|
مشاركة: مــــــا أجمل كتاب قرأته!!!؟
بسم الله الرحمن الرحيم كيفكم اخواني انا حبيت اطرح عليكم هالفكره""""""""""" وش رايكم كل واحد فينا يكتب اجمل كتاب قرأه وياليت يكتب قصاصه او ماستفاد منه او اي شي عن هذا الكتاب لكي يستفيد الكل . بصراحه انا احب الكتب اللي تبعث على التفاؤل والامل واحب كذلك الكتب اللي تقارن مثلا مابين الماضي والحاضر وجيل الماضي والحاضر . والحقيقة هناك مئات من الكتب القيمة والمفيدة التي معظمنا لايعلم بها ويجهلها ومن خلال مجلسنا هذا والقائمين عليه ومن خلال كل عضو يعطينا ما عنده من كتب قيمة وجميلة حتى تعم الفائدة . والله الموفق ،،،،،،،،،،،،،، وابدأ بنفسي ........................ حيث انه أعجبني كتاب الدكتور :عائض القرني إشراقات 00((في هذا الكتاب قطـــوف دانية، عيـــــون صافية، ومن كل الأطبـــاق مالذ وطاب ، من أحسن ماسمعت وأفيــــــــــد ما قرأت ، وانفـــــــــــع ماحفظت ، وأجمـــــــل ما رأيت فأنت مع النشاط والحرص ستشرف على ريــــــــــاض الأدب، وقرائـــح العقـــول ، من لفظ مصون وكلام شريف ونثر مقبول ونظم لطيف ومثل سار وبلاغة مختاره وخطـــبه محبرة وأدب حلـــــــو ومسألة دقيقة وجواب حاضر ومعارضة واقعة ودليل صائب وموعظة حسنة وحجة بليغة وفقرة مكنونة ولمعة ثاقبة ونصيحة كافية وإقناع مؤنس ونادرة ملهية وعقل ملقح وقول منقح وهزل شيب بجد وجد عجن بهزل وراي استنبط بعناية وأمر بيت بليل وسرٌ كتم على الزهد وحجة استخلصت من شوائب الشبه)) ...................................... ........................ كتاب جداً اعجبني وأستفــــدت منه كثيراً جزا الله الدكتور عائض القرني ألف خير وجعل عمله هذا في موازين حسناته ونفع به جميع المسلمين . يالله اللي بعدي يكتب الكتاب اللي أعجبه واستفاد منه . مع تحيات اخوووكم ،،،،،،،،،ابوملاك،،،،،،،،،،،،،،،،،،،،، |
فكرة الموضوع جميييييييييييييييلة
أما أنا فأفضل كتاب قرأته بعد كتاب الله (( لا تحزن)) للشيخ عائض القرني أيضاً أبو زيد |
يا أخوان الكتابين من أروع الكتب التي قرأت ولقد رأيت لقاء في أحدى الجرائد تحدث العبيكان عن أكثر الكتب مبيعا الا وهي كتب الشيخ عائض إبن عبدا لله القرني نفع الله به الأسلام والمسلمين
|
ارحب يا ابو زيد ومشكوووور على مشاركتك . وكتاب لاتحزن فعلا من الكتب الجميله والقيمة إن لم يكن أفضلها . والله لايهينك وبيض الله وجهك . أرحب يا البشري والله لايهينك على المرور والتعليق . اما بخصوص الاكثر مبيعاً للكتب فقد صدقت بان كتب الشيخ عايض هي الاكثر وخاصة كتاب (( لا تحزن )) الذي وصل الى الخارج وخاصة أمريكا إذ يعتبر من أكثر الكتب التي بيعت . ودمتم ،،،،،،،،،،،،،،،،،،،، |
ليش الشباب ما يشااااركون؟؟؟
والله الموضوع شيق ومفييييييييييييييييييييد أبو زيد يحيييييييييييييييكم |
:) لا هنت يا ابو ملاك والي الامام
|
موضوع حلو ... بعض الناس بس يقول جزاك الله خير وخلاص يعني اني مريت لاكن يمكن ما قرأ الموضوع
......... عن نفسي كتاب متعة الحديث موجود بجرير روووووووووووعه للكاتب عبدالرحمن داوود تقريض عايض القرني وطارق السويدان و سلمان العودة......الكتاب يختار لك اجمل المقولاات - حكم - ابيات شعر كلها مفيده..لمشهورين .... كتاب مااااااتع تقراه من وين ماتبي مبوب.....لي عوده بعدين خلوني ادوره واجيب لكم كم بيت وامثال |
ارحب اخوي المعمري
لكن نبغى شيء من مخزووووونك الفكري والادبي . ومشكووور على المرور والله لايهينك . |
ارحب يا لينك القحطاني
وهذا اللي ندوره من الموضوع المشاركة الفعالة . والله يعطيك العافية ومشكووور اخوي على اول فائدة نجنيها من الموضووووع . والحقيقة ما ادري عن كتاب متعة الحديث الا منك . فالف شكرلك اخوي والله لايهينك وبيض الله وجهك . ونتمنى المزيد منك ومن باقي الاعضاء . والله الموفق |
جـــــــــــديــــــــــــــــــد كتاب جديد (( السيناريو القادم لأحداث آخر الزمان)) لمنصور عبد الحكيم يتحدث عن أحداث الزمن المعاصر ويربطها بالأحاديث النبوية الشريفة موجود بالعبيكان وأتوقع بالمكتبات الأخرى أبو زيد يحييييييييييكم |
| الساعة الآن 09:14 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com