|
البنت وكنتاكي قصة اشبه بالخيال!!!!!!!!!!
السلام عليكم كيف الحال والاحوال عساكم بخير هذي القصة اقروها لاتفوتكم قصه البنت الي طلبت من كنتاكي.... كان في وحده نايمين عندها بنات خالتها ....وهالبنت خبله ومفوته ...المهم جاعوا البنات وتبي تطلب من كنتاكي هو الوحيد الظاهر اللي يفتح الفجر ويوصل في هالوقت...كانت الساعه 4 الفجر المهم انها كلمت الاستعلامات وقالت ابي رقم كنتاكي...هو حق الاستعلامات نص لفه وفاضي راح عطاها رقم جوال وقالها هذا كنتاكي.... قالت كنتاكي ورقم جوال!!!!! كيف؟؟؟ ..قالها ايه توهم فاتحينه فرع جديد وما بعد وصلهم خط .. البنت صدقت وراحت دقت على الجوال قالت كنتاكي..... قال نعم<===متفق مع خويه قالت ابي اسوي طلبيه ..قال كم رقم اشتراكم؟؟ ..قالت ما عندنا قال طيب وصفي لي البيت...وراحت وصفت له ..وسئلها باسم مين وعطته الاسم والرقم الرجال انبسط عليها..راح لكنتاكي وطلب طلبيتها وراح لها لبيتهم بعد ما غير ملابسه لبس بنطلون وتيشيرت وكاب ..ووقف السياره بعيد شوي..ونزل رن الجرس....قال كنتاكي فرايد تشيكن بلهجة هنود.. جت البنت تركض ..وعطته الفلوس ...واخذت الطلب هي الاخت مشرعه الباب...تحسبه هندي <====الدعوه فري عندها هو انبسط وقام يتفرج...البنت حلوه مره..واعجبته<===حب من اول نظره صارت كل ما دقت عليه على انه كنتاكي سوى نفس الحركه...ولو كان بآخر العالم رجع عشان خاطر عيونها في الاخير الولد مره حبها....و تقدم لها وخطبها...وصاروا زوجين سعيدين بعد ما تزوجها قالها السالفه وصار كنتاكي مطعمهم المفضل نسيت أقولكم ترى القصة حقيقية |
رد : البنت وكنتاكي قصة اشبه بالخيال!!!!!!!!!!
عاشق الجنوب
السلام عليكم قصة جميلة ويبدو الولد ولد حلال ماهو داشر يعطيك العافية |
رد : البنت وكنتاكي قصة اشبه بالخيال!!!!!!!!!!
مشكور اخي الغالي على القصة الجميلة
تحياتي |
رد : البنت وكنتاكي قصة اشبه بالخيال!!!!!!!!!!
زين صار تفكيرة بزواج.... وزين تزوجها
وهذا الحب وعمايله عاشق الجنوب قصة روعة وأنت أروع بإنتظار جديدك |
رد : البنت وكنتاكي قصة اشبه بالخيال!!!!!!!!!!
الله يجمع بينهم في خير
|
رد : البنت وكنتاكي قصة اشبه بالخيال!!!!!!!!!!
شكررررررررررررااا لكم على مروركم وتعليقكم
|
رد : البنت وكنتاكي قصة اشبه بالخيال!!!!!!!!!!
مشكووور أخي على القصه
|
رد : البنت وكنتاكي قصة اشبه بالخيال!!!!!!!!!!
البارح كتبت رد طويل على هذا الموضوع ولكن الكمبيوتر هنق علي والتغى كل اللي كتبته :(
أرجع وأقول الرجال هذا ما فيه خير لو كان فيه خير ماكان طرد ورى بنات خلق الله يغازلهم ولو فيه خير ايضا ما تزوج وحده تكشف للعمال وتعرض جسمها عليهم هذا أولا وثانيا قصتك هذه تذكرني بقصه مشابهه يقول لك فيه شباب عزاب في شقة وكان واحد عندهم من جماعتهم جاي من الديرة وما عنده أسلوب ورومنسيه الشباب وفي نفس الوقت ملكع وعليه حركات المهم دق التلفون رد هذا القروي الملكع إلا وصوت بنت يقول ألو سلام عليكم وهو يقول وعليكم السلام قالت له هذا المطعم ؟ الرجال فكر البنت لعابه وقال لها ايوه المطعم قالت أخوي بالله أبغى واحد حمص ومشويات منوعه وهمبرغر وفطاير وثلاثة عصير كوكتيل قال لها طيب وين البيت ؟؟ قامت البنت وأعطت الوصف كامل وبالدقة وقالت هذا رقم التلفون لو ضيعت قال لها اوكي قفل وراح الرجال ولبس ثيابه وشغل السياره ومر على أقرب بقالة وشرى له حبة دجاج وخيشة رز صغيره وعلبه ملح وشوية طماط وبصل وعلبة زيت صغيره وقالم الرجال وحطها بأكياس وتوجه لبيت البنت حسب الوصف لما وصل دق الباب قامت البنت قالت من ؟ قال لها المطعم ؟ قالت طيب وافتحي الباب له .. قام الرجال أعطاها الأغراض وقال لها يا خمه اطبخي وخلي منك الخمامه والكسل طبعا خمه معناها المرأة المخنزة اللي ما تعرف لبيتها خخخخخخخخخ قام الرجال وقال لها يا خمه اطبخي وخليتس مره صامله وبلاش دلع وحركات مطاعم عاد البنت انصدمت من الأغراض ههخخهخههه والملكع رجع لأخوياه يخبرهم بالسالفه مشكور اخوي عاشق الجنوب على موضوعك الجميل :) |
رد : البنت وكنتاكي قصة اشبه بالخيال!!!!!!!!!!
الضاهر انه مثل زواج الشوزن حق خوينا فايز المالكي
|
رد : البنت وكنتاكي قصة اشبه بالخيال!!!!!!!!!!
والله يا جماعة فيه زواجات تصير أردى من كذا
طيب يال معمر ولا خلاص اللهم إني صائم |
| الساعة الآن 02:20 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com