هـاذي أول مشـاركة لـي في هاذا المجلــس
 

بسم الله الرحمن الرحيم
أخوانـي أعضـاء مجالـس قحطـان .. أخوانـي زوار مجالـس قحطـان
أسعد اللـه أيامكم بالفرح والمسرات
هاذي أول مشـاركة لي في هاذا المجلس وموضوعي عباره عن شرح مفصل للكنكت المووجوود بالسعـودية , لا أطيــل عليكــم أتــرككــم مع الموضــوع
.. .. .. .. ..
بشرح لكم التالي:

ا[grade="8B0000 FF0000 FF7F50"]لسعـــر

حاجة المستخدم له

السرعة

طريقة استخدامه

الاقتصاد

الخدمة

المشاكل

الانواع الموجوده في السوق وافضلها

اولا ببداء بالاسعار:
شركة االأتصــالات السعودية

سعر كونكت الجوال

سعر مودم كونكت الجوال : 999 ريال سعودي

اسعار الخدمة
كود:
http://www.jawalnet.com.sa/Templates...?PostingId=181

نجي لشركة اتحاد اتصالات
موبايلي

سعر كونكت موبايلي: 999 ريال سعودي

سعر الاشتراك في باقة 1 جيجا بايت : 100 ريال سعودي
سعر الاشتراك في باقة 5 جيجا بايت : 200 ريال سعودي
سعر الاشتراك في الباقة المفتوحة : 350 ريال سعودي


وهذي صفحة موبايلي تبين الاسعار:
كود:
http://www.mobilyconnect.com.sa/wps/...etPortlet=true

نجي للسرعة:

سرعة الاتصال في (شركة الاختلاسات السعودية)

هذي على حسب منطقتك

اذا انت في منطقة مغطية تغطيه كامله بجيل الثالث المطور راح تكون السرعه من 400 الى 1500 ويمكن اذا انهبل مره مره يوصل 2000
يعني بقولكم مثلاً في العمل عندي يوصل الى 1500 وفي البيت ان انهبل 400
والسبب ان العمل ما فيه ضغط في البرج
طبعاً هذي السرعه فقط مطبقه على الفاتوره اما الي بطاقة سوا هذا عاد داعيه عليه امه يعني الدايل اب اسرع..
بس ميزة الاتصالات السعودية انه ما ينقطع اتصاله (الفاتوره) ويكون شابك معك ولا ينكبك..
وفيه معلومه لازم تعرفونها الاتصالات السعودية اذا قالك 500 يعني 500 مستحيل يرقا وويمكن يدحدر بس انه ثابت بسرعته
&&& &&& &&&
نجي لموبايلي:

موبايلي السرعه من 50 كيلو بايت إلى 3000 سرعة موبايلي مجنونه بس انها غداره يعني ممكن بقدرة قادر انها تصير السرعه من 3000 الى 50 كيلو بايت غير ان الاتصال يفصل ويقطع ومشاكل كثيره كثيره كثيره لا تحصى.. بس ميزة موبايلي ان المفوتر حقهم والشحن سرعتهم سوا يعني ما فيه تفرقه زي الاتصالات السعودية..
نجي لطريقة الاستخدام

المتطلبات لازم يكون عندك كونكت او هاتف يدعم الجيل الثالث..


نجي للاقتصاد:

موبايلي طبعاً ارخص من الجوال والي عاد ما معه دراهم يشترك في موبايلي والله يعينه على وجع الراس


معلومــه :
مثلاً انت وعندك اخوين او صديقين وتبون تشتركون بالخدمه وتبن تقتصدون بقدر المستطاع
رح طلع رقم جديد واشترك في خدمة الشرائح المتعدده وخذ لك شريحه الاساسيه عشان محد يقدر يكلم فيها اذا اخوياك مهوب ثقه واذا اصلاً على قولتي اخوياك مهوب ثقه فا اقولك اسمح لي انك دلخ شلون تخاوي ناس مهوب ثقه
ما علينا المهم تعطي خويك شريحة وخويك الثاني شريحه وتشتركون في الباقة المفتوحه وكل واحد يطقطق في بيته وتدفعون شهرياً
150 كل واحد
يعني كنك مشترك في باقة 1 جيجا وانت اصلاً مشترك في الباقة المفتوحه وتطقطق على كيفك السرعه بتخف وهذي الطريقه بصراحه بسجل فيها براعه اختراع لأني انهبلت وانا اجرب واتوقع ان الاب توب بيشب بسبتها اذا رغبتم اني اشرح لكم هالطريقه او احد يبيها انا مستعد اشرح له شرح كامل..


