الطيـــب للطيـــــــب علامـــه ومنهـــاج
 

السلام عليكم

أقدم لكم هذه المتواضعه

وهي تتكلم عن موقف حصل علي

أتمنى أن تنال العجاب

[poem=font="Simplified Arabic,4,blue,bold,normal" bkcolor="transparent" bkimage="" border="none,thick,gray" type=4 line=0 align=center use=ex num="0,black"]
قلبي هواجيسه طوابير وافواج = كنه من الضيقه على حر مله
متى على ربي يجي يوم الافراج = واسلم من الهاجوس دقه وجله
يبو سعد شفلي من الضيق مخراج = قل للحمد يبعد عن الشر قله
ولا عطيته بين اذانيه مدراج = واحط في كبده ثمانين عله
كان الحساوي مالقى طب وعلاج = طال الطويل وزود الطين بله
اليا طلبته قال انا اليوم باحراج = ويخاف حتى من كلامه وضله
أخر زمان موزع اسماك وانعاج = كبده على خطلان الايدي مغله
ولياهرج غطى على كل هراج = علمه من العام المقفي يهله
بينه وبين مزارق الطيب مزلاج = درب المراجل والوفا مايدله
الطيب للطيب علامه ومنهاج = ولا الردى لهل الردى والمذله
ولا صرت للطيب معنز ومحتاج = يقضي لزومك في مكانه وحله
هداج لاقالو هل العرف هداج = يقطع ظما الظامي وريقه يبله
ولا الردي عن سكة العز منعاج = حبله قصير ومن طبوعه تمله
ومادام في الدنيا مصابيح واسراج = جعل الردي سهم المنايا يشله
والطيب في قمة شواهيق وابراج = ولاكل من قال وتمنى وصله
ولايغرق الماهر مع صلف الامواج = يسبح بغبات البحور المضله[/poem]

وسلامتكم]

محجوززز ولي عوده...............

الاخ الشاعر / مشخص الفهري

والله ونعم ونعم ياوجه ولد الحارث

بيض الله وجهك

على القصيده الرائعه وتشكر عليها وشاعر جزل ووافي ياالنشمي


تقبل تحيات

أبو صقر الزهيري

واااااااااااااااااااااااااااااااااافي يامشخص

صح لسااانك مليااااااااااااااااار واعتلا شانك

لاهنت على الجزله

تحياتي لك

محمد المسفر أرحب ولاهنت

أبوصقر أرحب ولاهنت ولاعليك زود يابن عمي

ابن زميع أرحب ولاهنت وصح بدنك ياطويل العمر

صح لسانك..قافيه صعبه ومعاني جزله
,
رائعه بكل معاني الكلمه.....والحساويه مافيهم طب طبيب.

صح لسسسسسسسسسسسسسسسسسسسسسسسسسسسسسسسسانك




ودمتم

صح لسانك يابو محمد

إبداع وجزاله ومفرده فذه

شرفني المرور لاعدمتك

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هداج لاقالو هل العرف هداج = يقطع ظما الظامي وريقه يبله
ولا الردي عن سكة العز منعاج = حبله قصير ومن طبوعه تمله
ومادام في الدنيا مصابيح واسراج = جعل الردي سهم المنايا يشله[/poem]


مشخص الفهري

صح لساااانك وافيه من وافي

وقصايدك لها طعم خاص يابو محمد


متابع لما تكتب وفي أنتظار جديدك يالغالي



اخوك
بن غفره

صح لسااااااااااااانك يابومحمد


بيض الله وجهك

بياض ما تغطة لروقات


وفيت وكفيت


لاهنت يا شدادي



تحياتي