|
قحاطين والصيت عالي ويلمع
السلام عليكم ورحمة الله وبركاته
مساكم الله بالخير ياخوان ياخوان انا اليوم وانا افتش في اوراقي وملفاتي لقيت قصيده قديمه كتبها رد على واحد ارسلي بيتين يمدح فيها قبليته ويهين باقي القبايل وارسلت له هذه القصيده ومن يومها ولا عاد شفته ولا كلمته وحبيت اطرحها بين يديمك القصيده قديمه ولكم عليها لكن اتمنى قبولها مني اقول فيها [poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,gray" type=1 line=1 align=center use=ex num="0,black"] انت كف كثير الهرج واقطع=ترا ربعي من دونك طوابير ربعي في الوغى ضربهم يوجع=ضربهم اشد من ضرب السواطير القحاطين والصيت عالي ويلمع=مجدهم ماهو بنظم الاساطير اسال التاريخ شوي لو يرجع =ويشوف فعل الرجال الكواسير العز ماهوب ذا يثبت وذا يرفع=العز افعال قوم(ن) معاسير الخير ماهو جديد الخير ينبع=بفعل المهادي راعي المسارير ان ضاقوا شرهم صار يلذع=يسومون العدو حر الجوامير عدوهم انا اشهد انه خسران ومولع=من كثر ما ذاق جمر السواعير وان راقوا الطيب لهم يركع=شيوخ على الطيب ساقوا المغاتير عوالهم للطيب تقبل وتقطع=وجهوا للمرجله عوال (ن) صوابير وللكرم في قلوبهم فيضه ومربع=لاقبل الضيف ساقوا التباشير الريال عندهم يصرف ولا يجمع=من دون الكرم ما حسبوا للمخاسير وان جيت للنخوه شفت ما يفجع=ابد عن الوقفه ما ساقوا المعاذير ان صاح جارهم الكل له يفزع=يودون ارواحهم يم المقابير القصير لااستنجد وجوب نهرع=نفديه بالروح ما نسوق التحاسير الشر لا شافهم يخاف ثم يخضع=شيوخ على عروشهم مثل الهوامير هم الشامخين الكبار والكل يسمع=رجالهم هو شوق البنات الغنادير سمعت قولك ثم نسجت وابدع=ابدع بمدح القروم المناعير قالها ابن جفين والقيل يطبع=والعذر ان كان خانتني التعابير[/poem] وسلامتكم واتمنى من شعراء المجلس التعليق وابداء الراي من الجميع |
اقتباس:
ابوووووووذيب انت ذيب وصح لسااااااااانك واعجبني في قصيدتك انك لم تتطرق الى قبيله هذا الشخص اللي يسب القبائل لان كل قبيله في حقها فلا يجوز استنقاص القبائل الاخرى وهذا يدل على اخلااااقك الرفيعه |
ابن عاصم
صح بدنك وانت صادق قبيله لها حفها وما يصلح انتقصها عشان شخص ما يسوى ابن عاصم شرفني مرورك وزادني شرف تعليقك |
كفو يابو ذيب يعطيك العافيه على القصيد..
واللي مايغار على قبيلته عز الله مايستاهل اسم قحطان.. |
ناصر المعمري
صح بدنك ولا هنت وشرفني مرورك |
صح السانك قصيده وافيه
وقلتهااااااا في ناس يستاهلون |
ابو ذيب
صح لسانك ومشكور على هذه المشاعر الصادقه لكن بودي لو تراجع الكثير من الابيات فعلى سبيل المثال كف عن كثير الهرج واقطع وزنه ليس وزن الشطر الثاني وهو ترا ربعي من دونك طوابير فلو قلت ربعي ترا دونك جموع وطوابير = وقس على الكثير من الابيات اشكرك واتمنى ان تتقبل ملاحظتي بكل صدر رحب فانت ابدعت واجزلت ولكن ربما تغير البحر في بعض الاوزان تقبل خالص الود والتحايا |
ابو ذيب
لاهنت ودائما محاولاتك رائعه فقط ينقصها الوزن ولن اتطرق للوزن فقد كفى وفى اخي الفارس ولكن سابدي لك بعظ الملاحظات على المفردات التي قد تغير المعنى فمثلا البيت الاول بعيد عن الوزن انت كف كثيـر الهـرج واقطـع ترا ربعي مـن دونـك طوابيـر الشطر الثاني من البيت (( العجز )) لا يخدم المعنى لان المقصود وقوف ربعك صف واحد في وجه العدو وهذا شي مسلم به 0 لا خلا ولاعدم لكن الشطر في الحقيقه يشير الى وقوفهم دون نفس الشخص وحمايته 0 ولو كان الشطر مثلا ربعي نهار الرمك صفت طوابير (( ابادت )) لكان اوضح للقاري واكثر قوه لمطلع ((القصيده)) اشكرك لسعة صدرك علينا وتأكد هذا من معزتك تحياتي لك العبيدي |
اعجبني النقد الهادف
من فارس ومن ذيب العبيدي ياليت تمرون الربع في مجلس عذب الكلام تسلمون عليهم وتعلمونا امورهم موزونه ومورهم ماشيه تراهم نافخين علينا ؟ |
الصالاني
صح بدنك ولا هنت على المرور |
| الساعة الآن 11:57 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com