مراسلة بيني وبين الشاعر الكبير /...................رشيد الزلامي......................
 

هذه مراسله بيني وبين الشاعر / رشيد الزلامي ونشؤت في مجلة اصايل ومن مكانه منتدى قحطان يسرني ويشرفني ان اطلعكم عليها



[poem=font="Times New Roman,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]


بدر بن هادي الوبري
.
يا نفس كفي عن هوى البيض يا نفس = نهج الهوى كم عذبتني دروبه
امشي وانا اضحك من تحت واهج الشمس = ولا توب الولهان خمسين توبه
كم مرة ضربت خمس(ن) على خمس= وشربت كاس المر عقب العذوبه
يا معلمني بن زيد اشرح لي الدرس =ولاقيل من قدوتك اشرت صوبه
اشوش من قاف الوفي واتحمس=مثل الزلامي عز من يعتزوبه
اللي البيوت تقال في كل مجلس= رجل محسوب والبيوت محسوبه
وقبيلته تذكر ولا هي بتنٌس= ربعه عتيبه اهل الوفاء والعذوبه
اللي من ثياب الجزيلات تلبس=ولا خاب من يمشي طريق مشوبه
اقولها والهندسة للمهندس=وكلا على قده تفاصيل ثوبه
يا نفس كفي عن هوى البيض يا نفس= نهج الهوى كم عذبتني دروبه
.
.
.



الشاعر / رشيد الزلامي ............. الرد
.
حييت يا خط لفاني عصير امس = لو كان في معناه بعض الصعوبه
من شاعر داس الخطر وابعد الرمس = تبع طريق اهل الهوى وابعدوبه
وسلك الهوى مجروح ما يقبل اللمس=ومجنون ليلى شاف منه العقوبه
اصبر على جرح الهوى وادمسه دمس = الناس ما سمعوه عنك اهرجوبه
لا تفرح الحاسد ولا يدري النمس =اللي ليا سمعوا بعلم اعلنوبه
ولو ان قلبك في الخفاء ينحمس حمس = الصبر للمؤمن بخفف ذنوبه
ولا تنشغل في حاجة دربها عمس= اثقل وخل الجو يركد هبوبه
دنياك ما دامت لفارس بني عبس = من جورها عاف الحصان وركوبه
وانته من اللي يلبسون الفخر لبس = بني مضيم ان كا ن شبت شبوبه
واسلم ودم يا حابس المعرفة حبس= لو كان في معناك بعض الصعوبه
.


وسلامتكم[/poem]

رد : مراسلة بيني وبين الشاعر الكبير /...................رشيد الزلامي......................
 

ارررررررررررررررررررحب يابوهادي


والله يبيض وجهك يا كحيلان


على هذه الشامخه


وترى في البيت الاول خطاء املائي (( كم عذبتني دروبه ))


صح الله لسااااااااااااااانك

وصح لسااااااااااان ابو جميل


ابو جميل شاعر كبير ولا يبدع معه الا المبدعين



بيض الله وجهك مره اخرى


وتشرفت بالمعانقه



اخوك

رد : مراسلة بيني وبين الشاعر الكبير /...................رشيد الزلامي......................
 

صح لسانك يابدر


قصيده رائعه


وبيض الله وجهك


وصح لسان الشاعر

رشيد الزلامي

رد وافي من شاعر كبير وعلم



أخوووووك

رد : مراسلة بيني وبين الشاعر الكبير /...................رشيد الزلامي......................
 

بدر انت شاعر مميز والحق يقال شفتك في قناه الواحه واعجبت بك وهذا مراسله وافيه

صوت وصدي بينك وبين مدرسه من مدارس الشعر الزلامي وتكفيك شهاده الزلامي وقدها وقدود

لاهنت وبيض الله وجهك وانت نجم من نجوم قحطان

رد : مراسلة بيني وبين الشاعر الكبير /...................رشيد الزلامي......................
 

ابو هادي


صوت وصدى رائع


ابو هادي انت تعرف رائي في قصيدك

صح السانك وصح السان الزلامي

رد : مراسلة بيني وبين الشاعر الكبير /...................رشيد الزلامي......................
 

رد : مراسلة بيني وبين الشاعر الكبير /...................رشيد الزلامي......................
 

صح لسانك يا الوبري

ما قصرت في قصيدتك قلت وابدعت

والزلامي ما قصر

والطيب اللي مثلك وشرواك ما يجيب الا الطيب

تقبك اعجابي وتحياتي

رد : مراسلة بيني وبين الشاعر الكبير /...................رشيد الزلامي......................
 

صح لساااااااااااااااااااااااااااااااااااااانك

رد : مراسلة بيني وبين الشاعر الكبير /...................رشيد الزلامي......................
 

صح لسانك ملايين

وصح لسان رشيد الزلامي

رد : مراسلة بيني وبين الشاعر الكبير /...................رشيد الزلامي......................
 

مشكور يابدر ربعك السلطان الهجار