرو اسم بحيرتكم الى بحيرة الفسق وصدر تذكير لأهل جدة يقول كل ما سحبت السيفون تذكر إنها راح تلف وتلف وتلف وترجعلك !!! |
رد : سؤال جديد ....
اقتباس:
الله يسعدك يابو عصام نسيت وش الموضوع يوم قريت هالسطر |
رد : سؤال جديد ....
اقتباس:
والله مساكين السعوديين الاصليين من اهل جدة رايحين فيها .... معطينهم تذكير بعد ما سكروا البحيرة المهم يابو جابر ارجع لموضوعنا الاصلي |
رد : سؤال جديد ....
اقتباس:
ياصدقك تلف وتلف ؟ بس ويش دراك هي اللي ترجع ولا غيرها هههههههههههههههههههههه تقول انك تبي تاخذ عمره ليش ما تجي هالايام عسى تلقى الشهاده على فكره الغنم عندكم مختلفه ياخوي عن اللي عندنا -- خرجنا عن الموضوع ولا انت ودك تقبل حكاي والسلام . |
رد : سؤال جديد ....
ماعرفنا القطعة كلها ياماجد علشان نعرف اللي بين الاقواس
يمكن مايعرف النص هذا الا ابن الشايب |
رد : سؤال جديد ....
قصيمية تصف حالها بعد أن أصابها الزكام
تقول الجو في بريدة شديد البرودة وهي لابسة فروة ومدهنة بفكس والهوا يدخل عليها من كل مكان وجالسة تشرب زنجبيل وتأكل كراث |
رد : سؤال جديد ....
اقتباس:
جبتها يا ذيبان .. |
رد : سؤال جديد ....
هذي عجيز قصيمية لو تسمعها ماتفهم وشتقول لكن ماقصر ابو عصام حطها كتابة
|
| الساعة الآن 10:21 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com