شبكة قحطان - مجالس قحطان - منتديات قحطان - *** ((( خالد بن ذيب بن شفلوت-رحمه الله ))) ***

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - *** ((( خالد بن ذيب بن شفلوت-رحمه الله ))) *** (https://www.qahtaan.com/vb/showthread.php?t=33960)

*** ((( خالد بن ذيب بن شفلوت-رحمه الله ))) ***

السلام عليكم ورحمة الله وبركاته

مرثية في المغفور له بإذن الله الشيخ / خالد بن ذيب بن شفلوت رحمه الله وموتانا وجميع موتا المسلمين .

[poem=font="Simplified Arabic,6,black,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
الحزن مر المعاليق (ا)وكواها = كية(ن) ولا هي بآيات كية
كل شكوى يمكن ان يلقى دواها =وكل روحه تنغسل بفراح جيه
بس ذي روحه ولا روحه سواها = الأمل فيها سراب بمهمهية
روح من كل المراجل قد حواها = روحت عند الولي رب البريه
شيخ شيخه قل من جا مستواها = ورثه (ا)من الجد ما جته بعطيه
خالد وخالد احموله ما قواها = كود من قوة عزم نفس(ن) قويه
لاجم(ن) نفسه بصبره عن هواها = ويتحاشا هفوة(ن) تنتج خطيه
وانفس(ن) للطيب ضميا كم رواها = وتنتعش من بعد ماهي شبه حيه
وكم يمين(ن) عن رداها جا وزواها = وردها للطيب غصب ومكرهيه
والنوايا الطيبه يومه نواها = لا غرابه حيث له تربه نديه
من شفاليت(ن) صمايلها ولواها = زادت الهيبه بعز ومقدريه
من اقروم(ن) للعدا تلعن ثواها = والفهر رمز الظفر رمز الحميه
من عبيده قاله الطرس لدواها = والعبيدي سيف عز بكل هيه
من قحاطين(ن) فعايلهم رواها = سن رمح وحد شلفا(ن) حضرميه
ويا الله ان تجبر عزا نفس(ن) ضواها = ليل حالك للهموم السرمديه
ورحمتك لامن خذا الصحف وطواها = باليدين وفيه حسنات(ن) وسيه
والحزن مر المعاليق وكواها = كية(ن) ولا هي بآيات كية [/poem]
وسلامتكم