شبكة قحطان - مجالس قحطان - منتديات قحطان - رحله شباب إستراحة المجالس للشرقيه

- إستراحة المجالس (https://www.qahtaan.com/vb/forumdisplay.php?f=13)

- - رحله شباب إستراحة المجالس للشرقيه (https://www.qahtaan.com/vb/showthread.php?t=33353)

رحله شباب إستراحة المجالس للشرقيه

السلام عليكم ورحمه الله

قام فريق من شباب الاستراحه برحله للهاف موون بالشرقيه واليكم بعض صور عن هذه الرحله

الصوره لي طال عماركم لأخوكم مناحي ومفرح قصدي للذيب اللي هو انا وخويي ال معمر

وتعرفون روسنا كبار ومايحدنا الا اللي خلقنا وهذه صوره وحنا نطعس

طبعا تركي كالعاده بغى يروح معنا قلنا لا أقعد صلح القهوه لين نرجع

http://www.qahtaan.com/works/up/uplo...1190950632.jpg

هذه الله يعزكم أحذيه الشباب وتلاحظون فيه حذيان الله يكرم الجميع كبيره هذا اخونا تركي السنحاني

جاي الرجال على انه شباب كول وحركات طبعا هي حذاء السلامه وماخذها من شركه الكهرباء

صرفوها له اول ماتوظف والرجال ماعاد نزلها من رجله

http://www.qahtaan.com/works/up/uplo...1190950713.jpg

طبعا على العصريه بغينا نلعب كوره ولبسنا ملابس رياضه وأبوات رياضه يوم بدينا نلعب قام اخونا عبدالوهاب

ونزل الحذيان يقول ما اعرف العب الا حافي ونحاول في الرجال وعيا الله عليه

http://www.qahtaan.com/works/up/uplo...1190950804.jpg

طبعا كان شيخنا معنا اللي هو ماجد الخليفي _ ابو عصام وماسك الله يكرمكم نعال ويقول انها مصنوعه وفيها تكييف

وجابها من اليابان وفيها جرس أنذار لمنع سرقتها المهم تبون الجد حقدت عليه شايف نفسه علينا والله وأقوم

وأسرق النعال حقته الله يعزكم وأحفر لها في التراب وقعد الرجال يدور يدور مالقاها المهم ويطلع الجوال حقه

ويدق على الشركه اللي صنعت النعال وقعد يبربر معهم شوي الا الرجال يوم قام ويروح سيده ويطلعها

http://www.qahtaan.com/works/up/uplo...1190950901.jpg

( يلعن أم العلم عندهم والتقدم حرام بالله عفاريت هاليابانيين )

بس مدري هم علمو له انه انا اللي سرقتها.....لأني أشوفه يطالع فيني بنص عين

طبعا الخبر المزعج تهاوش سعيد الجهيمي وهيثم الرفيدي وبعد كم ساعه ماعاد شفنا هيثم وقعدنا ندور عليه هنا وهنا

ولا فيه امل وجواله مسكر وبعد تعب وبحث مالقينا الا نعاله بس هو الله أعلم

http://www.qahtaan.com/works/up/uplo...1190950981.jpg

طبعا حتى إنزال هذا الموضوع ولازال هيثم مفقود ولا لقيناه والله يرجعه وما ادري شكله طب في البحر وراح فيها

المهم انحن اتفقنا وطبعا هذه فكره ناصر السنحاني يقول لو أحد سألنا انه ماطلع معنا علشان نخلي مسئوليتنا

الصوره هذي لسعيد الجهيمي الرجال صدق انه عمده

http://www.qahtaan.com/works/up/uplo...1190951089.jpg

وكل شوي ياواد جيب الشيشه

طبعا تركي ورطنا هو وعبدالوهاب ضاعت أحذيتهم قاموا الشباب وركبو الكورولا حقت تركي

ودزوا على الخبر ومرو على المسجد الكبير اللي في الثقبه وسرقوا الأحذيه حقت المصلين والناس في الصلاه

http://www.qahtaan.com/works/up/uplo...1190951151.jpg

وش رايكم فيهم

اللي قهرني ان ماقاس علي شيء منها

في النهايه شلينا عفشنا قبل نموت من الجوع لانهم ولا واحد تبرع يطبخ لنا بالرغم كل أغراض الطبخ مع الذبيحه موجوده

بس نسينا الكبريت وأرسلنا أبو ريان للبقاله قلنا له رح جب كبريت راح ورجع قال مالقيت كبريت مافيه الا ولاعه

قلنا أجل مشينا ماحن بنقعد ونموت من الجوع والذبيحه أخذها عاشق الليل يقول أنا اللي سرقت الذبيحه والمفروض

أخذها .

أنتظروا الرحله القادمه لمدينه الشقيق جنوب المملكه بس احتمال اروح لحالي أخاف الشباب يروحون معي ومايجيبون

كبريت

تحياتي للجميع والله يرعاكم ويحفظكم ويتقبل صيامكم وقيامكم