|
((((((((((شاااااااعر المليوووون))))))))))
يا[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
جمهور لاتحزن على شاعـر المليـون=اذا قالهـا الله عـاود الطيـر ملواحـه دخلنا الميه هـذى الميـه أول العربـون=ولا في يـدي قفـل الامانـي ومفتاحـه أغامر ثقه بالنفس مالعب علي المضمون=مهارى علي كسب النواميـس جماحـه أحب الكرز وأتعب علي تمره العرجـون=ولا كل حمراء تجذب الطـرف تفاحـه وأنا شاعر لانـي بنسخـه ولا كربـون=ولايلحق ابيوتـي مـع الوقـت مساحـه ولاني من اللي شعرهم فقعـه صابـون=ولا أرد علي عـد لـه النـاس مياحـه أدور علي جلمود صخر تحتـه اعيـون=تجف النهـار وتالـي الليـل نضاحـه تبل العطش ماهي بعـد لمـن يـردون=علي جالها العيسـوب مايقـف اجناحـه يسريني الهاجس لها والصعـاب تهـون=وأنا داري مامـن وراء عشقهـا راحـه ماغير السهر والهم والضغـط والقيلـون=وقهر تولـده الصحافـه علـي الساحـه هذا له علاقه مع سميره ومـع سيمـون=وهاذا خوي سفـره وسهـره وطراحـه تبادل مصالح وأكثر النـاس مايـدرون=لكن النصوص لبعض الاشخاص فضاحه وفجأه طلع نـور يبـدد ظـلام الكـون=من أبوظبي يجهر سناء نـور مصباحـه نصيته وأنا لاني بجاهـل ولا مجنـون=أدور علـي مجـد لـه العيـن لماحـه ابا أرضي به النقاد وارضي به الغاوون=واسجل حضوري من علي شاطي الراحه وأذا ماحصل لاني ناقـص ولا مغبـون=ياكم عاشق بالعشـق ماتكمـل افراحـه نكر ونفـر ولارضينـا نعيـش بهـون=وعذر الجبان انه جلس يفتـق اسلاحـه [/poem] |
رد : ((((((((((شاااااااعر المليوووون))))))))))
اررررررررررررررررحب يا البورعي
وصح الله لسانك واعتلاء شانك وجعلهم فدوة رجولك وفي ذمتي انهم هم الخسرانين يوم انهم ما ضموك مع 48 لكن عسى فيها خير وانت شاعر كفووووووووووووو وجــــــزل ولا شهادتي اللي بتزيدك ولكن هذا المعروف يا علي و والله اني زعلت يوم انك ما ترشحت للمرحله 48 لكن اكرر واقول البرنامج اللي خسر شاعر بحجم علي البورعــي ... وأذا ماحصل لاني ناقـص ولا مغبـون ياكم عاشق بالعشـق ماتكمـل افراحـه وااااااااافي ولافيك شكوك يا المقرحي وتقبل ود اخوكـ البشري |
رد : ((((((((((شاااااااعر المليوووون))))))))))
جعلهم عليك نذر
وانت شاعر جزل ونصوصك شامخة تماما مثل شموخك تقبل اعجابي ومروري صالح ابن عاصية |
رد : ((((((((((شاااااااعر المليوووون))))))))))
ارحب ارحب يا علي جعل الرخوم فداك وانا اشهد لله وما بين ايديه انك شاعر واني من اشد المعجبين والمتابعين لقصائدك وجعلهم فدوة ارجولك هم وبرنامجهم انا والله كنت افكر في المشاركه لكن بعدك والله ما عاد يجي فيها مشاركه وهذا دليل على عدم مصداقية البرنامج فشاعر مثلك لا يتاهل هذا ما لا يقبله العقل فانت مبدع وكل ما تكتب ابداع ولا اعتقد ان هناك شاعر من الذين تاهلو من غير قاصر فيهم يقارن بعلي البورعي الذي مهما كتبة عنه لن اوفيه حقه فارجو ان تسجل اعجابي بكل ما تكتب وتتقبل مروري مع فائق الاحترام والتقدير اخوك |
رد : ((((((((((شاااااااعر المليوووون))))))))))
ارحب ياابو فيصل
صح لسانك وعلا شانك تسلم ...... ويسلم راسك يالقرم والخيره فيما اختاره الله وفيما عرفت من مصادر خاصه انك من المقبولين ولكن استبعدت بسبب القرارات التي صدرت من الجهات المختصه بمنع العسكريين من المشاركه في برنامج شاعر المليون وانت شاعر غني التعريف ولك ثقلك في الساحه ومافاتك الا الشر وانشاءالله المره المقبله يحالفك الحظ اذا فكك الله من هذه القرارات والتي لم تطبق 100% لاهنت وتقبل تحيات مودك بحر |
رد : ((((((((((شاااااااعر المليوووون))))))))))
صح لسانك
وجعلهم فداك ياذيبان |
رد : ((((((((((شاااااااعر المليوووون))))))))))
يا علي بيض الله وجهك قصيدة جميلة جعلهم فدا رجليك
المهم لا تتوقف بل استمر الى الامام |
رد : ((((((((((شاااااااعر المليوووون))))))))))
السـلام عليكـم ورحمـة الله وبركاتـه
الأخ الشـاعـر / علـي البورعـي المحتـرم والمعـروف أسعـد الله صباحـك .. أسعــد الله مسائــك .. صح لسانك وأعتـلا شانـك .. وجعلهــم عليـك نــذر .. ويكفيــك جمهـورك اللـي أنـا أعــد نفســي واااحــد مــن الالالالالـــف المعجبيـن بشاعريتــك .. كـٌُْ ـٌُْل الـٌُْ ـٌُْود |
رد : ((((((((((شاااااااعر المليوووون))))))))))
الشاعر علي البورعي
صح الله السانك وبيض الله وجهك انت شاعر كفو كفو وعدم اختيارك لايقلل من شانك على الاطلاق والبرنامج معروف ؟؟؟ ولاني من اللي شعرهم فقعـه صابـون ولا أرد علي عـد لـه النـاس مياحـه أدور علي جلمود صخر تحتـه اعيـون تجف النهـار وتالـي الليـل نضاحـه يا سلام يا سلام يا مبدع تقبل اعجابي بشعرك واحترامي لشخصك أخوك محمد الفهري |
رد : ((((((((((شاااااااعر المليوووون))))))))))
صح لسانك اخوي علي على القصيده
واتمنى لك التوفيق تقبل مروري |
| الساعة الآن 10:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com