~شــمـشــونـ ~(حصريه م ) م1
 

مصافحتي لسادة الشعر ..شعراً.



[poem=font="Arabic Transparent,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
عند اقتراب الشمس.. يختل الأوزون=يعني يصير بها الفضا ..شي خارب

مدري عباراتي تفاسير.. للكون=وإلا تفاسيري بها المخ.. ضارب

كن الجسد عوني وأنا.. كاره العون=يا رب.. رجعني إذا تهت ..يا رب

بنظم قصيد(ن) فيه الأفكار.. يسعون=من حرف مُعْرَبْ لي فضا فكر ..عَاْرب

في ها لزمن.. كلن مشيطن و شيطون=كلن ورى شيطانه اليوم ..هارب

ولعون يا مكفي ورى الشر ..ولعون=من يتبع الحيه.. تصيده عقارب

شف ها لضريح اللي سكن فيه فرعون=يثبت له إنه من صغار الشوارب

يا علت اللي ما عرف ينهي النون=أبحر على قارب وعاد بقوارب

وش زاد لك ..لي قالوا اللي يقولون=إنك فضيع و شارق(ن) من مغارب

وش ضاف لك.. لي قالوا اللي يسلون=إنك عريب ومن نسل جد ..عارب

لو فادت العزه بقت عين (شمشون)=لو جادت الهيبة ثبت سَدْ (مآرب)

في قاربي.. واحد وتسعين مليون=جن و أباليس وملاعين ..شارب

لكن تخيل بإسم ربي.. يولون=حارب بربك دون ها لدين.. حارب

قومية الـ يَعْرُبْ من أفكار (شارون)=شاور على الوحدة.. وجرب تجارب

لين اقربت شمسه على تالي أوزون=وتفرقوا عقبه على ألف مآرب

في هاجسي غرفة ..وغادة.. و غليون=والمغتصب فيها على الشر.. قَاْرَبْ

وعيالها ..! فوق المتاكي ينادون:=يالمـعتدي استـح..!! وطف الـكـهارب !![/poem]


وليد المري

رد : ~شــمـشــونـ ~(حصريه م ) م1
 

رد : ~شــمـشــونـ ~(حصريه م ) م1
 

رد : ~شــمـشــونـ ~(حصريه م ) م1
 

وليد المريـ.,.,


مصآفحهـ رآقيهـ وجميلهـ.,.,


تشرفتـ بقرآءة هذهـ الرآئعهـ.,.,


ننطر الجديد منـ ابدآعآتكـ.,.,


تقبلـ مروريـ معـ فآئقـ الود والتقدير.,.,

رد : ~شــمـشــونـ ~(حصريه م ) م1
 

وعيالها ..! فوق المتاكـي ينـادون:
يالمعتدي استح..!! وطف الكهارب !!




الله اكبر الله اكبر :)


ارررحب مليون ياوليد

مصافحه اولى غير عاديه ...

تدل على قدوم شاعر قوي ..


مرحبا مليون في محلك وبين اخوانك ..


وبالنسبه للقصيده زانت لي اي والله ..


وعسى الله يصلح شان العرب ..


لاهنت ياكحيلان

رد : ~شــمـشــونـ ~(حصريه م ) م1
 

أخوي الوهابي ..

صح الله بدنك ولاهنت يالذيب ..

رد : ~شــمـشــونـ ~(حصريه م ) م1
 

السيف الشاهر ..

يا هلا وغلا يالذيب .. صح الله بدنك نفداك .

رد : ~شــمـشــونـ ~(حصريه م ) م1
 

الاخ وليد المري

السلام عليكم ورحمة الله وبركاته

صح الله بدنك ولسانك

في قاربي.. واحد وتسعيـن مليـون
جن و أباليـس وملاعيـن ..شـارب

لكن تخيـل بإسـم ربـي.. يولـون
حارب بربك دون ها لديـن.. حـارب


الله ..الله... مبدع

رد : ~شــمـشــونـ ~(حصريه م ) م1
 

ناصر بن محمد .. أنعم وأكرم


لاهنت يابو محمد وبيض الله وجهك ..

أشكرك

رد : ~شــمـشــونـ ~(حصريه م ) م1
 

هلا وغلا يابو مانع ..


هلا بالشاعر حفيد الشاعر ..

صح الله بدنك وما عليك زود ..

وآمين يارب .. الله يصلح حال العرب وحكامهم .

شاعر وتفهمها ولا هي غريــبـــــه
(غنى الرفيدي) واسمعوا له لـ غنى