وصية جواهر .أنا طفله بريئه مت من برد الشتاء والجوع .. عسى قبري يايُــمّه عقب !!
 

السلام عليكم ورحمة الله وبركاته

جواهر.. طالبة الشماليه ماتت من البرد وكم مات معها من طفل ومن كبير سن ومن غيرهم من الناس الضعفاء والمعوزين والمحتاجين الذين يجب أن يقدمو ضحيه حتى يلتفت لهم .. وهاذه الابيات تحكي لسان حال جواهر رحمها الله وخلف وألديها خيراً والقصيده معناها فيها مايحتاج شرح ..

صلو على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنا طفله بريئه مت من برد الشتاء والجوع= عسى قبري يايُــمّه عقب ذاك البرد يدفيني
لسان الحال لو ينطق يقول بصوته المسموع=أنا ماهمّني الا أنتي وبابا يانظر عيني
أنا أدري كم بكيتو فوق قبري حسرةٍ ودموع=عسى ربي يصبّركم على بلواه ويعيني
وأنا أدري ماحصل منكم قصور والعتب مرفوع=عن اللي ماأستطاع من الغلاء والفقر يكسيني
مصيبه للضعوف اللي تكابد والزمان يروع=تـقَضّ بها المضاجع والمواجع للمساكيني
وأنا أدري مثلكم واجد وكم مفلس وكم مقطوع =وكم في ديرتي من معسرٍ ماله مواسيني
صحيح إنها غنيه خيرها من كل صنف ونوع=وتنعم بالرخاء والأمن في كل المياديني
توارى في عيون الناس ياحلم لهم مشروع =يعيشه واحد ويطيح دون الحلم عشريني
أحد يقدح وأحد يمدح وأحد معطى وأحد ممنوع=وأحد ردد .. وأحد ماهي بتعنيه القوانيني!
وأحد يتعب وأحد يلعب وأحد تابع وأحد متبوع =وأحد يظهر على الاكتاف ويدوس المواليني
وأحد في عالم النسيان لا نافع .. ولامنفوع=وأحد عايش على أهل الخير وجيوب المصليني
غريبه يابلادي كم على أرضك شفت قبل اسبوع !!=عجزت أبوح به حيه وبعد الموت .. توحيني؟
ترى أحبك وكل الشعب مثلي لك محب وطوع=ولو جرتي ماهوب ذنبك ولاذنب المياميني
هذا ذنب النفوس اللي طمعها والجشع مطبوع =على سود القلوب وهمّها جمع الملاييني
ويبقى الخير وأهل الخير والداعي لهم مفزوع =ولو يبطون حــد التضحيه .. ويجون عجليني
لكن هذي وصيةْ .. ميـّـته ياشعبي المفجوع=أحملها ولأة الأمر وأهل الراي والديني
يراعون الفقارى واليتاما والبلاء مدفوع =مع حفظ الحقوق وحكم عدل ورحمة وليني
وتخفيفٍ على المسكين والمحروم والموجوع=أودّعها الذمم يأهل الذمم ولحافي الطيني[/poem]

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

صح لسانك


وبيض الله وجهك


تحياتي

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

صح الساااااااااااااااااااااااااااااااانك


والله يحفظ الجميع

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي
عسى قبـري يايُمّـه عقـب ذاك البـرد يدفينـي


بيض الله وجهك بيض الله وجهك

شاعر بكل ماتعني كلمة شاعر

وجعل عين تحبك ماتهل عليك يابو شايع

قصيده صادقه وأحساس مواطن صالح مع مرتبة الشرف

والله انك احزنتني من جميع الاتجاهات الاربعه

لاهنت وتقبل من بحر اصدق الاجلال والتقدير

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

الله الله يا ابو شايع

والله ان الدمع في المحاجر
ابدعت في ذا القصيده وغيرها يا العبيدي

الله يبيض وجهك وان شاء الله توصل القصيده لمن تعني بها

وتقبل المرور
أخوك سعيد الجهيمي البشري

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

وأنا أدري ماحصل منكم قصور والعتـب مرفـوع
عن اللي ماأستطاع من الغـلاء والفقـر يكسينـي

رحم الله جواهر وأسكنها فسيح جناته وألهم والديها الصبر

ابو شايع

بيض الله وجهك

أبدعت ورب الكعبه

تقبل خالص تحياتي

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

لاهنت ...

والله يعطيك العافية ..

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

ابو شايع


قصيدة تفوق الخيال ودره لا تستغرب من شاعرها


وفقك الله وجزاك الله خير

رد : أنا طفله بريئه مت من برد الشتاء والجوع= عسى قبري يايُــمّه عقب !!
 

الله يسعدك يابو شايع

قصيده تلامس الإحساس وهذي ميزة الشاعر

تحيه لك ولروحك ولإحساسك ومعك حق فأحداث مثل هذي تثير القريحه


صح لسااانك


وبلدنا فيها خير وااااجد حتى على الأرصفه ولكن ينقص الكثير ثقافة بذل السبب


دمت بود ورحم الله أموات المسلمين

رد : أنا طفله بريئه مت من برد الشتاء والجوع= عسى قبري يايُــمّه عقب !!