عند ابو نايف توقّـف صناديـد الظفـر ..
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
راكب أللي لامشى كنْه طيارة هجوم =أقلعت من حاملتها على سطح البحر
تلّها النصراني اللي يكثر في اللهوم =يوم جاه إنذار واستشعرت قرب الخطر
شاص تايوتا جديد مديله ومختوم = فوق كبّوته علامة وكيل مشتهر
ورّده من عالم الشرق رواد العلوم =مصنعٍ أذهل بتصميمه عقول البشر
مايجي إلا بعد ماتفحصه فنس الخشوم = في جهاز الكمبيوتر وشاشات البصر
وارد اليابان مايركبه غير القروم =في البلد ولاّ على البر ولاّ في السفر
فوقه اللي مرسلينه وشفق للعلوم =صيرميّ لي أعتلا طارته مثل الصخر
ناصيٍ شيخ الوفاء والمراجل والسلوم =راس قومٍ في نجوم الفلك مثل القمر
في جنوب الدار بيتٍ جعل عزه يدوم =مدهلٍ ماصك بابه ولو صك الدهر
بيت خوي وتاج راسي وسدّاد اللزوم =عند ابو نايف توقّـف صناديد الظفر
تعْرفه قحطان وسبيع وأكلب والبقوم =وشهران ويام ومطير ورجال الحجر
وعنزه وأيضا عتيبه وشمر والسلوم=والقبايل كلها تعْرفه بدو وحضر
لي وصلته ياقوي الشكيمه والعزوم = حب لي راسه وخشمه وزد حب وقدر
للشجاع النادر الشهم فكاك الخصوم =راعي العليا ويبقى لنا ذخر وفخر
جعل يفدونه ضعاف الروابع والرخوم =والردي والنذل وميبّس العود الخضر
سلّمه مني رساله عليها اربع نجوم = سرها في بطنها والمعاني في الصدر
قل له ان اللاش يعتاش وشعيل مخدوم =والمحال يدور والغيب في كف القدر
بين عطران الشوارب يتيهون الحشوم = لايسدون النوايب ولا منهم سفر
بالسنون البيض لو تضحك أكبار الجروم =ماعليك أبليس يضحك وقلبه في سقر
والفتى لي ذكر في القوم قالو والنعوم =دام عدّا بالمراجل على زيد وعمر
والفعول شهود والقسم من خير القسوم =ومن يغط الحق جعله يغطيه القبر
ودنا بالطيب ونسد بيبان وثلوم =في وجيهٍ شوفها مايبشر بالمطر
العلوم طوال والقصر فيها نصف يوم =والعوارف تدرك الصعب وترد الخبر
أن علاها الطيب حنّا هل الطيب ونقوم = وأن على غير عدا اللوم من عقب النذر
والسلام ختام والعود الازرق والشحوم =فالنا والنصر للدين وولاة الامر [/poem]

رد : عند ابو نايف توقّـف صناديـد الظفـر ..
 

صح لسانك يا أبو شايع



لاعدمناك


بيض الله وجهك

رد : عند ابو نايف توقّـف صناديـد الظفـر ..
 

ارررررررررررررررحب يابو شايع


وصح الله لسااااااااااانك


ونعم بك وبأبو نايف


سلمت ودمت على هذه الرائعه


انت غني عن كلامي يابو شايع


تحياتي

رد : عند ابو نايف توقّـف صناديـد الظفـر ..
 

رد : عند ابو نايف توقّـف صناديـد الظفـر ..
 

رد : عند ابو نايف توقّـف صناديـد الظفـر ..
 

صح الله لسانك و يستاهل ابو نايف المدح


القصيده في غاية الروعه من اول بيت الى اخر بيت

وفي غنى عن شهادتي

صح الله لسانك

رد : عند ابو نايف توقّـف صناديـد الظفـر ..
 

صح لسااانك



يا بو شااااايع






واااافيه وانت وااااافي





جعلك داااايم في زووود




تحياااااااتي

رد : عند ابو نايف توقّـف صناديـد الظفـر ..
 

علي


صح بدنك



ووجهك ابيض



الله يحفظك

رد : عند ابو نايف توقّـف صناديـد الظفـر ..
 

عبدالله المهداني


أرحب مليون يالكفو وماعليك زود الله يحفظك



مرورك وتعليقك ناموس وفخر


لاعدمناك

رد : عند ابو نايف توقّـف صناديـد الظفـر ..
 

صح لسانك الله لايهينك