قــصيدة الجريــده#$#$ مناشده لكل مسلم لديه غيره على دينه ورسوله الكريم #$#$
 

بسم الله الرحمن الرحيم





تحيه طيبه وبعد




أخواني وبني عمي أعضاء منتديات مجالس قحطان




أقدم لكم هذه القصيده اللتي كتبتها نصرةً لرسولنا الكريم عليه أفضل الصلاة وأتم التسليم محمد بن عبدالله



القصيده تقول

======{{{{{{ إضـــــغــــــط هنا للإستـــــــماع للـــــقـــــصيده بــــصوت شــــــاعــــرهــا }}}}}}======

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جلست أقلب أوراق الجريـده=أدور لـي مواضيـعً جديـده
أقلبهـا لـعـل وياعسـانـي=ألاقي لـي مواضيـعً مفيـده
لقيت أحسن مواضيع الصحيفه=تزيد الهم فـي قلبـي تزيـده
توفى ذاك والثانـي مصـوب=وبنتً فالمهد راحـت شهيـده
ورئيس الدوله العظمـى يهـدد=هل الإرهاب ويشـدد وعيـده
لقا الإرهاب مدخل لجل ياخذ=من العالم جميع اللـي يريـده
إلا منه بغى خيـرات دولـه=صنع للغزو الأسباب العديـده
وإلامنه خلص منهـا يصـرح=يقول أخبارنا ماهـي وكيـده
ولكن شعبها الطيـب تحـرر=بعد ظلمً بقـى فتـره مديـده
تعالوا نصلح أحوالـه تعالـوا=وإعمـار البلـد لازم نعيـده
والآخر منبسط ماحدً بحولـه=يزيد من الضحايا في رصيـده
يصبٌح عشره ويمسي بعشـره=ومن الدم الحمر مبتلـه ايـده
ولامن قيل لـه يكفـي تزايـد=يقول الشعـب ذا لازم نبيـده
ولكـن ربنـا المعـبـود رده=إله الخلق مـا ينسـى عبيـده
قلبت الصفحه وشفت الهوايل=كلام يزلـزل عقـولً رشيـده
يقول الغرب في دور الصحافه=بدت تنشر لهـا نكتـه جديـده
بدت تنشر عن الشافع محمـد=عشان شعوبها تصبح سعيـده
من أسباب الخبر دمعي تحدر=وقلبي كـن بـه نـارً وقيـده
أناشد كل مسلـم فيـه غيـره=على دينه وفـي قلبـه عقيـده
يسوي كل مـا يقـدر يسـوي=ولو حقدً وسـط قلبـه يكيـده
عليهم لعنـة الله فـي كتابـه=وراسمها عسى ربـي يبيـده
تضايق خاطري ممـا قريتـه=ورميت من القهر ذيك الجريده[/poem]

وســـــلامتكم

صح لسانك يابو ناصر


قصيدةً جزله من شاعرً جزل


ومهيب غريبه من مثلك وشرواك


الله يوفقك

آآآرررررررررررررحب ياسعووود تراحيب المطررر





شاعر وافي ... وشاعر ماهي غريبه عليه مثل هذه الغيره والحميه على حبيبنــاا ...

جعلك تسلم ياسعوود ولاعدمنااااك ولاعدمنا حرررررفك ...




وصح لسانك مليوووون ...








اخوك .. سعيد بن مانع

صح لسانك يالعماج
والجزل دايما مايجب الا جزل

صح الله لسانك وعلا شانك والله ينصر نبينا محمد عليه الصلاة والسلام.. والرسول-عليه الصلاة والسلام- ربي مكرمه وهو اطهر الخلق ولكن الأهانه لنا احنا ولازم نعلمهم انه ليس دين الأسلام اللي يهان بهذه الطريقه..
اشكرك على هذه القصيده والله يكثر من امثالك من الشعراء..بعض الشعراء طاحو في الغزل ونسو القصايد المعبره اللي تستحق الواحد يكتب فيها..

تقبل تحيات اخوك: معانق سحاب

صح لسانك ياسعود وبيض الله وجهك

عند نبيك وعند دينك

وماتطرقت له من مواضيع

وهذا القصيد اللي ينومس

تقبل تحيات اخوك / بحر

صــــــــــــــــــح لسانك


والشكر مقدم لك

يعطيك العافيه يا سعود على القصيده الرائعه

وعلى غيرتك على دينك ونبيك

لك تحياتي

صح لسانك يالعماج

قصيدة طيبه من وجه طيب