شبكة قحطان - مجالس قحطان - منتديات قحطان - قصيدة في العباة للشاعر ناصر البراق...

- مجلس عذب الكلام (https://www.qahtaan.com/vb/forumdisplay.php?f=16)

- - قصيدة في العباة للشاعر ناصر البراق... (https://www.qahtaan.com/vb/showthread.php?t=32308)

قصيدة في العباة للشاعر ناصر البراق...

بسم الله الرحمن الرحيم
السلام عليكم ورحمة الله وبركاته

الشاعر: ناصر البراق .. ( العباه)

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

العبا يه عولموها وانفثو فيها السموم =من ملاهي الرقص جابوا فكر تخصير العباة
ظيقوا صدر العباة ووسعوا طرف الكموم = ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم = والغبية تحسبنها زايده زين وحــــــــــــلاة
والبراقع دلعوها لين عام الخد عوم = لازم القرضه توسع والكحل يلقى الحــــياة
طوروا شكل النقاب وصارت الدعوه علوم= صار شفاف(ن)يوضح خدها ويا الشـــــــفاة
وآخر الصرعه لثام(ن)يفتن الرجل العزوم =والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم = أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم = جدهم علمان يعني لاصيام ولاصــــــــــــلاة
حطوا إن البنت سلعه وغلفوها بالهموم =وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم =قايمه تحت المعادي لجل عين الشامخــــــات
من ظلمها يوم قام المعتصم من عز نوم =قال وين الكافر اللي يستبيح المسلمـــــات
ثم ذبح لجل شعرتها من العدو كثر النجوم =قال هذا حق منهو يستذل الطـــــــــــاهرات
نكسوا ذاك الشعار ولملموا باقي السهوم =يكسر الخاطر سهمكم لاضرب في مدرعـــــــات
بيتكم لاصار مبني داخل البيت مهدوم = وبيتنا صوم وصلاة وحج وأشهد والزكــــــــــاة
إتركيهم يابدويه وخلي اللايم يلوم =وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم =العبايه فوق راسك حشمه وطيب وثبـــــــات
وماعليك من اللئيمه تحاول تقلدك يوم = لبست البرقع ولكن حن عرق الماجـــــــدات
بحنكها ألفين دقه مدري ألف من الوشوم = أو تراه ألفين هكري يكتبون الذكريــــــــــات
ولابغت تكتب قصيده قافها هو قاف يوم = (يوم يابا)(يوم يابا)جاك عرق الراقصــــــــات
جت تقول إني بدويه قلت أنتي وجه بوم =إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحوم = أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)(قوم ) =عانقت عزوات أخوك صوت ضرب المرهفـــــــات
إن حدوا من بيننا أو طولوا حد العقوم = يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم = عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم = وبيجي يوم(ن) نشوف شقوق في وسط العبــــاة [/poem]
اعجبتني وان شاء الله تعجبكم

(منقول)