شبكة قحطان - مجالس قحطان - منتديات قحطان - وفاة الشيخ محمد بن سياف آل راجح الفهري

- مجلس أخبار قحطان (https://www.qahtaan.com/vb/forumdisplay.php?f=46)

- - وفاة الشيخ محمد بن سياف آل راجح الفهري (https://www.qahtaan.com/vb/showthread.php?t=31277)

وفاة الشيخ محمد بن سياف آل راجح الفهري

[frame="2 80"]السلام عليكم ورحمة الله وبركاته

توفي صباح أمس الأربعاء الشيخ محمد بن سياف آل راجح الفهري

بعد معاناة مع المرض دامت فترة طويلة

هذا وقد صلي عليه بالرياض

ويتقبل العزاء في منزله بالجله

ومن هذا المقام أقد التعازي الى جميع ابنائه واخوانه خاصة وجميع قبائل الفهر عامة

ويعد رحمه الله من كبار شعراء قبيلة الفهر

وله العديد من القصائد في مجال النصح والإرشاد وقصائد مدح واجتماعيه وغيرها ،،

وله في النصح هذه الأبيات من قصيده مطوله :

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
فعندي نصيحه للقلوب الفهومه = ومع بليد القلب لا آخذ ولا جيب
الرجل لا يهمل صللاته وصومه = يطيع ربه قبل صف المكاتيب
ويصدق مع ربه ويكتم همومه = ورزقه على رازق عكف المخاليب
ولايستشير الا نوادر قرومه = ويجنب أهل الدجل والكذب والعيب
وبعض العرب لو كان بيض هدومه = وقام يتبختر في جديد الأساليب
تلقاه غدار وتسقط علومه = لاصارت الحاجه وجات المواجيب
ورفيقك اللي مايفارقك حومه = ولايطاوع فيك شذب العراقيب
يقوم من شانك ولاستر نومه = ويلوي على ضدك سوات الكلاليب
واذا شفت مغرور سرت به حلومه = فجنب طريق اهل الخرافات تجنيب
سراي غدراء ماتقدت سهومه = يمشي وخطه عكس من غير ترتيب
وتلا جوابي بالصلاة مختومه = على نبي الله خيرة الأصاحيب[/poem]

وله في المدح هذه الأبيات من قصيده مطوله في الشيخ مترك بن ذيب بن شفلوت رحمه الله :

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياشيخ ربعك عند صوت المنادي = جاتك جموع كنهم براق الصيف
اذا رفعت الصوت جات العوادي = لوهم ورى عمان والا وراء السيف
عيال مفلح مثل صقور الهدادي = نسل الضياغم موردين المراهيف[/poem]

رحمه الله رحمة واسعه ،، واسكنه فسيح جناته

وليد بن مسفر القويفل[/frame]