|
يالله لا تسقي نهارٍ على تين (( الشريف || ابن هادي ))
نشبت حرب ما بين الاشراف وقحطان بخصوص طلب حاكم الحجاز الشريف حصان محمد بن هادي بن قرمله شيخ قحطان فرفض الشيخ بن هادي إعطاءه الحصن فقام الشريف وجمع العساكر والقبائل ومنهم قبيلة سبيع وقام بحرب على قحطان دامت ثلاثة أشهر بمنطقةٍ تسمى (( تين )) واللتي ذكرها المهادي في قصيدته المشهوره وقد قاموا بني هاجر بالفزعه لبني عمهم قحطان بناءً لطلبهم وصلوا بني هاجر ودخلوا المعركه وصار الكر والفر بين قحطان والشريف ومن معه من قبااائل أنتهت بهزيمة الاشراااااف ومن معهم من القبائل في منظقة تين وقام عبدٍ من الاشراف شاعر وقال قصيده ولكن أمر الشريف بقتل العبد قبل أن يقول القصيده خوفاً أن يذكر هزيمة الاشراف في قصيده وفعلاً قتل العبد الشاعر ولكن بعد ما قال القصيده وتم حفظها من قبل زوجة العبد وهي كالتالي :
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"] يالله لا تسقي نهارٍ على تين = يومٍ غدينا به يا بديّع إقطاع يوم التقينا حن وخيل القحاطين = وكلنا لهم بالمد وأوفوا لنا الصاع وجونا الهواجر مثل وردٍ محيمين = ياما وطوا منا على صحصح القاع الشقر مثل مغلثات الشياهين= والصفر من ضرب المزاريج خراع وحطيت رجلي في حسين التوامين = وخرجت من بينهم مثل فراع كله لعينا لابسات السباهين= اللي تحط الخواتم بين الاصباع والاشراف لانوا عقب ما كان قاسين = والشق ما يرفاه خمسة عشر باع يا شيب عيني ليلة الغزوا ملفين = ولو تجمع العشرين عشاهم الصاع[/poem] فهذه القصيده التي قالها العبد الذي قتله الشريف بعد حربهم مع قحطان وقد ذكر منظقة ( تين ) التي ذكرها المهادي في قصيدته وتين هي منطقة بين الخرمه ورنيه في بلاد سبيع سمعتها في مجلس وأعتذر أن قد تكون مكرره |
رد : يالله لا تسقي نهارٍ على تين (( الشريف || ابن هادي ))
لاهنت الله يعطيك العافيه ياعبدالله
والموضوع كامل على هذا الرابط http://www.qahtaan.com/vb/showthread...F%C9+%CA%ED%E4 ودمت . |
رد : يالله لا تسقي نهارٍ على تين (( الشريف || ابن هادي ))
لا هنت يا عبدالله على الموضوع وهذولي قحطان كل منهم يتحاما لرفيقة الله يعطيك العافية ومن يقرا الموضوع وهذي صور لتين اتمنا تعجبك وتعجب الاخوان http://www.moq3.com/img/uploads/qNU04031.jpg http://www.moq3.com/img/uploads/u8d04103.jpg وتين من ضمن منطقة مكة المكرمة الان وهي داخل حدود منطقة مكة المكرمة بتسعين كيلومتر تحياتي لك اخوي الغالي عبدالله |
رد : يالله لا تسقي نهارٍ على تين (( الشريف || ابن هادي ))
اخي الغالي /عبدالله المهداني
المبدع والمتالق ابو سعود دعني اقول لك انك اخترت فا احسنت الاختيار وكتبة ونقلك اروع البطولات . أشكرك على هذا الموضوع والعائد بنا الى الماضي الذي يحمل تاريخ سطره هؤلاء الرجال ابطال سطرو بايدهم اروع الامثله بالشجاعه والفروسية والشيم كفييت ووفييت يعطيك الف عافيه وتسلم يمناك ولاهنت ولك مني جزيل الشكر والتقدير والاحترام |
رد : يالله لا تسقي نهارٍ على تين (( الشريف || ابن هادي ))
موضوعك اكثر من رائع بيض الله وجهك وكما يقول الشاعر الكبير حمد هادي المسردي
وحنا قحاطينا ولابينا تفريق==وضد ابن عمي لازم اكون ضد له |
رد : يالله لا تسقي نهارٍ على تين (( الشريف || ابن هادي ))
السلام عليكم ورحمة الله وبركاته
بيض الله وجهك ياعبدالله تسلم يمينك |
رد : يالله لا تسقي نهارٍ على تين (( الشريف || ابن هادي ))
موضوع رائعة يا ابو سعود بيض الله وجهك
وتقبل مروري |
رد : يالله لا تسقي نهارٍ على تين (( الشريف || ابن هادي ))
لاهنت يابو سعود وابيض وجه
ولاهان اخوي ابن جروه على نقل خريطة موقع ( تين ) تقبل مروري نفدا وجهك |
رد : يالله لا تسقي نهارٍ على تين (( الشريف || ابن هادي ))
اقتباس:
والله ما عندي خبر لكن اللي تبيه سوه اقتباس:
ولاهنت على الاضاااافات اقتباس:
لاعدمتك اقتباس:
والرائع مرورك تحياتي اقتباس:
اقتباس:
اقتباس:
تحياتي |
رد : يالله لا تسقي نهارٍ على تين (( الشريف || ابن هادي ))
الله اكبر
مايصح الا الصحيح الله يرحم العبد شاف شئ ماعمره شافه وتهيض وانذبح لاهنت ياعبدالله اخوك |
| الساعة الآن 10:59 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com