نجي للموضوع المهم وهو الانواع الجيده للكونكت الموجوده في السوق

انا اقولك غمض عيونك واشتر مودم BANDLUXE وهو بصراحه افضل مودم جربته
ان ما جاز لك تقدر تزحلقه بسرعه عكس مودم الجوال وموبايلي
يعني مودم الجوال ما شغل الا شريحة الجوال
ومودم موبايلي ما يشغل الا شريحة موبايلي

اما مودم باند لوكس يشغل كل الشريح الموجوده في العالم
مشاكل المودم حق الاتصالات وموبايلي
ما يشبك الا عن طريق USB و ابراجه خرطي
بس مدري والله هم يعطون ضمان على مودماتهم المخيسه ولا لا

نجي لمودم باند لوكس
ميزة المودم

تقدر تشبكه مباشره في الاب توب وتقدر تشبكه USB

يعني تقدر تطقطق على الاب توب وتقدر تطقطق في الدوام وغير كذا حجمه حلو وشكله حلو

وابراجه حلوه ويشغل جميع الشرائح في العالم موبايلي الجوال
سعره

موجود في مكتبه جرير الله يجزاهم خير واول ما جابوه كان بـ 1099 ريال

اما الان سعره في مكتبه جرير بـ 899 ريال

وميزته برضوا ان تعريفه موجود في المودم يعني اشبك وطقطق على كيف كيفك..
والحين اشوف سعره ممتااااااااااااااااااااااااااااااااااااااااااااااا ااااااز
وغير كذا يعطونك جرير ضمان لمدة سته شهور

طريقته سهله جداً بعد ما تثبته على الجهاز رح لم علامه الي كنها اوراق متجمعه مع بعضها
بعدين اضغط على profile
اضغط على كلمة NEW
وهذي اعدادت حقت الجوال
وهذي اعدادت موبايلي
Number: *99#
APN : web2
طبعاً المودم فيه نور
النور الازرق : جيل ثالث مطور ويعني ان السرعه عاليه

النور الاخضر: جيل ثالث والسرعه خرطي

النور البنفسجي : جيل ثاني والسرعه اخرط من الخرطي

النور الاحمر : يعني ما فيه تغطيه او ان الشريحه محترقه[/grade]

.. .. .. .. ..
ختامـاً أتمنــى أنــي وفقــت في الطرح , وأتمنــى أن تستفيدو أنتــم ولو بالقليل
تقبلـوا تحياتــي

رد : هـاذي أول مشـاركة لـي في هاذا المجلــس
 

لاهنت فديتك

و بيض الله وجهك

مبدع كما عودتنا

تقبل مروري يالغاااااااااالي

رد : هـاذي أول مشـاركة لـي في هاذا المجلــس
 

السـلام عليكـم
أرحـب يالغالي ولــد الغــالي
ولاهــان قـــايــل .. ويكفيني أبــداع أنــك خويــي
مرورك يســوى شــيء واجــد
تحيتي لـك يالغـالـي

رد : هـاذي أول مشـاركة لـي في هاذا المجلــس
 

رد : هـاذي أول مشـاركة لـي في هاذا المجلــس
 

الســلام عليكـم ورحمــة اللــه وبـركاتــه
أرحــب يــانــواف
لاهنــ على المــرور ـــــت
تقبــل تحيــاتــي

رد : هـاذي أول مشـاركة لـي في هاذا المجلــس
 

اررررررررحب يا ابو ســــــــــــــــــــــعد

بيض الله وجهك ثم بيض الله وجهك

على طرح الموضوع الوافي وانت رجال قرم واافي

وانت ابدعتنا في جميع المجالس وطرحك دائمأ يكون مثل القنبله الابداعيه

الله لايهينك ولاتحخرمنا م جديدك ومفيدك

اخوك/عبدالله السحيمي

رد : هـاذي أول مشـاركة لـي في هاذا المجلــس
 

السـلام عليكم ورحمة الله وبركاته
أرحب ياعبدالله
لاهنت .. لاهنت .. لاهنت ..
وللعلــم أتبعت خطواتك في الأنجـاز والتميــز
ومانجي الا من بعدك ياعبدالله
عبداللــه
أنــت رجــال مطلـــق و وافــي
ومجرد مرورك ولو من دون تعليــق يكفــي
تقبــــل تحيتــي

رد : هـاذي أول مشـاركة لـي في هاذا المجلــس
 

موضوع مفيد


والله يعطيك العافية

رد : هـاذي أول مشـاركة لـي في هاذا المجلــس
 

السـلام عليكـم ورحمـة اللـه وبركاتـه
أسعـد اللـه أيامك يـابن خضيـر
وجعــل ربــي يعطيك أنت العافيه لمرورك الكريـم
تقبل تحياتي واحتراماتي

رد : هـاذي أول مشـاركة لـي في هاذا المجلــس