سوالف بنات!!!
 

حال البنات في الباص غريب وعجيب !!

يعني مثلا
وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون
البنت (1) امي قالت حق خالي فيصل ود بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد
...البنت معرفتها على اسماء العائلة الكريمة

ومن جهة أخرى نجد الدافورات. . < الدافورات معناها الشاطرات وإللي يحبون العلم
البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)>>انه اقول نفسها

ومن جهة أخرى نجد بنات النت...
البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييي يييي !!
البنت(1) طيب وراك ماتردين على مواضيعك الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ

وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) إلا بااااايخه !! ماتوقعت ذي نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أزين!!
البنت(1) لا المسلسل اللي راح يجي اليوم قديم أنا تابعته!!

وبجانب بنات الفن..نجد بنات البلاي ستيشن..
البنت (1) اللة ياخذ شركة كونامي مانزلت (سايلنت هيل 4)
البنت (2) صادقة..ماش اء اللة على شركة كابكوم تنزل ديسكاتها بسرعة
الا هالمرة مانزلت(رزد نت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق..!!؟؟! !
البنت(1) ايه..قريت مذكراته ويقولون انه فيه...

ومجموعة ثانية تتكلم عن الطبخ
البنت (1) اليوم علي المطبخ وعييييييه
البنت (2) اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) مدري..ايه عرفتها انتم تشترون العجين>>>> > في بالها سمبوسة

واما بنات الميك اب والموضة
البنت(1) ناظرتي اخت العروس روووووووعة وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>> > ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لا يكون تتكلمين عني....حدك
البنت (3) لا ياماما اكلم زوجة عمي خخخخخخخخ

فئة (ك ت ب )
البنت(1) عطيني الواجب حق بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) والله....و احنا معزومين بالبحر خخخخخخ


http://www.qahtaan.com/works/up/get....37xu1223530503


ياشباب لا احد ينقد علينا وعارف انها سوالف فاضيه

بس الهدف اني حطيتها علشان الناس اللي تبي صور ولا فيه فمو معقوله مانشوف شيء ولانسمع شيء


أقلها نقرى شيء لهم ....ونشم ريحهم من بعيد .....( صار إدمان شم )

متأكد أبو عصام بينبسط وعلشان كذا نزلت هالموضوع وبعد علشان تشوفون صوره الحبيب وهو يقرا رساله

من وحده من هالبنات وسلامين وحته لأحلى شباب واحلى استراحه

رد : سوالف بنات!!!
 

سوالف البنات --ما فهت معظمها --متأكد انهم من بيئتنا !!!!!!!!!!!!!!!!!!

لأننا متعودين على نسوان --لا تفرق عن الرجل في الكلام --- تركي على الشداد --وفنجال وعلوم رجال

واتوقع لو سمعت كلام البنات -- بتقول --يرطنون لغه غير لغتنا هههههههههههههههههههه

اما الصوره حلوه --كأنه حبيب --ويقرأ برواقه --الله يبلش الحب وبلاويه

يعطيك العافيه

تحياتي

رد : سوالف بنات!!!
 

سوالف بنات

ههههههههههههههه الله يغربل إبليسهم

يعطيك العافية

رد : سوالف بنات!!!
 

مرتاح البال

ساري الوهابي


هلا وغلا وصحيح سوالف الحريم تلف الراس


ياكثرها وياقل فايدتها


لاهنتوا على مروركم العاطر

والف تحيه لكم والله يرعاكم ويحفظكم

رد : سوالف بنات!!!
 

تلقا ابو عصااااااااام مروووق على السوالف

خخخخخخخخ


لاهنت =يالغالي

رد : سوالف بنات!!!
 

يعطيك العافية

رد : سوالف بنات!!!
 

الأخوان :

هبشان

تركي السنحاني

القحطاني صالح


هلا وغلا وشاكر مقدر لمروركم وحضوركم ونشاطكم

الله يعطيكم العافيه ياشباب

رد : سوالف بنات!!!
 

أضحكني هذا السطر أكثر من صورة القرد


بنات ماتبنتنت تبنتنا



الله يقلب ذا الباص

رد : سوالف بنات!!!
 

آمبن يا ابو جابر وكل من فيه يموت

رد : سوالف بنات!!!
 

يعطيك العافية يا منصور

وتقبل مروري يالغالي