طالبك ياربي ثلاث!!!
 

اخواني اعضاء مجالس قحطان تحية طيبه..




هذي عباره عن مصافحه اولى


صلووو عالنبي,,

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله ياربـي زبـون المساكـيـن=طالبـك ياربـي ثـلاثٍ وكـايـد
طول العمر يارب والموت عالديـن=وخوة نشامى مـن رجـالٍ شدايـد
اوسومها لامن غدى الصف صفين=مافيـهم اللي قال خلني محايد
تاقف معي وتبدٌل العسـر بالليـن=بفضل الكريم اللي على الناس جايد
واّقف معاها لابدى الـلازم العيـن=وقفات من ربعـه سلايـل عبايـد
وقفات اخو رثعاء وشيخ المهادين=يوم الحمل بيـن الرياجيـل كايـد
والحين وقتي مابقى فيـه يازيـن=غير الكلام اللـي يقـص الحدايـد
انظارهم صوبي وانا خلقتي طيـن=ما اصبر على شوف الحسد والنكايد
لكٌن لابد القضى والقضـى ديـن=اّخذ قضى دينـي و أرد الفوايـد!!
والصمت يسبق انفجـار البراكيـن=والصمت باقي ياهل العرف سايـد
لكن يمنعنـي مـن الـرد شييـن=فرق المكانه,, واختـلاف العقايـد
مادام لك دينك وانا لي بعـد ديـن=والكل منٌـا فـي غـلاف الجرايـد
خلك على دربك وانا دربـي يميـن=وماني على فرقاك ياخـوك بايـد
وابيك تـدري والرياجيـل داريـن=الشعر مانقٌـص مـن النـاس +
وقبل النهايـة ودي اعيـد بيتيـن=من نظم هاجوسي وزيـن الفرايـد
يالله ياربـي زبـون المساكـيـن=طالبـك ياربـي ثـلاثٍ وكـايـد
طول العمر يارب والموت عالديـن=وخوة نشامى مـن رجـالٍ شدايـد[/poem]

وســلامـــتـــكـــم,,
سعد بن دعروم الزهيري ,, 12/7/1427هـ



تقبلو تحياتي,,

أخوي سعد يسرني طال عمرك على الطاعه أن اكون اول المتصفحين لهذه الرائعه


وصح الله لسانك وقلبك


سجل متابعتي واعجابي

أخوك:فارس بن كريسيع

سعد الزهيري

صح لسااااانك وافيه من وافي
وبيض الله وجهك على المصافحة الجزله


ونتطلع لجديدك في أقرب وقت



تقبل تحياتي وأعجابي


اخوك / بن غفره

صح والله لسانك ياسعد


وننتظر المزيد ولا لك عذر

وفي أقرب وقت ممكن

السلام عليكم ورحمة الله وبركاته

ونعم ياسعد بن دعروم الزهيري

وصح الله لسانك

بيض الله وجهك يابو حامد


وصح الله لسانك كفو وقرم وجزل



تحياتي

ارررحب يافارس





وانا يسرني كونك اول من مرٌ على هذه المتواضعه..





صح الله بدنك ولاهنت على مرورك الكريم..






تقبل تحياتي,,

لكٌن لابد القضى والقضـى ديـن=اّخذ قضى دينـي و أرد الفوايـد!!
والصمت يسبق انفجـار البراكيـن=والصمت باقي ياهل العرف سايـد
لكن يمنعنـي مـن الـرد شييـن=فرق المكانه,, واختـلاف العقايـد
مادام لك دينك وانا لي بعـد ديـن=والكل منٌـا فـي غـلاف الجرايـد
خلك على دربك وانا دربـي يميـن=وماني على فرقاك ياخـوك بايـد
وابيك تـدري والرياجيـل داريـن=الشعر مانقٌـص مـن النـاس +
وقبل النهايـة ودي اعيـد بيتيـن=من نظم هاجوسي وزيـن الفرايـد
يالله ياربـي زبـون المساكـيـن=طالبـك ياربـي ثـلاثٍ وكـايـد
طول العمر يارب والموت عالديـن=وخوة نشامى مـن رجـالٍ شدايـد[/poem]



الاخ سعد

مصافحه جميله بجمال كلمات هذه القصيده

بيض الله وجهك على هذا المكنون الدري

سهل ممتنع سلس وجميل

لاتحرمنا من القادم

عاشق الوطن

تحياتي

رد : طالبك ياربي ثلاث!!!
 

صح لسانك
لاتحرمنا من الجديد