الله من هاجـس ٍ قامـت بروقـه تلـوح
 

اطيب تحيه للجميع

ابيات متواضعه للتواصل

اتمنى ان تنال الرضى



‘‘ ‘‘ ‘‘ ‘‘



[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الله من هاجـس ٍ قامـت بروقـه تلـوح=فـي ليلـة ٍ ضيّقـت بالـي تفاكيـرهـا

أسهر عيوني وجدّد مرمسـات الجـروح=من كثر مـا استقبـل الافكـار واديرهـا

والهم قامت دلاله فـي ضميـري تفـوح=ليـن اجبرتنـي وعنّتـنـي بتبهيـرهـا

والعبره اللي تجي بين الضلـوع وتـروح=من كثر ما اكنى وجعهـا بـان تاثيرهـا

مابين صـدر ٍ يفـوح وخافـقٍ مايبـوح=حاولت اعرف الحقايق مـن مصاديرهـا

غير البلا مابقى في الوقت قلب ٍ نصـوح=اليوم شر العـرب غطّـى علـى خيرهـا

ما افرق ضعيف الروابع من طويل الشبوح=الا لـيـا دقّــت الدنـيـا مزاميـرهـا

الحزّه اللـي تبيّـن كـل شـي بوضـوح=ويبيـن فيهـا كبيـر النـاس وصغيرهـا

مدري متى الوقت يضحك لي بوجه سموح=وانسى شقا رسمة الضيقـه وتصويرهـا

وافرح بليل السعد لاشفـت برقـه يلـوح=وأرتاح مـن ضيقـة البـال وتفاكيرهـا [/poem]

‘‘ ‘‘ ‘‘ ‘‘

وســـلامتكم

رد : الله من هاجـس ٍ قامـت بروقـه تلـوح
 

مدري متى الوقت يضحك لي بوجه سموح
وانسى شقا رسمـة الضيقـه وتصويرهـا

وافرح بليل السعد لاشفـت برقـه يلـوح
وأرتاح مـن ضيقـة البـال وتفاكيرهـا


الله الله يابو مناحي

شاعر كبير وعملاق بحضورك

قصيده جزل من راس جزل

وتشرف بهذه المصافحة الأولى

وصح الله لسانك

ولك مني كل الأحترام والتقدير

رد : الله من هاجـس ٍ قامـت بروقـه تلـوح
 

والعبره اللي تجي بين الضلـوع وتـروح
من كثر ما اكنى وجعهـا بـان تاثيرهـا


تصوير رايع يابومناحي

جحدري

رد : الله من هاجـس ٍ قامـت بروقـه تلـوح
 

والهم قامت دلاله فـي ضميـري تفـوح
ليـن اجبرتنـي وعنّتـنـي بتبهيـرهـا






ارررررحب ياسعد



ابداع يتجدد


شاعر كبير ياسعد



وانا مستغرب من اللي شرواك ليه مالهم ظهور اعلامي ؟


ياليتني اعرف السبب



ع العموم ابيض وجه

رد : الله من هاجـس ٍ قامـت بروقـه تلـوح
 

غير البلا مابقى في الوقت قلب ٍ نصـوح
اليوم شر العرب غطّـى علـى خيرهـا

وش أقول وش أخلي

تقبل مروري

رد : الله من هاجـس ٍ قامـت بروقـه تلـوح
 

صح لســـــــــــــــــــــــانك

رد : الله من هاجـس ٍ قامـت بروقـه تلـوح
 

رد : الله من هاجـس ٍ قامـت بروقـه تلـوح
 

سلمت ودمت

وصح لسانك يابو مناحي

شاعر عملاق وهذه واحده من شوامخك

لله درك ودام ابداعك وتواصلك

لاهنت

.

رد : الله من هاجـس ٍ قامـت بروقـه تلـوح
 

ابومناحي


صح لسانك


لازلت متابع لقصيدك.

رد : الله من هاجـس ٍ قامـت بروقـه تلـوح
 

والهم قامت دلاله فـي ضميـري تفـوح
ليـن اجبرتنـي وعنّتـنـي بتبهيـرهـا

الله يبعدك عنك الهم وكل مسلم

صح اللسانك يابومناحي