يلعن أمك ؟؟؟
 

الســـلام عليكم ورحمة الله وبركاته ،،

بصراحه هناك موضوع شدني وانتم غافلون عنه ؟؟؟؟؟؟؟؟؟؟؟؟؟؟




الســـلام عليكم ورحمة الله وبركاته ،،


ماتلاحظون ان كلمه يلعن امك ،، انتشرت انتشار غريب ومريب ،،


دمتم بحفظ الله ,,


وصار اللي يقولها عاادي ،، كانه قايل السلام عليكم ،،


والاغرب ان اللي تنقال له برضوو عـادي عنده ؟ كيف وليش ،،



بعض الشباب الحين بالعكس صارت عندهم يلعن امك مدحه !!


مثلا يجي واحد يقول والله امس سويت كذا وسويت كذا ,,, يجي الثاني يلعن امك ياشيخ !! ؟


واذا قاله يلعن امك مـد هاالخشه شبرين كنه قايله شعر يمدحه ،،



ولا بعض الشباب ،، واحد يسال ثاني ،، وش رايك باللاعب الفلاني ؟


يقول يلعن اممممممممممه يلعـب من جد !


طيب قولي وش دخل امه بالموضوع ؟


للاسف الشديد ان الكلمه هذي منتشره عندنا انتشار كبير ،،



والان حاصله مع الشباب في جلساتهم ،،


د: وينك امس يلعن امك


خ : ابد رحت مع فلان الله يلعن امه .


د: ليه ماقلتلي انك بتروح معه الله يلعن امك انت وياه .


خ: وش دراني انك بتروح يلعن امك .


د: ههههههههههههههههه


خ: هههههههههااااااااي


ولا كنه صار شي ...................... !؟



وللاسف انها تقريبا اكثر كلمه تنقال هالايام ،، وكم واحد اسأله عن هالكلمه يقول صارت عاده ،،هذا رد ابيخ من الفعل ،، مافيه شي تتعود عليه وانت تدري انه مو زين ولا تقدر تخليه ،،







وش رايكم وش الحل لـهذه الكلمه الخطيره ؟





ياليت انكم تشاركوني



ليش مافيه تقدير واحترام للأم



؟؟؟؟
,’’ارجو الرد مع اِبداء الرآي ’’

رد : يلعن أمك ؟؟؟
 

أستغفر الله

هههههههههههههههه

شر البلية مايضحك

وأنا أعتبرها منتشرة أكثر في مرحلة الأبتدائية وأنت طالع

وهي عادة مكتسبة تأتي للطفل بالأختلاط الغير سوي --- وغالبا في المدرسة

أذ كان الكبار يعانون منها فالصغار بها أولى

وهي دليل على قلة التربية الدينية الصحيحة والجهل بالأيمان وأن الله يحاسبنا على كل كبيرة وصغيرة

عسى الله يهدي الجميع

رد : يلعن أمك ؟؟؟
 

كلامك صحيح الموضوع يعود للتربية

لكن اذا انت مربي ولدك صح لازم يختلط بناس من هذي الشاكلة

إما في مدرسة أو ملعب كرة أو أي مكان عام

وربما أنه يكون من الأقارب بعد

لاهنت يا بو فهد عالمرور والتعليق الجميل

رد : يلعن أمك ؟؟؟
 

هههههههههههههههههههههههه

بصرااااااحه منتشره في هذا الزمن بكثرررررره

لاهنت وانا متفق مع كلام اخوي االعاااااصمي

رد : يلعن أمك ؟؟؟
 

وههههههههههههههاي صدقت والله ياذيبان الله يكافينا شر هالكلمه بعض الشباب صارت عندهم مثل السلام

رد : يلعن أمك ؟؟؟
 

السلام عليك ورحمة الله وبركاته

ايه والله صادق

بعضهم ماتوقف على لعن الام

توقف على الوالدين والجدان

وهذي من وجهة نظري الرفقه السيئه

وعلى فكره انا شايف اخوان ثنين كل واحد يلعن ام الثاني معنهم اخوان:(

خالص شكري وتقديري

اخوك/عبدالله السحيمي

رد : يلعن أمك ؟؟؟
 

أستغفر الله واتوب اليه

رد : يلعن أمك ؟؟؟
 

هذا لون من ألوان العقوق والعياذ بالله أهكذا تحترم الأم وتكافأ أيها العاق

كم من كلمة قالت لصاحبها دعني

وسئل النبي صلى الله عليه وسلم أومؤاخذون بما نقول يارسول الله فقال وهل يكب الناس في النار

على وجوههم (( وفي رواية على مناخرهم )) إلا حصائد ألسنتهم .

قد تكون كلمة واحدة سبب لدخولك النار واستحقاقك غضب الله تعالى ولعنته فكيف بمن يسب أمه

ليل ونهار ......................

والغريب أنها أصبحت حلف بالله حيث إذا أراد أن يحلف بعض الشباب يقول يلعن أم الكذاب ؟؟؟؟؟؟

ماأقبح وأشنع وأفظع هذه الكلمة الصادرة بحق الأم

هي ظاهرة غير جيدة ومنتشرة ولابد من التوعية عبر المدرسة من خلال الإذاعة الصباحية أو كلمة بعد الصلاة

أو نشرات ومطويات تبين خطرها ومرورا بالبيت والمسجد من خلال إمامه .

شكرا أبو مبارك على الطرح الواعي والمميز

رد : يلعن أمك ؟؟؟
 

هولاء اخبر عنهم المصطفي صلى الله عليه وسلم وسملهم الصقارون فيما معناه قال هم قوم تحيتهم فيما بينهم اللعن ياتون اخر الزمان وارجع الي كتب التي تتحدث عن اخر الزمان

رد : يلعن أمك ؟؟؟
 

مشكورين عالمرور جميع

والحقيقة التوعية لابد منها سواء في المسجد أو المدرسة أو غيرها كما قال الاخ مقبل السحيمي

أشكر كل من علق على هذا الموضوع