![]() |
بينت لي بعض الايام ماتخفي الصدور
السلام عليكم
مساكم الله بالخير [poem=font="Simplified Arabic,4,blue,bold,normal" bkcolor="transparent" bkimage="" border="none,thick,gray" type=4 line=1 align=center use=sp num="0,black"] الله الله لاتذكرت والدنيا تدور = أطوي اوراق السجلات ولا افلها بينت لي بعض الايام ماتخفي الصدور = كل صعبه بعد ماصار عندي حلها كنت اضن الشك زايل ولاحوله قصور = كنت اضن الطيب عاده وهو قدلها الله الله طابت النفس والصحبه تبور = عقب الي لا قسى الوقت نفسه ذلها الفهد في غابة الليث ماينخى النمور = لا لقى الصيده بمخلاب كفه شلها التجارب خير عبره وتفكير وشعور = والمجرب كل ماشاف غلطه زلها ابتلينا وابتلشنا بحفار القبور = ضيع دروب المراجل والاخرى دلها اتحمل واتغاضى مع ذلك صبور = والظماير هاجس الضيق زاد وتلها والبنادق في خباها ليا قامت تثور = ماتجمل من ذكرها ولا من شلها لاتجي تبغى تعذر مسامح ومعذور = بس ( فارقني ) عسى الكبد يبرد غلها والله ان البعد مكسب ومعرفته دبور = يوم شفته تو وجهي سيوفه سلها الهقاوي فالمناعير وطوال الشبور = الرجال الي علوم الوفا طبعلها والمواقف والجمايل على مر العصور = مالها الا الحر الاشقر وهو كفولها وخوة الجاهل والانذال ساعات وشهور = والكفو يسلم من اللوم يوم يملها[/poem] وسلامتكم |
رد : بينت لي بعض الايام ماتخفي الصدور
الشاعر المبدع مشخص
ارحب تراحيب المطر صح لسانك وافي يا وافي قصيده مصيوغه بالذهب والماس سجل اعجابي وتقديري |
رد : بينت لي بعض الايام ماتخفي الصدور
اقتباس:
صح الله لسانك مدد ولاهو بعدد قصيده وافية وجزله من شاعر وافي وجزل عزالله انك ابيض وجه في ذي القصيدة تقبل وافر التحية والاحترام |
رد : بينت لي بعض الايام ماتخفي الصدور
مشخص الفهري
صح لسانك يالوافي وعسى الله يزين الحال وأنا أخوك تقبل وافر أحترامي وتقديري لك أخوووووووك |
رد : بينت لي بعض الايام ماتخفي الصدور
مسفر ابن حسين
لاهنت على المرور |
رد : بينت لي بعض الايام ماتخفي الصدور
جبل بن زيد الله الله لايهينك
طال عمرك على المرور والشعور الطيب ويسعدني ويشرفني مرورك على القصيده طال عمرك |
رد : بينت لي بعض الايام ماتخفي الصدور
ابن غفره أرحب دبل
والله لايهينك على المرور يالذيب وانت وافي وتاج راس |
رد : بينت لي بعض الايام ماتخفي الصدور
اررررحب ارررررحب يامشخص
لانستغرب الابداع من اهله!! صح الله لسانك تقبل تحياتي,, |
رد : بينت لي بعض الايام ماتخفي الصدور
اررررررررررررحب يا مشخص
الله يحييك ويحيي ما جيت به صح والله لساااااااااااااانك يا كحيلان لا تحرمنا من تواصلك وإبداعك اخوك |
رد : بينت لي بعض الايام ماتخفي الصدور
السلام عليكم ورحمة الله وبركاته
الله لاخفأ صوتك ياشاعر مشخص وبيض الله وجهك |
الساعة الآن 05:27 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com